陳浩民

全家都鍾意游水 陳浩民 夫婦進駐天台泳池屋

熱話

廣告

陳浩民 與太太Lisa蔣麗莎五年抱四,早年已在國內崛起的陳浩民愈生愈旺,愈旺愈生,最近全家由紅磡過千呎單位,進駐月租10萬的何文田半山壹號的天台特式游池屋,為的是方便仔女在九龍塘返學。

 

撰文:Sunday Kiss
圖片:陳浩民、蔣麗莎微博、新傳媒資料庫

意外隨時再生

現在凡事以四個仔女為先,陳浩民夫婦學「孟母三遷」,早年由港島東區搬去紅磡過千呎單位,最近再搬去何文田半山壹號一個天台泳池屋,愈住愈豪。新屋內的實用面積有千六呎左右,未計天台及泳池,坐落山上居高臨下私隱度非常高,10萬月租對今時今日的陳浩民來說濕濕碎,仔女老婆住得舒適最緊要。

親自掃家品

陳浩民近月在國內忙拍電影及宣傳,五月母親節都未能抽空返港與Lisa慶祝,最近搬新屋才返港幫手,上周六(17日),他與Lisa到九龍灣Mega Box的宜家傢俬掃家品,這日只有夫婦二人,四位小朋友及外傭未有同行。二人買了大量家品,陳浩民自己做埋司機與咕哩,與Lisa合力把家品塞入七人車內,之後再去土瓜灣的平民麵店買外賣,返抵何文田半山一號時,陳浩民把車停下再借用手推車把家品推回家中。雖然住豪宅,但陳浩民夫婦的日常生活仍非常貼地,湊仔與搬屋一樣,全部親力親為。

蔣麗莎回應

本刊記者搵嚟Lisa蔣麗莎問問佢近況,佢就話近日好忙,忙住搬屋!問到是否為傳聞中的獨立屋,Lisa就否認:「唔係喎!我哋依家住嘅係樓頂特色單位,有自家泳池,唔係獨立屋,原因係我哋全家都比較喜歡游泳,我大肚8個月時,每週都游3次。再加上依家小朋友主要讀書範圍喺九龍塘,為咗佢哋每日有多啲時間睡覺,所以特意安排離學校近啲嘅地方住。」Lisa仲話依家主要目標先教育好呢4個小朋友先啦,仲講笑話驚先生體力唔夠喎,補充指如果再生第五胎,估計要搬村屋啦,完全唔夠地方住喎!