港姐

黃婉恩落選港姐被林柏希踢爆呃飲呃食 外國回流碩士畢業 生活奢華被指家底富裕

熱話

廣告

港姐 向來宣揚美貌與智慧並重,不過近日就有一名落選港姐被爆呃肉呃食。前新城DJ林柏希於社交平台大爆一名TVB女藝人主動要求免費試食Tes set的機會,惟事後卻走數,沒有幫對方在社交平台宣傳該Tea set。有網民懷疑當事人正是有家底有學識的2020年落選港姐黃婉恩,不過林柏希已將帖文刪除。

前DJ爆落選港姐主動搲免費餐

林柏希是前DJ,如今任網上節目主持人,也涉足餐飲業,一劈頭他就說了一句:「今次交手嘅女仔,可以話用一個Tea set嘅價錢已經睇到佢嘅品行。」事緣他同事有次跟他說,有個女仔自稱某屆香港小姐十強、TVB藝人,主動透過Instagram聯絡他當公關的餐廳,希望獲得免費試食的機會。他講明提供免費試食沒有問題,只要她在Instagram出帖文,幫餐廳做宣傳即可:「講真,我完全唔知佢乜水,見佢都有三萬幾個Followers,就諗住互惠互利啦!我請你食無問題,叫佢之後出返個Instagram wall post囉,我講明唔係齋Instagram story(限時動態),係wall post。咁係你主動嚟R(搲),又唔係我朋友,亦唔係我邀請,公事公辦在商言商,我提出嘅要求,你做到就嚟,唔想嘅咪算囉。或者你可以畀錢幫襯我,畀個折你都得,最重要大家開心,唔好任何一邊蝕底。」

落選港姐用離譜手段呃飲呃食

林柏希指期間對方很麻煩,一時表示要改期,一時想加到四個「人頭」。對方食完嘆完,結果竟然沒有完成他當初談好的要求:「即日佢係有出到一個Instagram story,不過只有佢個背部又無個Tea set。」他與同事不能接受,但因為「廢事好似催人咁」,所以沒有立刻追問為何沒有出到正式帖文。

過了十日八日,對方沒有任何動靜,同事很有禮貌地聯絡她,卻得不到回覆,但當晚發現對方終於出了帖文:「出咗一個Instagram wall post,雖然張相個Focus(聚焦)只係喺佢個樣,個Tea set係Blur(模糊)嘅,似道具Feel,亦冇Tag餐廳,不過見佢有Location checked-in(有打卡位置),我覺得OK啦,始終我哋真係無畀過Hard cash(現金)對方,不能過份要求嘛,明嘅。」可是當他同事想截圖做紀錄,想匯報給公司時,發現對方竟然已經刪除帖文。

(圖片來源:Facebook@Will Lam)
(圖片來源:Facebook@Will Lam)

前DJ轟:好肉酸啊 黃婉恩成嫌疑人事後急補鑊?

林柏希最後怒轟對方沒有誠信:「一個Tes set值幾錢吖?原來你個朵就係值咁多㗎咋?哈哈!仲有,真係唔係我逼你出Post㗎,係你主動R(搲)跟住自己應承咋,原來你嘅誠信只係值一晚。講真,我完全無嬲,只係覺得佢Cheap,好肉酸呀!唔好再用呢啲招數去其他餐廳呃飲呃食喇,真係影衰晒㗎!!」

憑林柏希上載對方的背部相片,有網民懷疑是2020年落選港姐、現為TVB娛樂新聞台主持的黃婉恩。

落選港姐被踢爆用離譜手段呃飲呃食 外國回流碩士畢業 生活奢華被指家底富裕
(圖片來源:TVB娛樂新聞台截圖)
(圖片來源:TVB娛樂新聞台截圖)
(圖片來源:TVB娛樂新聞台截圖)

黃婉恩事後突然取消隱藏帖文,更標籤了餐廳名。

落選港姐被踢爆用離譜手段呃飲呃食 外國回流碩士畢業 生活奢華被指家底富裕
(圖片來源:IG@yancy)
落選港姐被踢爆用離譜手段呃飲呃食 外國回流碩士畢業 生活奢華被指家底富裕
(圖片來源:IG@yancy)

黃婉恩碩士畢業外國回流 被指家庭富裕

黃婉恩在英國出世、成長,畢業於英國艾希特大學碩士課程,外國回流香港後參加2020年度香港小姐競選。她參選港姐時被外界視為大熱門,最後只入十強。為了加入TVB,她辭去高薪厚職的銀行工。她愛好名牌、坐遊艇出海、經常周遊列國,是立法會議員何君堯姪仔女朋友。有傳她家底富裕,但她曾接受傳媒訪問,澄清自己並非在富裕家庭中長大。

圖片來源:TVB娛樂新聞台截圖、IG@yancy、Facebook@Will Lam