皮褸女

皮褸女 被紙飛機掟中 對男童起飛腳 網民怒斥

熱話

廣告

噚日,一名身穿黑色皮褸的女子疑被男童用紙飛機掟中,她非常不滿,對男童破口大罵之餘,又向男童起飛腳,事件被路人拍下,片段上載到FB後(按此觀看影片),網民均議論紛紛!斥責黑色 皮褸女 為「正宗港女」,又大讚媽媽做得好!

 

撰文:Fiona Fong

事發前,小男孩玩緊紙飛機,不小心打中穿皮褸的女子背部,然後更衝向男孩和其外傭呼喝,質問對方:「你姓咩㗎?」、「你邊間㗎?」,更向男孩起飛腳。男孩受驚躲在工人姐姐背後,盡力保護小主人,並且不斷呼叫男孩媽媽。男孩媽媽現身後,先聽工人姐姐講述事件,然後開始向皮褸女說理!片段一出後,網民紛紛指責皮褸女!

另外,亦有網民大讚媽媽身教有道!用3句KO皮褸女!

一開始媽媽先道歉,但皮褸女態度非常囂張,仲話自己係李大當家!媽媽即刻話:

「你打人就係唔啱,況且人地係小朋友,你有無少少耐性同愛心啊?」

皮褸女想走,媽媽制止,仲要求皮褸女向小朋友道歉。

「我呢個小朋友做錯嘢,我已經同你say咗sorry啦,但你打咗人,你有無講sorry呀?」

皮褸女堅持唔同小朋友道歉,仲話小朋友無同佢道歉

「佢(男童)幾歲,你幾歲呀?即係你要個小朋友同你say sorry,你先會say sorry?」

呢3句說話,足以睇到呢位媽媽EQ有幾高,更臨危不亂同皮褸女講道理!其實做錯嘢要道歉呢個道理人人都識o架啦!但點解呢位女子要咁堅持唔道歉?小編真係睇唔透!

關鍵詞
EQ皮褸女