書展

書展首日踩場 筍貨逐件睇

熱話

廣告

2015香港書展今日(15/7)開鑼!今年有超過600個參展商參與,除咗流行讀物之外,仲有唔少兒童書刊、電子學習教材同書包文具等貨品,在參展期間以優惠價發售,首日已見不少家長拖喼到場掃貨,當中以英文教事書及補充練習最受歡迎!想知有咩筍嘢,就等我哋嘅記者踩入現場,同你直擊一下啦!

特別通道 直入兒童天地

首日開鑼,可能撞正DSE放榜日,記者於午後到場時未見人潮,都算行得幾舒服,售票處都唔算太多人。不過過多兩日就係周末,預計入場人數會按日增加,如果家長諗住帶埋小朋友一齊入場掃貨,建議可以由港灣道入口左側嘅「兒童天地特別通道」買飛入場,每位小童可以喺兩名家長陪同下持票入場,再直達3樓嘅兒童天地,咁就可以慳番唔少時間,又唔怕小朋友冇耐性會扭計喇!

如果由演藝學院天橋方向,經港灣道進入會展,沿途則未見有封路措施,而在港灣道入口上斜後,即可見到兒童天地售票處,可以更快進入會場。

$100蚊 5本level reader 迪士尼文具8折

兒童讀物中,以英文套裝故事書最受歡迎!行到AML嘅攤位,見到Thomas & Friend 同MR.MEN & Little Miss嘅套裝reader,一套35本,而家只係賣$499,原價要成$759,平咗二百蚊有多!

除咗故事書之外,攤位裡面仲有好多卡通人物文具同玩具出售,統統都係照價8折,買滿一千蚊,仲有7折,當中都有唔少好嘢架!

呢盒Hello Kitty畫板套裝,除咗有塊冇嘴貓嘅畫板之外,裡面仲有臘筆同木顏色等嘅畫具,原價$319,書展價8折,即係$255.2。

呢幾兩套迪士尼鉛筆套裝,公主系列就啱女仔,反斗奇兵系列就啱男仔,入面有24支鉛筆,同24舊公仔造型擦膠,折咗都係$95.2,一百蚊有找!

新嘢就有Frozen裡面嘅小白啦! 盒入面唔止有本故事書,仲連埋一隻小白毛公仔tim!

Frozen咁hit,除咗小白,當然仲有好多Elsa同Anna嘅玩具同文具啦! 全部都係照價8折,可以帶埋小朋友嚟慢慢揀呀!

書展攤位:3D-C22 (AML)

新加坡補充練習3本75折 名校生必搶!

補充練習向來係家長必掃嘅三甲貨品,不過香港有咁多出版社出補充練習,點解要買新加坡嘅練習呢?根據攤位負責人所講,新加坡英文水平高,小學習作嘅程度都會比香港深一年,所以好多名校生,尤其係男拔女拔生,都鍾意買嚟做。不過都唔係科科都係偏深嘅,好似數學咁,程度就反而會淺過香港喇,所以家長買嘅時候就要留意喇!

呢個攤位嘅習作,程度由小一至小六,以英文科為主,價錢為$50-$100不等,買3本就有75折。

而放置在攤位外嘅套裝習作,一套10本,為$480,雖未有折扣,但有禮物贈送。

書展攤位:3B-A15(日新教育傳信社)

英文童書 低至5折

相比其餘兩個展館,兒童天地不算人氣最盛,但係就最多拖喼黨,可見家長嘅掃貨目標都集中喺呢個展區,而呢個攤位就更加係人山人海,都係因為八隻字:「全場圖書低至5折」!冇錯!5折!仲要全場都係英文童書,有認字圖冊、有故事書,亦都有小說,0至12歲都會搵到啱睇嘅嘢!

攤位內最多就Peppa pig嘅圖書喇,呢本都係專for小朋友嘅故事書,家長仲可以將手指穿入Peppa pig裡面,透過個公仔講故事畀小朋友聽。

除咗一系列床頭讀物,仲有一啲適合小朋友自己閱讀嘅小說,一樣都係5折。就現場所見,真係有唔少家長一棟一棟咁掃架!

