十八年後的終極告白2.0｜譚俊彥展現視帝級演技 75歲狄龍曾於全港人面前教仔

原文刊於：東方新地

《十八年後的終極告白2.0》譚俊彥扮賤男展現視帝級演技

譚俊彥於劇中是個後期變奸的角色Angus，身為畫家的他出道十數載依然寂寂無名，一直受到老婆Queenie（譚凱琪飾演）壓逼，但強忍，直到他發現對方出軌，加上被對方狂鬧，終失控用手捏其頸。老婆被Jason（陳山聰飾演）殺死後，因一時虛榮所以請求沈越（龔嘉欣飾演）替他代筆畫畫。他一直哄著對方，扮演情深男朋友，但其實只是利用她以延續偷來的知名度。他曾關了沈越的電話導致她不能見外公最後一面，之後開始為名利而嚴肅陰沈，利用沈越年少時的悲慘往事為畫展宣傳。

其後沈越弟弟天藍（邵展鵬飾演）看不順眼，處處針對Angus。Angus於是暗地裡報復、對付他，在天藍看到時故意親吻沈越，疏遠他與姐姐沈越、妹妹𡃁妹（鄧卓殷飾演）的關係，故意激起天藍情緒再扮被打，揭發天藍暗戀與影拍沈越的秘密。

最後更加約天藍到山上，親手解決他，回來後在沈越面前繼續扮可憐，還向對方求婚，令對方放下戒心。

另一方面，Angus與Jason互相猜疑，不斷斥責Jason行為恐怖，但其實自己與他是同一類人。他獲得著名藝評家邀請前赴海外發展，但需要得到沈越的幫助才可完成目標，於是捉走𡃁妹威脅她。Jason因事急着籌錢離開，只得求助他，但Jason獅子開大口。兄弟最終利字當頭，反目成仇。

沈越於危急關頭，將隱藏心底的秘密告訴Angus，告訴他𡃁妹是二人的女兒，Angus錯愕不已，惟事情發展至無法挽回的局面，最後二人趕到廢屋，但𡃁妹為逃跑失足墮樓身亡。而Angus則因為誤殺罪名成立，即時入獄，在監獄中被其他困犯打斷右手，永遠不應執筆畫畫。若干年後，Angus放監，惟已經變成白髮蒼蒼的老翁，他主動尋回沈越。沈越已放下怨恨，成為真正的大畫家。

不少網民大讚一向只有木獨表情的譚俊彥演技出色，終於展現視帝級水準：「真係個個都心理變態，認真劇情好好睇，估唔到TVB好難得咁有水準嘅電視劇」、「譚俊彥變臉果下都勁」、「好戲咗喇終於」。

狄龍曾於全港人面前教仔

《萬千星輝頒獎典禮2021》 譚俊彥憑《換命真相》首奪最佳男主角，更擸埋馬來西亞視帝獎，當晚更攞埋最佳衣著男藝人獎，旺到爆﹗譚俊彥父母狄龍及陶敏明親身到場見證兒子攞獎，陶敏明直言開心過自己及龍哥攞獎。

譚俊彥獲獎一刻，母親陶敏明興奮在觀眾席上站起拍手，譚俊彥含淚話：「媽咪對唔住，呢幾年我少咗打電話畀你，唔係我唔愛你，係姓譚習慣將愛放喺心，我好愛你﹗我要多謝太太，你係我嘅全部，冇你我唔會拎到呢個獎，love you，我唔會忘記初心﹗」譚俊彥頒獎禮後接受娛樂新聞台訪問時依然激動，哽咽話：「我事前冇準備講乜，原來上到台係會唔記得晒講咩，我仲有好多人要多謝，要多謝戴耀明、經理人…」

此時父親狄龍突然硬入教訓兒子，一臉嚴肅對住譚俊彥話：

「 我知道我個仔因為我做呢行，唔想衰畀我睇，呢樣我都贊成﹗我鍾意用理性，多過感情角度去睇件事﹗我想話你知，你要感激過去、努力當下、放眼未來，你有幾大嘅能力就有幾大嘅責任，當然要用行為用工作去報答支持你嘅人，今日你好幸運，但同你一齊競爭嘅人嘅技巧，唔一定輸過你，只不過輸咗個運氣畀你﹗」

狄龍大潑兒子冷水：你要了解點解失敗

接續狄龍再說：「如果你有你嘅初心，你要對你屋企人，對你嘅小朋友，對太太對媽咪努力﹗因為時間係有限， 我哋七十幾歲人，唔知睇得幾多時間，但我好感激你，為咗你嘅工作唔使令我難過，而付出咁大嘅努力，去追求你嘅成功，但你要知道你付出咗好多，我都付出咗好多﹗」一直在旁細心聆聽父親教誨的譚俊彥即和應：「當然啦」。

狄龍繼續講：「但我唔想睇你難過，我唔想睇到你失敗後嘅失落，我認為人生應該仲有一樣嘢，你要了解點解失敗，失敗喺邊？」譚俊彥好不容易插嘴：「老竇，所以我咪唔敢叫你嚟囉﹗」狄龍冇理個仔繼續話：「點解我圈你呢？我驚你過度咗，但媽咪呢就係衷心支持你，我都係衷心支持你，OK？你以後要謙虛啲，（譚俊彥受教不停點頭），你煮啲嘢係好食嘅﹗ 」

狄龍叫譚俊彥退居幕後

無綫娛樂台主持好不容易搵到位發言，就問狄龍，會否為有譚俊彥呢個兒子感到驕傲？狄龍就答：

「我覺得佢如果有能力，可以諗吓退居幕後，例如做一個製作人、導演（譚俊彥嚇到O嘴），做到嗰啲位，你可以提拔到後輩，可以喺社會有正面嘅影響，可以影響人心，你見到志偉咁成功係因為佢可以影響人心，佢嘅成就同能力使人好開心，使人開心好難，悲劇容易啲，喜劇好難㗎﹗如果將來你能散播多啲歡樂，我會更加開心囉﹗」

譚俊彥望住爸爸狄龍回應：「我今日最開心就係你喺度﹗」狄龍聽完兒子的感動說話，突然轉話題：

「你揸車返去要放慢啲，慢慢揸呀﹗」

譚俊彥答完好就請狄龍翌日去探孫兒﹗

譚俊彥母親陶敏明接受訪問時直言好開心興奮：「真係好開心，冇諗過會咁開心，以前都見過人攞過唔少獎啦，龍哥都攞好多啦，都唔夠今日開心﹗」即向旁邊的狄龍話：「龍哥你唔介意呵？」她又指一定要好好慶祝：「我仲要同晒所有朋友慶祝﹗」表現冷靜的狄龍就大讚新抱好識教小朋友，令兒子有個好好嘅家庭：「家庭嘅支持好重要﹗」

狄龍5分鐘教仔完整影片：

萬千星輝頒獎典禮2021 FAQ

問：今屆萬千星輝頒獎典禮2021 得獎名單詳情？
答： 今屆頒獎禮名單由最佳男配角開始⋯⋯得獎名單詳情｜最後五強名單

問：「非親生」的鍾嘉欣失去視后有咩講？
答：陪跑14次仍失落最佳女主角！頒獎禮後，鍾嘉欣雖然急急腳鬆人回家湊仔，但仍不忘慰藉電視城外的粉絲，期間接受訪問更大爆回港出席頒獎禮原委，其中以十字回應，句句有骨 ⋯⋯詳情按此收看