走佬袋 入院袋

走佬袋超詳細清單、準媽媽入院袋跟住嚟執!

懷孕前後

廣告

準媽媽執好走佬袋未?記得第一胎都有寫過一篇走佬袋的網誌,不過當時也是參考不同人的意見而準備,去到第三胎就好清楚甚麼是入院最需要用的物件,所以今次會寫個精選!寫我認為最實用的走佬袋!首先,係你將會喺邊間醫院生,而我3次都喺政府醫院生,佢地會俾一張入院需要嘅物品清單你,所以果份清單嘅嘢,你係一定要準備,不過一般都大同小異,所以照我以下清單去執就無死!

撰文:迪比MaMa|編輯:Sunday Kiss

預備2個走佬袋

我會分成2袋,一個係入院用,另一個係出院用,可以係家人之後攞俾你。

走佬袋
走佬袋

走佬袋清單如下:

-身分證&老公身分證副本
-產前記錄
-八達通&零錢
-乾糧(產前產後充飢,生完會超肚餓)
-電話&叉電器(部分政府醫院唔俾叉電,所以最好帶尿袋)
-個人護理用品(牙刷牙膏、護膚品之類)
-產婦衛生巾2包
-網褲1-2包(代替底褲,約4-6條)
-哺乳胸圍2-3個&乳墊(如餵母乳)
-床墊(部分醫院有提供)
-生理瓶&生理鹽水(清洗陰部用,生理鹽水可選擇性帶)
-水杯
-毛巾(一般用作抺下身或面)
-盒裝紙巾1-2盒(建議用質素較好,不會掉紙碎,去廁所用)

-襪(產後穿防止入風)
-拖鞋
-束腰帶(個人認為係超重要,想腰收得快就一定要帶)
-嬰兒尿片一包
-嬰兒濕紙巾一包
-嬰兒紗巾

*可選擇帶之物件
-鎖頭(醫院通常有個櫃可以俾你鎖住貴重野,所以行出行入就放心D)
-即棄手套(產後唔想掂生水)
-消毒噴霧/酒精搓手液(政府醫院一般BB出世就放係媽媽旁,所以屋企人或朋友來已經可以抱或接觸BB,咁就可以用黎消毒)
-小朋友水泡(順產媽媽怕傷口痛可以坐在水泡上)
-炒米包(個人認為生完叫家人帶更好)

出院袋清單如下:(可叫家人之後帶俾你)

-媽媽衣服:長衫長褲、帽及圍巾(產後怕吹到風,所以包實d較好)

-嬰兒衣服:帽子、和尚袍、手襪腳襪
-嬰兒包巾

出院袋
出院袋

如果你係私家醫院生,一般BB果part嘅用品都會包,例如尿片奶粉之類,同埋媽媽部分嘅用品,所以入院前睇清楚套餐包啲咩,喺上面嗰表扣除再執就ok!最後建議大家,每樣物件準備唔需要準備得太多,因為個走佬袋會超級大同重,所以帶適量就可以,有咩到時發現唔夠用,就叫家人再帶俾你,希望我嘅少少經驗幫到大家啦!

常見問題

走佬袋第一樣野要知的是?
先了解將會在那一家醫院生。

走佬袋一個就足夠?
建議可以分成2部分,一個入院用,另一個係出院家人拿給你。

預備走佬袋有什麼特別要注意?
每樣物件準備唔需要準備得太多,因為個走佬袋會超級大同重,所以帶適量就可以,有咩到時發現唔夠用,就叫家人再帶。

參考資料:衛生處網頁

走佬袋第一樣野要知的是?

先了解將會在那一家醫院生。

走佬袋一個就足夠?

建議可以分成2部分,一個入院用,另一個係出院家人拿給你。

預備走佬袋有什麼特別要注意?

每樣物件準備唔需要準備得太多,因為個走佬袋會超級大同重,所以帶適量就可以,有咩到時發現唔夠用,就叫家人再帶。