港媽「扮大肚」騙優先快證 Po上網晒命引公憤
廣告
正所謂孩子是父母的鏡子，是孩子的榜樣，所以父母的一舉一動就有可能成為孩子的仿效對象。近日網上流傳一位港媽的舉動，被責罵建立壞榜樣、「教壞細路」，事因該名港媽在日本關西機場安檢時，為了可以取優先快證安檢而「扮大肚」，引起網民熱烈討論。
撰文：Sandy｜圖片來源：關西機場官網、Facebook截圖
「扮大肚」避輪候3000人長龍
事件中的主角近日與女兒遊日本，但在日本關西機場不幸碰著電腦故障，需以人手安檢代替，該名港媽稱眼見有約3000人排隊輪候，其後她便「扮大肚」取優先快證安檢，事件過後自己上載Facebook分享，行徑引起網民熱烈討論。
多個Facebook專頁轉載該名媽媽的貼文，該名媽媽指「關西機場security check電腦壞咗，全人手操作，機場出面排咗過二三千人等入過關（完全無誇大）」，其後又指「我當然用女人最好嘅一個招數，扮大肚攞priorty pass，又俾我過到骨。」當她被地勤人員問到有多少個月身孕，她回答三個月。
肚腩當大肚？
該名港媽續指：「之後佢起身望一望我個肚，好彩我未減肥咋，仲有個肚腩仔凸凸哋，之後阿女真係以為我有咗bb，不停咁問我係咪真㗎」她又在Hashtag指，「為咗阿女等少兩個鐘要講個大話」、「fastpass都要排左35分鐘」、「搵唔到條龍尾喺邊」，又稱「突然間覺得我肥得好可愛好有用。」
網民看完貼文都議論紛紛，有網民直斥「扮大肚已經衰，仲要沾沾自喜咁 “開心share” 出嚟，想博別人稱讚仲衰！分享出嚟攪到其他人有樣學樣，令人人築起越來越高的防禦心，越來越少善心，社會風氣就越來越敗壞！」、「完全解釋到人無恥便無敵點解，其實無話啱唔啱嘅，睇你做唔做得出咁肉酸嘅嘢」、「唔教壞其他人，先教壞自己子女」。
