房

【幾時執房?】房間混亂的人7大特徵

熱話

廣告

呢個世界有兩種人,第一種就好鐘意整齊,多數呢啲人間房都係整齊得一塵不染,而另一種就係間房極到混亂,仲要成日話呢啲叫「亂中有序」!不過,其實後者嘅人都有以下7個特徵,真係一睇你間房就知你係有咩特質,快啲睇下你中唔中啦!

編輯:Sunday Kiss |原文:東方新地| 圖片:unsplash、Pinterest

心理學家:房亂的人心地好、有創造力

好多人都覺得間房混亂冇嘢好,但日本就有心理學家指出,房間亂嘅人多數嘅人會經常同人接觸同常照顧別人之人,所以較少時間花係自己身上,冇閒置時間去整理其生活嘅地方。

此外,外國都有就此進行研究,明尼蘇達大學的心理科學家Kathleen Vohs及Joseph Redden就請到188位成年人分成兩邊,一邊進入乾淨整潔嘅房間,而另一邊則進入佈滿紙、書混亂的房間,隨後,便要佢哋喺「傳統」同「全新」嘅菜單作出選擇。

結果顯示,進入整潔房間嘅人均拿起「傳統」,而進入亂房嘅人則拿「全新」,換句話說,房間整潔嘅人多係愛進行舊有模式,可以嘅話,盡量不變;而亂房嘅人則愛喜歡新奇事物,時常創出新嘅玩意或愛嘗試。

房間混亂的人7大特徵

1. 外表好光鮮

大部分時間都用來打扮自己,邊有時間去執拾房間?尤其係女士們,出門前要試幾十套衫(注意是幾十,唔係十幾),試到「啱心水」時已夠鐘出門口,滿床滿地通處都係被遺棄嘅衫。

2. 懂得善用空間

由於房間實在太亂,要擺放物件就須要特別嘅技巧,最常用嘅招數係「見窿就塞」,即使係床與牆之間嘅空隙都可以「攝」到幾本書。

3. 記憶力驚人

亂中有序,係房間混亂嘅人最自豪的東西。喺一遍亂七八糟嘅環境,總可以憑着好似福爾摩斯般驚人嘅記憶、邏輯推理力,將隨手放於櫃桶底嘅物件搵返出嚟。

4. 非常念舊

唔整理房間其中1個原因,其實嘅唔喜歡丟東西。尤其對舊物有種情意結,認為每件物品都有它嘅歷史價值,連小學年代與同學仔寫嘅書信都會唔捨得丟掉。

5. 需要安全感

房間混亂嘅人,最怕人哋私自替他整理房間,原因嘅物件本身擺放嘅方式,能給予自己一定嘅安全感。倘若房間突然變得整齊,一定會非常不安。

6. 滿身傷痕

手腳上出現瘀痕、血痕等,係見怪不怪嘅事,只因經常被地下嘅嘢絆倒、房間太逼狹但動作太快而撞倒、櫃頂上嘅物件滑下而「中頭獎」等。

7. 有個很「勞氣」的媽媽

日日見到你咁「亂過亂葬崗」嘅房間,阿媽想唔發脾氣都難啦,平均一星期都可以嘮叨10次:「幾時執房?」、「快啲同我去執房」…