母乳媽媽於公司泵奶後放雪櫃惹同事不滿 過來人：唔定時泵奶會發燒
廣告
餵 母乳 的媽媽能與BB增進感情，是很美好的親子互動，然而她們亦要面臨一連串問題。第一，擔心奶水不足，BB吸收不到足夠營養；第二，乳頭因為經常餵奶導致破損、或者平時會有塞奶問題，媽媽需要獨自忍受這些劇痛；第三，要找地方餵奶。而重返職場的在職媽媽更頭痕，因為她們分分鐘會因母乳儲存而跟同事產生誤會。近日，一名打工仔於網上討論區發文投訴他公司的在職媽媽，惹來很大爭議。
撰文：Clara | 資料、圖片來源：「香港討論區」、shutterstock
母乳放雪櫃 同事感作嘔
一名打工仔於「香港討論區」以「女同事係咁泵奶，Pantry雪櫃無位擺」為題發文，稱日前與茶水間姐姐聊天時，得悉女同事生完B、放完產假回來就不時於公司泵人奶，並將人奶放入公司雪櫃。他指每天午餐時段開始，打開雪櫃便會看見兩樽奶，兩個小時後多兩樽，放工前再多兩樽，搞到雪櫃有一整格都是女同事的人奶。他說，這個情況已經維持了一個星期，其他同事見到都不敢放自己的飯盒到雪櫃。
該名打工仔指責女同事的行為令他感到噁心：「完全唔搵嘢擋住，見到都有啲想嘔。」後來，他忍不住在某天故意找那名女同事聊天，言談間嘲諷對方母乳產量很多。女同事直言不諱，還表示：「我郁吓都漏出嚟，成日整濕件衫，先要keep住泵，多咗整手工皂，到時畀一個你。」令到打工仔更加無言。
未婚網民大戰母乳媽媽
帖文引來很大爭議，有未婚的網民對那名打工仔的心情表示明白，他們覺得港媽行為太自私：「公家嘢，有人介意就無辦法啦，呢個世界圍住你轉咩大佬。」、「嗰啲嘢始終係身體裡面出嚟，有人介意係好正常。你自己覺得無問題就要其他人都覺得無問題？」
有餵開母乳的媽媽就認為大家缺乏同理心，用扭曲且落後的思想看待母乳，將餵母乳的媽媽妖魔化：「泵奶係生理需要，唔泵會發燒。同埋唔好話人地係乳牛，泵奶好辛苦同埋用媽媽好多營養」、「呢支奶嚟架！放支尿係度你先出聲啦！」、「點解要收埋？ 你擺食物就得，我擺啊仔啲食物就唔得？」、「一出世個個都飲過㗎啦。」、「咩年代？清朝？好心進步少少啦！」
