胡杏兒

胡杏兒囝囝滿月 蘇永康一家到賀

熱話

廣告

胡杏兒囝囝Brendan上周滿月,當然要大宴親朋慶祝,除咗屋企人,原來杏兒仲邀請咗圈中好友蘇永康出席,阿公一家大細當然人到禮到。噚日,老公阿Phil分享咗一張相,仲話從一張相就可以見到佢哋嘅人生變得有幾精彩,到底張相有咩特別?

撰文:Sunday Kiss
圖片:hakkaphil,william_gung@Instagram

當Brendan遇上Jazz

原來就係一張兩家人嘅合照!阿Phil同阿公一向老友鬼鬼,見證住大家由結婚到有自己嘅小朋友,二人如今都有一個幸福美滿嘅家庭,實在值得慶祝!相中見到各人都面露幸福笑容,唔怪得阿Phil話從一張合照就可以見到佢地人生變得有幾精彩!

阿Phil仲感謝阿公由東京帶咗條牛仔褲俾小Brendan,唔知幾時有機會著俾大家睇呢?

阿Phil同阿公實屬老友,今年阿公50歲生日都有大家一齊慶祝。阿Phil特登搵咗老友最鍾意嘅蛋糕俾佢,仲話希望以後嘅生日可以繼續同大家嘅囝囝一齊慶祝!唔知Brendan同Jazz會唔會好似兩個爸爸一樣咁老友?

胡說八道會睡衣生日派對

胡杏兒做咗媽咪之後的第一個生日,胡說八道會成員一早為佢準備咗睡衣生日派對慶祝!胡杏兒在FB多謝老公,原來呢一切都係老公的安排!佢話:「知道我哩一個月來每日都係著睡衣,所以特別叫胡說八道會全部著曬睡衣嚟比個surprise party我,搞到我又驚喜又感動!」

杏兒仲有感謝老公特別買咗佢想食嘅海鹽焦糖蛋糕!

定欣就特別訂造咗呢個造型咁得意嘅蛋糕俾杏兒!

 

5個契媽 輪流為胡杏兒送上祝福

黃智雯喺IG寫到:Happy birthday to 最漂亮的 Myo 媽媽,希望您願望成真,你許左好耐願,就知道你將最好的都留給Babe Lee,我地都深深感受到,亦親眼見證了,重看我地六個的舊相,到現在變了6+1的感覺,真的好奇妙!

胡定欣就話:這是你當媽媽後第一個生日! 我想說的,姊妹們都替我說了。你沒有讓我們嚇怕,你讓我們上了一課。當媽媽或是當女人,實在太利害,她們天生就是强人 Happy birthday Myo…祝你永遠幸福快樂,繼續被愛包圍住..WE LOVE U!!!~~~

李施嬅也分享道:Happy birthday to 偉大媽媽 見到你完全充滿愛,完全付出給BB和身邊的人,有點心痛你的辛苦但是很感動的。今年生日特別有意義,等我哋一齊陪你坐月啦。 Healthy and beautiful and happy always.

相信佢哋所講將最好的留俾BabyLee,就是餵母乳吧!

下一頁:思考型爸爸森美 從旁觀角度看子女