丁子高 楊千嬅 中級怪獸家長

千嬅萬能媽媽

2009年8月丁子高和楊千嬅在美國賭城秘婚，翌年補擺喜酒，忙爆的千嬅婚後抽空造人，2012年成功誕下「龍仔」Torres。Real坦言與千嬅雖有年齡差距，但相處十分愉快，「心智成唔成熟，比年齡大小來得重要，有啲人四五十歲都大唔透，但我早出來做嘢，有一定社會經驗，所以要睇兩個人溝通位置同唔同level，有時某啲生活細節上，我比千嬅諗得細緻，但佢亦補到我嘅不足。」千嬅貴為樂壇天后兼影后級人馬，返回家中變平民媽
媽，學習做個賢妻良母，Real大讚她是萬能媽媽，無論幾忙都抽空陪仔，「有時拍戲拍到三四點，六點半又起身，七點同個仔一齊食早餐，之後送佢返學放學，佢同個仔一齊嘅時間，可能比我更多。」

極端嚴父又玩又鬧

千嬅是萬能慈母，Real負責做衰人，「其實我好極端，我係一個好嚴，但又可以帶俾阿仔歡樂.爸爸，老婆、佢媽咪同我媽咪.生活上，同阿仔接觸好多，而阿仔.觀察力好強，知道每人.功能係咩，知道邊個恰得，邊個唔恰得。佢唔係由朝到晚見到我，所以比較驚我，佢有咩曳.都係我出聲，同埋屋企set.個naughty corner，佢一做壞事就放佢入去，好多時都係我做。但玩到好激又係我，游水、踢波等戶外活動，都係我同佢玩，所以.佢成長過程入面，爹..形象比較深刻。」身為名人之後，Torres從出世開始，一舉一動備受外界關注，Real擔心兒子被寵壞，自小就教他切勿驕傲，「品行係非常緊要，對人.基本禮貌同價值觀係必須灌輸，依家我得佢一個仔，所以佢覺得好多.好易得到，我會透過講故事去教佢唔好驕傲，另外一定要誠實，做錯.無問題，但你一定要老實話俾爹.聽。」

模仿爸爸 叫千嬅老婆

他和千嬅沒有如其他名人一樣，過分保護仔女，常在微博和instagram晒親子照，亦樂於分享湊仔軼事，千嬅每次出席活動講起兒子，都會眉飛色舞，Real指兒子現在兩歲多，是最好玩的年齡，「佢開始識行識走，好鍾意模仿，特別鍾意扮我，其實繑腳唔啱，但有時我講電話會繑腳，佢食飯嗰陣學我繑腳；有時我諗嘢會托頭，佢又學我托頭，佢好得意！」Torres正值學說話階段，經常模仿父母說話，最令Real哭笑不得的事件，現在經常上演，「有時我太太叫我老公，佢就不停叫我老公，我話唔得呀，我叫爹哋呀！我叫太太做老婆，佢又即刻嗌佢老婆，好好笑㗎！同埋佢好鍾意學大人說話最後兩句，你知啦，好興奮嘅時候會講一啲……唔啱小朋友聽嘅說話，所以我哋喺屋企講嘢要非常小心。」

最愛城城<唱這歌>

Torres未出娘胎，已聽慣媽媽唱歌胎教，自然遺傳了音樂細胞，加上一家三口在家以唱K為樂，年紀小小的他，已識唱媽媽多首金曲，丁子高笑說：「好多時佢會睇到千嬅嘅演唱會，佢好叻㗎，可以唱到半首歌，佢唔識嗰啲字，但認得啲音。有次仲好笑，女仔歌嘅key高音啲，佢一路照唱，唱到chorus高音位，竟然識得跌番八度key。」男仔始終喜歡chok，Torres都愛扮男歌手唱歌，Real爆他的偶像另有其人，「佢好鍾意郭富城啲歌，最鍾意〈唱這歌〉，佢一睇到個MTV，就跳到不得了！」Real驚覺兒子音樂天分之高，「佢音樂感同拍子感好重，第時都會多啲培訓。」

衛生品行最怪獸

Real與千嬅在育兒方面想法一致，只會重點培訓兒子的興趣，並非如外界所講般「怪獸」，要谷學業兼練成18般武藝，「有啲家長覺得人哋都學呢樣，我應唔應學埋呢？大家好多比較。我同老婆想法好一致，Torres係比較鍾意音樂同畫畫，我哋就喺呢方面培訓多啲，俾多啲機會佢，唔會要佢學埋速算、意大利文，乜都迫佢學。」他們在教育上想法較簡單，只是「中級怪獸」，但衛生及品行上要求較高，去到七至八級，「家庭溝通都係比較中庸，唔想令屋企氣氛太有壓力。」Torres今年入讀銅鑼灣維多利亞幼兒園學前班，並非崇尚名牌效應，或者多圈中人讀，主要是該校是Real的母校，入讀是順理成章，亦睇中她是IB校，「依家觀察緊佢適合本地定國際學校，兩邊我都有study，暫時我傾向國際學校，佢性格好動，同埋環境空間大，多啲運動培訓嘅學校會幾啱佢，國際學校會多啲完善配套，我下年會決定行邊個方向。」

考慮讀母校聖若瑟

讀本地學校亦有好選擇，Real是聖若瑟小學校友，兒子入讀都有優勢，「St. Joseph’s對我嚟講係一間非常辛苦嘅學校，教材比其他學校行先一步，6歲要讀7歲嘅嘢，不過我冇後悔讀呢間學校，我十幾歲讀中學時發覺，小學令我基礎打得好好，所以我有經驗，想睇吓個仔啱唔啱呢間學校，可以打好基礎，而且運動不錯，所以本地學校嚟講，St. Joseph’s係首選。」運動是他選校指標之一，希望兒子多做運動，強健體魄，他正備戰明年一月渣打馬拉松全馬賽事，期待兒子長大後一齊跑步，「我十幾年前已經愛上跑步，呢兩年就非常投入，我覺得一生人應該參加一次全馬，之前都有參加十公里同半馬，依家狀態練習一次都跑到十幾公里，我已經整裝待發。」他指間中都會夫妻檔跑步，「千嬅都鍾意跑步，有時佢會陪我跑，我個仔就未可以一齊跑，但有時跑步前我會同佢去公園玩吓先，佢見我着晒跑步裝束都會講： Daddy, you go jogging，所以佢都知我跑步，希望潛移默化啦，我諗佢大個都鍾意跑步。」

●撰文：Ling

●攝影：黃大立（ 部分相片由受訪者提供）