12蚊店

私と生活 12蚊店 進駐德福

熱話

廣告

最近 12蚊店 開完一間又一間,先後有AEON 黃大仙、大埔分店 ($12店 登陸大埔 精選20件必敗產品)開幕,最近又一間 12蚊店 新開張,不過今次並非AEON,而是日式百貨集團UNY旗下的私と生活(中文釋作:我與生活)。今次就為大家精選10件抵買物品啦!

 

撰文:Heidi Lau
圖片:相關機構facebook

私と生活第三間 12蚊店 已於上星期進駐九龍灣德福廣場PIAGO内,甫進店內即看到位置所在,十分方便。店內出售文具、廚具、清潔用品和美容等生活雜貨,全部都由日本進口。

1. 冷凍飯盒及保溫袋

夏天天氣熱,食物好易變壞,但帶飯用這個飯盒就冇有怕啦!飯盒上有一層專放保冷劑(可循環再用),再用保溫袋就安心哂!

2. 香蕉盒

這個大熱商品,之前在另外兩間 12蚊店 賣斷市,德福店有得賣!用呢個盒帶香蕉返工返學,都唔怕壓爛啦!

3. 各款顏色筆

就快開學,記得為小朋友準備定多啲顏色筆,增加佢哋學習興趣!$12一大排,爸爸媽媽帶一兩支返工用又得啫!

4. 多款筆袋

文具咁多又點可以唔用個筆袋裝住呀?不同大細、顏色、款式任你揀!

5. 黑白板

小朋友返學,好多事要記住,媽媽可以買呢啲黑白板仔將重要事情寫低,提醒自己。

6. 波點控必搶

波點圖案商品係店內新返入產品,有筆記簿、筆袋、Memo紙,連水杯都有,啱晒波點控。

7. 牙刷連杯旅行套裝

去旅行即使酒店有提供牙刷,有潔癖的人都一定會自己帶,而這款旅行套裝仲跟埋杯,非常好!

8. Mason Jar杯

近年美國、日本都興起將Mason Jar當餐具,用嚟放咖啡、Smoothie,甚至沙律、甜品,用嚟整凍飲就啱晒。之前賣斷市,依家返咗貨喇!

9. 水杯

呢款水杯有兩款,一款係杯蓋可兩用,翻轉可以當杯墊;另一款有個窿可以插飲管。

10. 餐具

由日本入口的NY Taste餐具系列,款式簡約,用嚟盛載親手整嘅食物都好味啲咁!