陀B五個月 賴慰玲 ：第一次感受到胎動感動到想喊
廣告
TVB 藝人 賴慰玲 日前公佈自己有咗BB接近5個月，佢尋日接受東方新地嘅訪問時就話，前晚第一次感受到胎動感動到想喊，仲話男朋友得知自己有咗嘅時候異常冷靜。雖然賴慰玲 係未婚懷孕，但係佢就話有無小朋友都計劃緊結婚，會拍完劇之後先考慮生咗先結婚點解未生就結婚，亦表示自己想嘗試順產生BB。
撰文：Sunday Kiss
圖片：賴慰玲 Instagram、陳嘉寳Facebook
第一次感胎動感動到想喊
賴慰玲 日前接受訪問時候話前晚第一次感受到胎動，感動到想喊！被問到男朋友知道自己有咗嘅時候有咩反應，賴慰玲 就話男朋友當時整緊熱水爐，得知自己有咗BB異常冷靜，接受咗之後只係攬咗佢一下就繼續整熱水爐。賴慰玲 話自己收到滿滿嘅祝福添！
有無小朋友嘅出現佢都會嫁畀男友
佢話屋企人得知佢有咗BB之後當佢係皇后咁百般呵護，至於自己未婚懷孕嘅問題，賴慰玲 就話其實有無小朋友嘅出現佢同男友都計劃緊結婚，都會嫁畀男友，但因為依家正在拍攝劇集，佢就話唔爭在嗰兩三個月，會拍完劇先同屋企人傾應該生完BB先結婚點解未生就結。
蔡思貝知道消息後喊咗10分鐘
賴慰玲 同蔡思貝分屬老友，蔡思貝得知賴慰玲 有咗BB，就喊咗足足10分鐘！賴慰玲 亦表示自己想試順產先，同希望BB 會喺好朋友Anjaylia 結婚過後先會出生，以免無法參與Anjaylia 的婚禮！
關鍵詞
賴慰玲
