情人節放閃

情人節放閃 10對明星夫妻晒恩愛合照

熱話

廣告

又到咗一年一度嘅情人節,你同你哋嘅情人去咗邊呢?今日成個社交網站都充斥住各種「放閃」post,有啲就同另一半2人世界,亦有啲選擇同埋小朋友一家人咁慶祝情人節,一齊睇下佢哋嘅情人節放閃特輯啦!

撰文:Sunday Kiss

湯盈盈 一家四口情人節放閃

湯盈盈同錢嘉樂結婚後生咗2個女,一家四口非常幸福,即使喺情人節依然要一家四口一齊放閃!

情人節放閃

王祖藍 結婚三週年

2月14日喺王祖藍同李亞男嘅結婚紀念日,今年喺佢哋嘅結婚三週年,王祖藍喺佢instagram大晒兩人合照,仲留言話「希望我哋以後日日都開開心心咁過 感恩你一直咁忍我」好sweet呀!

情人節放閃

李亞男 「你永遠是我的白馬王子」

王祖藍就post咗相話結婚三週年快樂,另一邊廂李亞男亦有post相「放閃」,仲留言話「Happy Anniversary to my hubby ! 你永遠是我的白馬王子」 真心sweet到漏呀!

情人節放閃

楊怡 瞓大髀晒恩愛

楊怡同羅仲謙2016年結婚,一直非常恩愛。趁著情人節楊怡喺instagram post咗張羅仲謙瞓喺楊怡大髀嘅相,兩人對望甜笑。

情人節放閃

關心妍 2人世界

育有一女嘅關心妍就選擇喺情人節同老公二人世界,食餐好嘅。

情人節放閃

周汶錡 囝囝係小情人

周汶錡就選擇post出囝囝嘅片段,片中囝囝對住鏡頭好開心咁笑,勁得意!雖然無post到同老公嘅合照,但係喺另一個意義嚟睇,囝囝都係媽咪嘅小情人嚟!

情人節放閃

余思敏大小情人都有花收

鄭中基嘅老婆余思敏就喺Facebook 話老公鄭中基今年好浪漫,令大小情人(即老婆同囡囡)都有花收!

情人節放閃

車婉婉 今年多咗小情人

車婉婉就選擇淨係post囝囝嘅相,仲留言話「今年的情人節是最特別的,除了有大情人Q PaPa之外,仲多了一位小情人BBQ/其實情人節並不限定和伴侶慶祝,也可以和自己愛的人一起渡過/希望大家也努力的愛身邊的人/Love is in the air」其實講得好啱呀!

情人節放閃

張繼聰 「相差37年,不過,係真感情」

張繼聰就喺佢Instagram post 咗囡囡嘅相,留言話「後生女梗係越後生越吸引啦,未夠一歲果d直頭係令人如痴如醉/雖然我地相差37年,不過,係真感情/Baby , 情人節快樂」仲tag話係正牌父女戀!

情人節放閃

黎諾懿 淨係post囝囝相

黎諾懿亦都有「放閃」,不過就係post出囝囝嘅相,嚟祝大家情人節快樂。似乎星爸們特別鍾意晒囝囝/囡囡喎!

情人節放閃