張繼聰

張繼聰哄老婆有橋又有戲 森美認口衰 自嘆不如

熱話

廣告

早前喺電台節目訪問人妻王謝安琪,阿Kay提到老公張繼聰平時係點哄自己時,令森美都自愧不如,究竟張繼聰出咩招咁厲害呢?

撰文:Sunday Kiss 圖片:新傳媒資料室、謝安琪IG、張繼聰IG

森美自認把口衰

成日喺電台節目同專欄教人追女仔嘅森美,舊年拍《森美旅行團》時,喺日落之下發表嘅愛妻宣言,令好多女性同胞都感動不已。

不過早兩日喺電台節目《公子會》,森美在訪問阿Kay謝安琪時,就自爆自己平時「口衰」,成日激嬲太太!

森美話:「女人成日都會問,『我有冇肥咗呀?』咁我以前就會話『你運動又運得少,跑兩步又嗌停,你點會瘦啫!』」Mean到連阿Kay都問「咩事呀你?」

點知落井下石都仲未夠,自稱對運動好認真嘅森美,仲要攞個計數機出嚟,同森美嫂計卡路里,森美嫂唔嬲到黑面行開至奇啦!阿Kay都睇唔過眼話:「你估佢而家需要個PT(私人教練)咩?」

 

講到呢方面,阿Kay都忍唔住要放一放閃,事關老公哄佢嘅方式,真係一種藝術!「我而家問張繼聰『我呢排有冇瘦咗呀?』佢就『咦!你企喺邊度呀?瘦到見唔到你呀!』森美聽完,都不禁叫絕!度哂對白,仲要交埋戲,邊度有得輸!

阿Kay講得興起,仲愈講愈多,話老公平時好多呢啲小心思!「好似平時行過我身邊,佢就會『哎呀~』咁扮跣一跣,跣咗出去!然後話:『嘩~好滑呀!』」