東張西望

東張西望|阿山借警察父過橋借600萬即消失 港媽被絕招瞞騙 報警因1理由不獲受理

熱話

廣告

近日TVB節目《東張西望 》有位女受訪者Tammy剖白遭阿山「未來女婿」瞞騙經歷,指女兒被男朋友阿山呃感情又呃錢,前後損失600萬,差點想輕生。最後她們兩母女驚覺受騙,惟阿山已人間蒸發,報警求助,卻不獲受理?事後網民紛紛為Tammy感到不值,嬲爆欲起騙徒底。

未來女婿爸爸做警察 信任度大增

受訪者Tammy表示的女兒於四年前認識了一名36歲叫「阿山」的男人,他們拍拖時感情好好,阿山經常參加女方的家庭聚會,雙方形同一家人:「我哋有啲咩活動,去旅行阿嗰啲,全部都預佢。」其後阿山向Tammy女兒求婚,送戒指,又計劃拍攝婚紗照。Tammy了解過阿山的家庭,知道他爸爸是做警察,對他更為信任:「當佢半邊仔咁,其實佢已經識曬我哋啲親戚朋友,當時呢個未來女婿值9分。」

東張西望
(圖片來源:TVB《東張西望》截圖)
東張西望
(圖片來源:TVB《東張西望》截圖)
東張西望
(圖片來源:TVB《東張西望》截圖)

未來女婿以不同籍口借錢

籌備結婚期間,阿山突然聲稱做警察爸爸患上肺癌,想向Tammy借港幣90萬元醫病。雖然初時她覺得以阿山財政狀況及家境,應該有錢為爸爸承擔醫藥費,但她指阿山有各種原因表示暫時未有錢,更表示保險的賠償過數後便會立即歸還:「佢話佢哋賣咗層樓,媽媽將錢攞去內地起咗合作社,錢未返到嚟,而且佢哋有保險,索償保險公司後,即可還錢畀我。」所以她借出港幣90萬元。

之後阿山遲遲不還錢,當Tammy追債時,阿山則以保險賠償還沒有到帳為由再拖欠,又不斷用籍口推搪Tammy一家人前去探望他的爸爸。幾個月後,阿山又指爸爸有肺氣腫,急到英國換「屍肺」,再向Tammy借錢。但Tammy不借,阿山於是問Tammy女兒的「二伯」借。原來當時二伯剛剛賣樓,準備換樓,所以有港幣180萬元流動資金借給他。

東張西望
(圖片來源:TVB《東張西望》截圖)

其後,阿山又以生意周轉等藉口向他們借錢,前後借了600萬元。最後阿山要求Tammy轉數到一間投資公司,她才起疑心,發現那間投資公司不屬於阿山名下,才驚覺受騙。

東張西望
(圖片來源:TVB《東張西望》截圖)

未來女婿爸爸從未患癌 只有胃潰瘍

Tammy決定上門探訪阿山的爸爸,竟發現對方只是胃潰瘍,根本從未患癌。阿山的爸爸知道自己被兒子「過橋」,都表示驚訝,承諾會叫兒子盡快還錢。不過之後阿山爸爸突然踩上門,指阿山解釋Tammy女兒窮奢極侈,花掉阿山大筆金錢。Tammy女兒否認,強調自己從未花過阿山一分一毫,雙方就此事不了了之。過多幾日,Tammy發現阿山已離開住處,拒絕接聽其電話,人間蒸發。

東張西望
(圖片來源:TVB《東張西望》截圖)
東張西望
(圖片來源:TVB《東張西望》截圖)

《東張西望》幫手都無能為力

《東張西望》用另一個電話號碼協助Tammy聯絡阿山,但阿山否認認識Tammy。Tammy、主持吳杏美不斷質問,阿山支吾以對:「你係咪搞錯咗啲嘢?」更表示沒有借錢。Tammy隔住電話大罵:「你有冇良心?」阿山便收線。Tammy曾就事件報警,惟警方回應指因Tammy自願借錢,故無法受理:「好嬲好憤怒,我真係好想打巴佢!無諗過佢會咁樣害我。」

事後不少網民覺得Tammy太慘,批評阿山扮到很懂事、好誠懇,對長輩關懷備至:「幾癲,又有女溝又有錢賺,不過人哋一家就慘」、「呢啲真係社會敗類」、「呢啲賤人好心就開樣啦」、「條女人又無錢又冇」、「公開條仔張相啦」本來網民於討論區想起阿山底,但不了了之。

東張西望
(圖片來源:TVB《東張西望》截圖)
東張西望
(圖片來源:TVB《東張西望》截圖)
東張西望
(圖片來源:TVB《東張西望》截圖)

阿山以甚麼藉口向Tammy借錢,令他們從未起疑?

阿山前後借了600萬元,又不但以生意周轉等藉口向他們借錢, 詳情請看

Tammy上門探訪阿山的爸爸,對方竟然這樣回應?

阿山的爸爸知道自己被兒子「過橋」,都表示驚訝,承諾會叫兒子盡快還錢。不過之後阿山爸爸突然踩上門,指阿山解釋Tammy女兒窮奢極侈,花掉阿山大筆金錢,更…更多

圖片來源:TVB《東張西望》截圖