官恩娜瑞士高山餵母乳 獲網友力撐

官恩娜瑞士高山餵母乳 獲網友力撐

熱話

廣告

作為媽媽,有權選擇寶寶的餵養方式,餵哺母乳是天職,但在香港,對於見到媽媽在公眾場所餵母乳,依然有人會表現厭惡,甚至認為餵母乳是件很羞恥的事。 藝人官恩娜 (Ella) 最近同老公攜同一對仔女到歐遊度假,囡囡BéBé A眨眼已經6個月大。期間Ella更在社交網上分享了一張在瑞士山上喂母乳的相片,身體力行支持母乳餵哺。

撰文:C | 圖片:官恩娜@IG

官恩娜瑞士高山餵母乳 獲網友力撐

一向支持母乳餵哺的官恩娜在今年年頭誕下囡囡Aurélie(BéBé A)後,依然堅持喂母乳俾囡囡。近日,Ella就同老公帶住一對仔女到瑞士度假,期間Ella在社交網上分享了一張在瑞士山上喂母乳的相片,並好風趣咁留言話:「BéBé A having lunch on top of the 2002m Moléson mountain」,身體力行支持母乳餵哺。

支持母乳餵哺 終獲網友力撐

Ella呢個支持母乳餵哺嘅舉動,獲得一眾網友力撐!不少網友留言「U r so cool!!!!!! Thanks for your action! #normalizebreastfeeding」、「Best mum」、「Yeah, keep it up.. I hope one day asean country can have nursing room everywhere」

官恩娜 曾因餵母乳而慘遭受辱

官恩娜 (Ella) 曾於2016年在香港某酒店女更衣室餵母乳而被歧視、被侮辱。隨後,她將事件放上網,並用一張在外國market餵哺母乳的相片,暗諷在香港餵母乳的情況,更hang tag餵母乳無罪!

官恩娜 facebook及instagram發文全文:

嗰日喺香港某五星級洒店嘅女更衣室(因為喺我所在嘅兩層樓都搵唔到育嬰室,亦有問准更衣室職員)餵母乳,比一個中年女人侮辱!其實我已經故意坐埋一邊唔好阻住人…佢走過嚟故意喺bébé G嘅頭殼頂上面同我塊面側邊大聲敲打電話同大聲閙有人喺度餵人奶!再超級大聲喺bébé G頭殼頂打電話俾酒店各部門投訴,問人哋知唔知女更衣室發生緊乜嘢事!bébé G 都俾佢嚇到喊咗出嚟???? 我都俾佢嚇到呆左比唔到反應? 點解喺呢個年代都仲有人對餵哺母乳存咁大嘅偏見?寶寶飲媽媽嘅母乳係最天然不過嘅事!我覺得無論如何都唔應該咁樣對一個五個月嘅嬰兒!事後我個心好唔舒服?

其實,Ella一直支持餵哺母乳,還不時在facebook、intargram同大家分享:「我係全埋身母乳媽媽…今晚BéBé G 瞓左超過3個鐘…其實仲瞓緊…我就好奇泵出嚟睇下…原來有220ml…比我想像多?」

對於Ella在酒店女更衣室餵母乳被侮辱,網民反應一面倒,紛紛表態支持她沒做錯事,同時也有人震驚在五星級酒店竟然沒有提供餵哺母乳的地方。

下頁:網民反應