酒店

酒店員工大爆「啲客漏咗咩喺房」 原隻MARY+神主牌都未算誇張

熱話

廣告

大家住酒店時,有沒有試過漏低任何個人物品呢?最近有酒店員工在網上討論「住客遺漏物品」,漏低充電器、個人飾品都算小事。更有員工指,自己曾見過神主牌、「原隻MARY」等,究竟住客最誇張漏低過甚麼呢?

撰文:CY|圖片來源:Facebook群組「酒店Secret」、TVB@她她她的少女時代、淘寶、Unsplash|原文刊於:GOtrip

酒店員工大爆「啲客漏咗咩喺房」 原隻MARY+神主牌都未算誇張

最近有酒店員工在Facebook群組「酒店Secret」,以「最誇張聽過啲客漏咗咩係房? 可唔可以執齊野先走」為題開Post討論,引起酒店同業瘋狂留言。

一開Post就引起好多酒店員工留言,似乎真係好多共鳴!(圖片來源:Facebook群組「酒店Secret」)
一開Post就引起好多酒店員工留言,似乎真係好多共鳴!(圖片來源:Facebook群組「酒店Secret」)
最誇張聽過啲客漏咗咩係房?(圖片來源:Paul Postema @Unsplash)
最誇張聽過啲客漏咗咩係房?(圖片來源:Paul Postema @Unsplash)

其中獵奇回應不在少數,有酒店員工爆料曾經見過房間有一大堆情趣用品,包括「一包全新嘅毛毛手扣、繩、皮鞭」,仲有「震震棒」,有部分全新包裝、拆都未拆,真係怕同客人講返會尷尬。

亦有酒店員工話見過「原隻MARY」,不過就並非「做CPR個種MARY」,實在一言難盡。(圖片來源:TVB@她她她的少女時代)
亦有酒店員工話見過「原隻MARY」,不過就並非「做CPR個種MARY」,實在一言難盡。(圖片來源:TVB@她她她的少女時代)

仲有酒店員工話見過有住客漏低女裝底褲。究竟有什麼值得驚奇?原來住客居然將底褲放在夾萬內,而且更未經清洗,原汁原味,實在好恐怖。

當然不少得假牙、高爭鞋、波鞋等等貼身衣物,連護照、警察委任證等證明文件亦有上榜,不過相對來講比較常見,相信大家都漏唔少。(圖片來源:Unsplash@stilclassics)
當然不少得假牙、波鞋等等貼身衣物,連護照、警察委任證等證明文件亦有上榜,不過相對來講比較常見,相信大家都漏唔少。(圖片來源:Unsplash@stilclassics)

最獵奇莫過於,居然有住客遺漏嬰兒。試過有「爸爸媽媽推住架無BB嘅BB車走」,甚至有印度人試過「去到機場先發現唔見咗個仔」,真係相當誇張!漏低嬰兒之餘,仲有住客試過漏低幼稚園書包連功課手冊,三個月都未有回去攞返,莫非已經休學唔再讀書?

其實漏低物品真係層出不窮。有住客漏低活生生的蛇及蜥蜴、魚缸,甚至神主牌和骨灰,真係相當大不敬!

漏低神主牌和骨灰未算大問題,不記得拿回來才大問題!(圖片來源:淘寶)
漏低神主牌和骨灰未算大問題,不記得拿回來才大問題!(圖片來源:淘寶)

亦有酒店員工詼諧粉飾悲劇,話試過見到有人「漏低咗個肉身,靈魂走咗,唔識返嚟攞,要call白車」,可謂去酒店最慘的遭遇。

資料來源:Facebook群組「酒店Secret」

關鍵詞
酒店