書展攤位:3C-B22(Fun to Read)

電子教材 勁減$620

要學好英文,除咗要豐富字庫,文法基礎打得好都係關鍵。今年書展都要唔少電子教材參展商參展,不過優惠嘅幅度都唔係太大。咁都唔代表冇筍嘢嘅!呢套英文文法學習軟件,適合6至12歲嘅學童使用,主要透過角色扮演嘅互動遊戲,協助小朋友自發學習。呢套軟件共有12隻光碟,原價$1,800,書展價勁減$620,只售$1,180,據知有好多間名校都有採用,有興趣嘅家長可以參考一下。

書展攤位:3C-D22(創新出版)


 

Hello Kitty英漢彩圖字典 看門口必備

雖然而家連手機apps都有查字典功能,不過屋企點都應該要有番本字典!如果畀小朋友用,呢本Hello Kitty英漢字典就真係冇得頂!彩色印刷,有圗有解釋,用嚟認字一流!隨書仲要附送埋10隻聽力學習CD,折實都係$200,筍爆啦!

攤位內仲有其他以電影及動畫為主題嘅讀物,全部都係以優惠價發售。

書展攤位:3B-D26(Culture Island)

最新LEGO 書包 新增護脊功能

書展喺暑假舉行,除咗買書之外,都可以趁機置定文具,準備9月開學用!開學多數都會買新書包,今年書展都有唔少書包參展商,其中LEGO書包都幾吸引到家長駐足參考。據職員透露,LEGO書包在2015年推出嘅款式,都得到中港澳脊醫學會認證,潮得嚟都對小朋友嘅健康有保障!

呢款書展主打書包,原價去到$990,好似有啲貴,不過佢嘅功能性好強,除咗護脊之外,出面個拉鏈隨仲有短暫保溫功能,可以用嚟放lunch box。亦有一款有整套文具套裝,及一個小背囊附送,書展價係$890,計埋贈品,都算幾抵!

書展攤位:(3B-C06)樂高書包


迪士尼文具 $5蚊起有交易

書展裡面都有好多文具參展商,有啲係走專業型路線,亦都有啲係對準小朋友嘅喜好!迪士尼嘅Frozen、反斗奇兵,怪獸大學,仲有最受歡迎嘅手機遊戲Tsum Tsum,而家都變成生產商的文具款式,如果真係要為開學做準備,呢個攤位應該可以完全提供一站式嘅服務!

全場最平就係呢幾款坐枱月曆喇! 5蚊就有交易!

想買書包,呢度一樣有,價錢要因應,大概在$198至$350之間。

行事曆size有大有細,大嘅$40,細嘅$30。

書展攤位:3B-D32(僑生國際有限公司)

 

第廿六屆香港書展2015

開放時間: 7月15至16日 10am-10pm
7月17至18日 10am-12mn
7月19至20日 10am-10pm
7月21日 9am-5pm
地 點:香港灣仔博覽道一號香港會議展覽中心
票 價:超級書迷證$80(可於書展期間無限次入場參觀,更可以使用特別通道進入會場,節省輪候時間。)成人$25、小童票$10(適用於小學生/身高 1.22米或以下的兒童)、上午進場票$10(中午12時前進場適用,不設離場時限,可逗留至閉館,門票只限即場發售,成人及小童同價)、殘疾人士及訪港 人士$10、3歲或以下小童及65歲或以上長者免費進場。

註:凡以正價(成人$25、小童$10)購買7月15或16日香港書展門票人士,憑完整票尾可於7月17、18或19日(星期五、六、日) 晚上7時後免費進場一次。
查 詢:1830 670
註:展覽會於每日關閉前45分鐘停止售票及進場
網 址:hkbookfair.hktdc.com

 

撰文:Joanne

攝影/協力:Fiona