產後首復工 楊洛婷 樂做母乳媽媽 爆B女食量大
廣告
楊洛婷(Rabeea)兩年多前嫁給樂隊Dear Jane的主音黃天翱(Tim)後，到今年宣佈有喜，上個月14日順產誕下6磅半女兒Tanya Faith Wong，正式榮升新手爸媽，兩夫婦不時在社交平台分享初為人父母的喜悅，唔經唔覺楊洛婷坐完月，日前佢復出工作為活動擔任司儀，產後首復工的楊洛婷直言好掛住囡囡，餵母乳的她還帶泵奶器出來揼奶，還透露剛滿月的囡囡是「大食妹」一名！
撰文：Sunday Kiss
圖片來源：楊洛婷Instagram
楊洛婷 樂做母乳媽媽 爆B女食量大
楊洛婷產後首度外出工作，雖然只是離家一會，但她已經很掛念女兒：「出門前先餵完奶同掃風，將囡囡交畀媽咪照顧，今日都有帶泵奶器出嚟揼奶！」楊洛婷又透露囡囡是大食BB︰「每日要飲8安士奶，係三、四個月大嬰兒嘅食量，真的是大食妹。」而她老公Tim也有幫忙餵夜奶及掃風。
中文名 字形要靚
楊洛婷老公、樂隊Dear Jane主音黃天翱日前出席公開活動，表示會努力工作搵奶粉錢，至於囡囡中文名亦已改好，叫「黃子霏」，他說喜歡名字寫出來的字形靚。問到會否為愛女搞百日宴？Tim說考慮或者返溫哥華搞：「因為太太細佬嘅小朋友都同囡囡差唔多大，可能夾埋一齊搞。」
圈中友探望
坐月期間，不少圈中人紛紛前往探望楊洛婷母女，好似周家蔚、唐詩詠、「Master Joe」游莨維等！其中今年6月榮升爸爸的游莨維，更帶埋4個月大兒子Morgan前住探望，不少網友搞笑問二人是否對襯家？！
和很多新手媽媽一樣，楊洛婷都有請陪月員幫手，她經常大讚對方好幫得手，而且整咗好多美味的食物給她吃，日前陪月姨姨完成工作，臨走前還教她下廚，又傳授炆鮑魚的技巧！
