【產後調理】補腰膝暖身 花膠螺頭燉瘦肉湯

【產後調理】花膠螺頭燉瘦肉湯 補腰膝暖身

湯水

廣告

其實自小JM出世之後我條腰都時好時壞,有時抱完熟睡嘅小JM後,成個人就更加係散晒。做媽媽嘅都係忙忙忙同忙多,顧得小朋友來又往往忽略咗自己。而今次呢個湯水除咗啱媽媽們飲之餘,其實都好啱一家大細飲,補而不膩!

1.花膠螺頭燉瘦肉湯

呢個燉湯除咗滋補肝腎、養陰潤燥之餘,仲對腰膝酸軟,手腳冰冷及水腫嘅人任好啱飲,尤其適合孕媽咪產後調理。以瘦肉清燉及預先汆水,可減少燉湯嘅油份喔 !燉湯亦比較清甜濃郁,所以唔加蜜棗及鹽都一樣夠味。

【產後調理】補腰膝暖身 花膠螺頭燉瘦肉湯
花膠螺頭燉瘦肉湯(圖片來源:傑。斯與晴 授權提供)

花膠螺頭燉瘦肉湯材料

材料 份量
花膠 1~2個
螺頭 2個
瘦肉 一件
桂圓 適量
小冬菇 6-8粒
薑片 2片
【產後調理】補腰膝暖身 花膠螺頭燉瘦肉湯
花膠螺頭燉瘦肉湯材料(圖片來源:傑。斯與晴 授權提供)

花膠螺頭燉瘦肉湯做法

  1. 將瘦肉及螺頭洗淨,再汆水數分鐘,備用。
  2. 桂圓及小冬菇需要洗淨再稍為浸一下。
  3. 已預先發好嘅花膠切成小片,備用。
  4. 將已汆水嘅螺頭切成片狀,備用。
  5. 慢慢將材料鋪係燉盅之內,先將已切好嘅瘦肉及螺頭放於底層。
  6. 再將花膠及薑片放入。
  7. 最後將桂圓及小冬菇放入,並加入水至八分滿,即可準備燉。
  8. 以精華燉模式燉三小時即成。

 

 

 

2.雙蓮百合桂圓燉湯

為咗令小JM訓得好啲,全家嘅睡眠質素又可以得以提升,我決定燉個預防失眠嘅安神湯畀家人飲!其實媽媽我都好需要飲,因為小JM一個瞓得唔好,就連大家都瞓得唔好,呢啲都係連帶關係來嘅。蓮子有助打電壓、安養心神、改善失眠及抗氧化;蓮藕有助清熱、健脾開胃,產後進食亦有助止血去瘀;鮮百合具清心安神、潤肺補氣、清熱止咳之餘仲有養顏嘅功效; 桂圓肉能安眠、補血,而且有改善心血管循環效用。

【產後調理】花膠螺頭燉瘦肉湯-補腰膝暖身
雙蓮百合桂圓燉湯(圖片來源:傑。斯與晴 授權提供)

雙蓮百合桂圓燉湯材料

材料 份量
蓮子 隨心
蓮藕 隨心
鮮百合 隨心
桂圓肉 隨心
瘦肉 隨心

 

燉湯
雙蓮百合桂圓燉湯材料(圖片來源:傑。斯與晴 授權提供)

雙蓮百合桂圓燉湯做法

  1. 將新鮮嘅蓮藕洗淨,切成條片或小片,備用。
  2. 蓮子、鮮百合及桂圓肉用水稍作浸泡以除去雜質。
  3. 瘦肉切成小件,並汆水備用。
  4. 將全部材料慢慢放入燉盅之內。
  5. 再加3~4碗水入燉盅內,並蓋好。
  6. 燉盅膽注入適當水量後即可開始燉湯。
  7. 待湯燉好即可飲用。飲用前亦可按喜好加入鹽調味。

 

 

小提示:

【產後調理】花膠螺頭燉瘦肉湯-補腰膝暖身
小提示(圖片來源:傑。斯與晴 授權提供)

美的陶瓷蒸燉寶有得揀選兩個不同模式嘅燉湯時間:
養顏湯(燉兩小時)、精華燉(燉三小時)
可因應個人需要或喜好而選擇時長
*另外仲設有發燕窩、燉燕窩等功能添!*

 

資料、圖片來源:傑。斯與晴

撰文:傑。斯與晴圖片來源:傑。斯與晴