洗米嫂 洗米華溫馨團年
廣告
澳門賭業猛人、兼太陽娛樂文化老闆周焯華(洗米華) 雖然有位為佢誕下兩名子女的紅顏知己Mandy Lieu，不過佢與正印太太、 洗米嫂 陳慧玲( Heidi ) 若即若離，近日兩人不時同場出席活動，表現親暱，似有復合之勢！農曆新年將至，周家上下齊齊出席澳門太陽城集團年飯晚宴，抱着細女Damiana到場的Heidi盛裝亮相，更與洗米華一家影了一張溫馨全家福，兩人關係似乎更進一步？
撰文：Sunday Kiss
早前 Heidi 與洗米華都有同場出席活動，洗米華對太太百般殷勤，兩人甚似有復合之勢。Heidi亦罕有地在IG上載有洗米華在場的大合照，其中一張見到洗米華抱住細女Damiana與Heidi並排企，一家三口終於難得合照！網民們見狀都不斷留言「周太只得一個！」、「周生周太和好如初吧！」等字句！
農曆新年將至，日前澳門太陽城集團舉行團年飯晚宴，身穿黑色長裙的Heidi高貴又大方，非常搶鏡！佢與周家眾人影全家福時，與洗米華一左一右地貼着Damiana的頭，十分甜蜜！至於洗米仔周柏豪就豎起拇指，似係暗示這個家仍然齊齊整整？
Heidi與大女Virginia合照，實在看唔出Heidi已經係兩女之母！
全文完
