拖實返港 甜爆互望 │阿嬌唔敢畀老公滿分…

拖實返港 甜爆互望 │阿嬌唔敢畀老公滿分…

熱話

廣告

阿嬌(鍾欣潼)孖台灣醫生老公賴弘國上月26號喺洛杉磯舉行婚前party,之後一對新人留喺美國度蜜月,今日佢哋從美國返港, 剛成為賴太的阿嬌全程拖實賴弘國隻手幸福甜笑,兩人更大方畀傳媒影相,兩人不時甜蜜互望,冧到爆!

撰文:東方新地 、Sunday Kiss│ 圖片:新傳媒圖片、鍾欣潼ig | 編輯:Sunday Kiss (原文刊於:東方新地)

拖實返港 甜爆互望 │阿嬌唔敢畀老公滿分…

阿嬌現身就話:「今次美國唔係簽字,係想大家有個好嘅回憶,同好朋友聚埋一齊。(香港幾時擺酒?)喺12月,到時會同大家講,唔係刻意隱瞞。」問到今次係咪老闆埋單?佢話:「美國唔係,香港係。」問老闆係咪送樓?她笑言:「佢講咗就算啦!」

拖實返港 甜爆互望 │阿嬌唔敢畀老公滿分…

問到去咗咩地方度蜜月?阿嬌話:「都去咗好多地方,美國之後,去咗日本,之後再去台灣。」講到會唔會喺台灣搞婚禮?阿嬌話喺台灣搞派對,而婚禮就會留喺香港搞。 拖實返港 甜爆互望 │阿嬌唔敢畀老公滿分…

問到習慣畀人叫賴太未?阿嬌話:「有啲緊張。(依家畀幾多分老公?)唔畀得滿分,怕佢驕傲!」但賴弘國就畀老婆滿分!點解花球畀阿Sa?阿嬌話:「得佢之嘛,想所有朋友都開心。」

拖實返港 甜爆互望 │阿嬌唔敢畀老公滿分…
結咗婚之後會唔會減少工作同埋親熱戲?阿嬌話:「暫時未有減少。(佢會唔會唔畀你性感?)從來都冇性感。(唔畀拍親熱戲?)冇話唔畀。」

問賴弘國會唔會唔畀阿嬌拍親熱戲?佢以普通話說:「是工作。(爸爸有冇催阿嬌生B?)有問,但一步步來。(爸爸畀阿嬌幾分?)他很喜歡她,也是滿分。(當佢係親女兒?)對,他們一見面就很喜歡她,她也常來台灣看我家人,他們也很開心,爸爸也很感動。」問到幾時BB先?阿嬌話:「一步步嚟。(有冇傾過生幾多個?)冇呀,冇傾過,生小朋友都係緣分。」 拖實返港 甜爆互望 │阿嬌唔敢畀老公滿分…

講到容祖兒因為簽證問題差啲去唔到美國,佢幸好最後能出席,阿嬌話:「佢突然彈出嚟,都好驚喜,佢真係好好彩。(佢話你對佢好有信心?)可能美國領事館睇到報道所以幫手!」兩人十指緊扣晒婚戒,而老公除咗戴婚戒外,右手仲戴咗隻金錶係阿嬌送嘅生日禮物!

拖實返港 甜爆互望 │阿嬌唔敢畀老公滿分…

最後,現場係咁起哄叫佢哋錫錫,但佢哋最後都係冇錫錫嘅!

拖實返港 甜爆互望 │阿嬌唔敢畀老公滿分…
講到賴弘國喺派對上唱出《愛很簡單》,佢笑言練咗好耐:「因為我不是專業。」兩人更大方畀傳媒影相,兩人不時甜蜜互望!

阿嬌同老公坐七人車離開機場,直駛至阿嬌位於西環「維壹」的寓所。 拖實返港 甜爆互望 │阿嬌唔敢畀老公滿分…

阿嬌早前度蜜月穿上一件印有佢同老公着住婚紗嘅Q版公仔嘅件tee,好閃呀!

拖實返港 甜爆互望 │阿嬌唔敢畀老公滿分…

阿嬌出嫁了!

