無國界產子 機上 生仔 邊個負責 ?
廣告
阿珍年中接待唔少來鳩嗚的大Lulu，最怕遇上大肚婆，好驚佢哋唔知幾時衝關，要生唔緊要，阻住團友嘅行程，有咩事阿珍畀人恐嚇咁點算?!講開 生仔 ，已經做到乘務長嘅姐妹 D 畀咗一個「有咩未見過的眼神我」，然後拋下一句：「你有無見過空中衝關？」
撰文︰杜遊珍
原文︰GOtrip
機上產子驚魂記
「衝入急症室 生仔 算係小兒科，夠膽喺 機上生仔 啊，癲」姐妹 D 話航空公司早有規定，孕婦必須持有醫生證明或陪同才可以上機，懷孕 34 周或以上的孕婦，佢地見一個就 Reject 一個。有一次從香港飛美國的航班，就嚇到姐妹 D 個大耳窿都無肉：「可能地勤同事好 Jun，個大肚婆又好似陳慧琳咁，就嚟生都仲瘦過我！結果起飛無耐已經陣痛，喺廁所穿晒羊水，好彩機上有位護士，幫手接生，如果唔係可能要折返香港去醫院。」生完倦極了的新手媽媽，定過神來劈頭一句便問：「窩嗲去到邊度？」
很少人知道空姐的訓練包括剪臍帶，美國航空的機組人 PatriciaSund 在幫忙接生後，笑說最新的口號是 “Coffee? Tea? Deliver your baby?
落機即取美國護照
原來當時航班已差不多到達美國上空，女嬰算是在美國境內出世，順利成為美國公民，相信呢位女士應該得償所願了。不過姐妹 D就話其實博唔過：
「有啲 case 係要根據航空公司嘅註冊地點嚟判決 BB 嘅國籍，因為海事法規定，只要這艘船或飛機的註冊地是法國，從法律角度說你就踏在法國的領土上。」
講到咁複雜，姐妹D 話一句到尾，空中生仔就係危險！因為飛行時起降震動、高空氣壓變化等因素，會引起子宮收縮、胎動， 甚至可能引發早產。分分鐘贏了護照， 輸咗條命， 而阿珍就覺得， 講多無謂， 整張一世免費任搭機票最實際！
之前一名孕婦在去美國的機上誕下嬰兒，嬰兒獲入籍美國。手抱嬰兒的是空姐。(圖片：網上圖片)
全文完
