棄養

不 棄養 !懷孕期間都可以養貓

熱話

廣告

尋日我哋喺FB PO陳茵媺同細女嘅相,而網民唔覺得溫馨之餘,仲怒斥佢因為懷孕而 棄養 貓貓的行為,其實懷孕係咪真係唔可以養貓呢?

 

撰文:Janice
編輯:Fiona Fong

原本只是上載陳茵媺同囡囡的溫馨照,不過網民就重提陳茵媺 棄養 一事,紛紛留言問:啲貓呢?

有人說養貓會引起婦女流產或畸胎,或者因為家中有小寶貝的誕生,而把貓咪送走。岩岩生完BB既陳茵媺都有相同既諗法,但佢唔係怕BB對貓毛敏感,而係陳茵媺自己敏感,喺過去六年,陳茵媺為咗貓貓,六年嚟都有食抗敏藥,所以想等BB停咗食人奶,先接返貓貓返屋企。

好多人都對懷孕養貓有誤解,其實兇手唔係貓,而是貓便便。正確嚟講,係一種叫弓漿蟲既物體。準備懷孕前,可先到醫院作弓漿蟲的血清檢查,若抗體呈陰性,則要在懷孕期中的前三個月,避免接觸有外出習慣的貓咪及貓沙盆等,咁就要請老公幫貓貓洗白白同清理貓便便啦!

其實好多明星即使懷孕期間,都繼續養貓!就好似李蘊咁,大住個肚養貓都冇問題,仲話BB未出世已經好鍾意貓。

又好似陳國邦和羅敏莊咁,出名係愛貓之人,懷孕嗰陣,仲養咗9隻貓!就算生埋小朋友,仍然覺得小朋友同寵物好適合相處。佢仲話:「養寵物係一生一世,從來唔認為生小朋友跟養寵物有衝突,只要注重衛生就得,老婆大肚照樣攬貓訓都冇問題!」