鍾欣潼(阿嬌)和台灣「醫界男神」賴弘國(Michael)上月於洛杉磯五星級酒店Millennium Biltmore Hotel Los Angeles舉行Pre wedding party,儀式中既溫馨亦感人,阿嬌身穿一襲白色大Deep V婚紗,豔壓全場!雙方在父母的見證下行禮,期間阿嬌多次喜極而泣,當中包括致詞時、好姊妹兼好拍檔蔡卓妍(阿Sa)擁抱祝賀及亦師亦友的經理人霍汶希(Mani)輕吻阿嬌面頰時,阿嬌好激動咁喊!

拖實返港 甜爆互望 │阿嬌唔敢畀老公滿分…
鍾欣潼(阿嬌)和台灣「醫界男神」賴弘國(Michael)於洛杉磯五星級酒店Millennium Biltmore Hotel Los Angeles舉行婚禮。

阿嬌:「行到今日好唔容易…」

在致詞時當阿嬌講到:「行到今日好唔容易…」時喊得最為厲害,全場嘉賓亦眼濕濕,兩個唔同地方、唔同背景的人最終修成正果走在一起,真係好難得!Michael輕吻阿嬌前額的場面充滿浪漫氣息,賴弘國更在鋼琴伴奏下向阿嬌獻上深情一曲〈愛很簡單〉,阿嬌聽完喜極而泣,幸福滿瀉!

拖實返港 甜爆互望 │阿嬌唔敢畀老公滿分…

好姊妹容祖兒在最後一刻終於成功搞好簽證,趕到洛杉磯送阿嬌出嫁,送上大大的驚喜,令她感動爆喊,「龍虎豹蛇」終於成功合體!

拖實返港 甜爆互望 │阿嬌唔敢畀老公滿分…

阿嬌契爺劉鎮偉都有出席婚禮,佢仲負責將阿嬌交喺新郎賴弘國手中,場面感人!劉鎮偉喺致詞嘅時候,除咗祝福一對新人,佢仲發揮搞笑本色:「阿嬌叫我做老竇,其實我同佢阿媽係冇關係嘅!」全場哄堂大笑!

拖實返港 甜爆互望 │阿嬌唔敢畀老公滿分…

好姐妹阿Sa微博感觸發文

「想對妳說的話太多太多⋯腦海裏浮現的畫面, 這18年的 一幕一幕的 開心的 、興奮的 、緊張的、 難過的⋯實在太多寫了又刪 ,刪了又寫無數次,怎麼寫也描述不到心裏的感覺。大概是因為我們兩個人一起經歷 、一起面對過的一切, 旁人根本不能體會,也不用一一說明,就如我們平常說的笑話, 其他人都總會無法理解,但是只有妳。」

二人姐妹情深,一時感觸,相擁落淚。
二人姐妹情深,一時感觸,相擁落淚。

婚宴選址來頭不小

阿嬌今次舉行婚宴的五星級酒店Millennium Biltmore Hotel Los Angeles,已有近百年歷史,處處充滿典雅文藝復興時代的氣息。酒店地位超然,除了招待過不少政要、巨星外,早年亦是多屆奧斯卡頒獎禮的舉辦場地。呢日阿嬌婚禮上,現場用上大量鮮花布置,極其奢華又浪漫。

拖實返港 甜爆互望 │阿嬌唔敢畀老公滿分…

前妻隔空發表仇恨論

不過,最近有網友就留意到賴弘國前妻趙筱葳(Ivy)喺個人社交網上載咗一段文字:「什(甚)麼是真什(甚)麼是假?哪些是浮雲哪些是永恆?」,言詞間令一眾網友猜疑Ivy,實為另有所指。

拖實返港 甜爆互望 │阿嬌唔敢畀老公滿分…

影相證明活得比你好

事實上,賴弘國喺2016年與趙筱葳結婚,但二人婚姻只維持僅僅半年就分開。而任職空姐嘅Ivy經常喺社交網上載自己周遊列國同吃喝玩樂嘅相,睇落離婚後嘅生活仍相當愉快。