特殊兒童搭港鐵常尖叫被途人指罵 港媽壓力大要食頭痛藥 揭失控真相

撰文：Clara｜資料授權：「生仔要考牌系列」｜圖片授權：SHUTTERSTOCK

特殊兒童情緒失控港媽要食頭痛藥

一名港媽於Facebook專頁「生仔要考牌系列」投稿，她表示自己經常要帶小朋友外出，但小朋友不時在街外情緒失控，有人願意包容他們，給予同理心，有人卻未能理解。媽媽指，小朋友被確診是特殊兒童，程度屬嚴重，他不懂走路、說話，也沒有常理。

當他見到其他小朋友拍手掌時，他會失控；其他小朋友望住他笑，他又失控；媽媽抱著他步入餐廳門口，他都會失控。情形去到最差時，他甚至會做出傷害自己的行為，小小人仔忽然變成大力士，然後她就會好似相撲手一樣，在大街大巷用盡全身力氣包實他，以防他受傷。

媽媽補充，他的失控不是發脾氣，而是先驚到全身抖震，然後忽然歇斯底里地尖叫，尖叫的音頻高到她經常要吃頭痛藥。所以她很怕帶小朋友出街，只會趁他午睡、安靜時才抱著他出街，極速買餸。

特殊兒童常尖叫 途人有包容有指罵

後來媽媽了解到小朋友的病情，惟有帶他由新界搭車到九龍做治療。考慮到小朋友常常失控，她本來想搭UBER，但她指「費用好貴，我負擔唔到…」，所以就算明知會影響到其他人，他們都要硬住頭皮搭港鐵。

理解完小朋友病情後，媽媽索性提早三小時出門，準備途中要停低，花時間安撫他。每次出門搭車，他都會不停尖叫，她惟有在月台安撫他，等他冷靜。有些途人見到她有盡力安慰小朋友，不會出言指罵，甚至擔心小朋友有事，主動關心他們，她感到很不好意思。她真誠地向受影響的人致歉，因為她覺得大家沒有必要去承受這些影響：「旁人要忍我小朋友喊叫，又要聽我自言自語咁，我反而唔好意思，主動道歉。」

然而，並非人人都懂得包容，媽媽試過被同車乘客用粗口指罵，她未有感到害怕，也沒有不開心，反而慶幸對方沒有糾纏：「好彩佢鬧兩句就走，我話『好彩』係因為佢好快離開而無嘈住我教小朋友，同時我又唔可以鬧返嗰位乘客，因為小朋友唔明我點解咁惡鬧對方，只會更驚。」

她表示自己一直以來不會主動公開小朋友是特殊兒童的身份，因為她認為小朋友是不是特殊兒童也應該受到其他人的善意對待。她坦言已經「睇開咗」：「我道歉，唔代表人哋一定要賣帳，但就算佢唔賣帳，我亦唔再care，因為我個小朋友先係我一世嘅寶貝，而唔係一面之緣嘅途人。」

港媽從不對仔女體罰 鼓勵同路人

對於如何教育特殊兒童，媽媽指她很清楚知道小朋友沒有做錯，而且他一直很努力地改善，只是需要多一點點時間，所以她從沒有因此而覺得自卑，也沒有體罰過他：「我唔會因為小朋友失控崩潰而鬧小朋友，相信如果有得揀，佢都唔想咁容易驚，驚到不停扯自己頭髮，打自己個頭。」她讚賞小朋友很堅毅：「好似物理治療咁，治療師話佢原來會痛，但佢試過治療後企到，就好配合去做、去練。」

最後，她認為自己已很幸運，能夠運用充足時間同資源去陪小朋友協適特殊情況。她知道有很多家長很難全方位配合有特殊需要的小朋友，而且小朋友的改善進度亦因人而異，所以很多比她用心的家長仍在默默為自己寶貝付出：「希望同路嘅家長們明白，途人只係過客，無必要太在意，只要我哋設身處地咁去為佢哋受到嘅影響致歉，對方願唔願意感受，已經唔係我哋可控制嘅範疇。」

另外，她都想對一些不需要面對育兒煩惱的人士講：「所以如果你喺街上遇過一啲小朋友嘈吵嘅騷擾，而願意包容，我想藉呢個平台衷心講句『多謝！』因為你包容嘅，可能就係我嘅小朋友。」

網民表示理解 勸大眾多包容

不少網民留言支持這位媽媽，他們都認同大家應該對特殊兒童與他們的家長給予多點包容，而不是批評：「有日係地鐵見到一個男仔自言自語，坐我隔籬個嬸嬸問我佢係咪黐線㗎，有sen嘅仔女最辛苦都係父母。」網民都對這位媽媽表現理解，紛紛鼓勵她，為她打氣：「媽媽你一定係個心地好嘅人，照顧BB已經好辛苦，更何況照顧一個特殊BB」、「你已經好努力去照顧小朋友，其他正常人一定會體諒，你係一百分好媽媽」