周汶錡

周汶錡 影全裸孕照 回應囝囝「嬲豬」表情

熱話

廣告

周汶錡 早前同囝囝拍攝全裸大肚寫真,對於有網民指囝囝Jacques的表情唔開心,佢就大方回應囝囝呢個表情唔係傷心!另外亦多謝操刀嘅攝影師兼好朋友Paul Tsang,令佢留低咗一個美好的回憶!

 

撰文:Sunday Kiss
圖片:周汶錡Facebook

拍全裸大肚寫真為留念

為 咗留下美好回憶,Kathy日前孖囝囝影咗輯大肚親子寫真,只係用咗30分鐘就完成呢一張係佢認為係佢模特兒生涯內最值得留念嘅相。相信大部分網民都被呢 張相震撼到,一致好評,仲大讚Kathy身形靚。Kathy回應指,冇諗過囝囝肯配合佢影相,令到拍攝過程相當順利。加上今次發現咗囝囝面對鏡頭毫不怯 場,仲識喺鏡頭前擺pose,Kathy笑言可能有少少遺傳。同時亦少部分網民指囝囝Jacques的表情「嬲爆爆」,Kathy大方回應,其實小朋友嘅 情緒冇人能否左右,佢有自己嘅想法,有佢自己嘅喜怒哀樂,認為佢呢個表情並非傷心,只係比較疲累,係個非常純真嘅表情。

老公為BB放棄單車房

Kathy 就話老公Julien對於第二胎比佢更緊張,平時當然有抽時間陪佢,不過就唔使佢特登請假,因為自己都坐唔定,好享受忙碌。由於屋企即將增添新成員,所以 屋企嘅間隔同佈置亦因而有所改變。囝囝Jacques現階段已經戒咗夜奶,所以佢一般會由夜晚8點一直瞓到第二朝;相反初生寶寶就會每3-4小時起一次身 飲奶。為咗配合佢哋嘅睡眠時間,老公Julien就割愛將自己放單車同其他器材嘅房間騰空出來,改建成bb房。

囝囝呷醋 向身邊人請教

由 於肚皮一日比一日長大,囝囝Jacques慢慢感覺到自己就快要榮升哥哥,所以心情有啲低落。依家就算見到Kathy想抱其他小朋友,佢都唔俾,開始誘發 佢嘅妒忌心,驚媽咪俾人搶走。Kathy就話呢個其實係小朋友必經階段,佢亦都阻止唔到佢呷醋,唯有向身邊嘅朋友請教一下,點樣先有效地改變囝囝嘅諗法。

關鍵詞
周汶錡