COLLAR

我哋係COLLAR|隊長Gao讀英中曾為港爭光 自爆無信心原因爸爸一句助完夢

熱話

廣告

ViuTV節目《我哋係COLLAR 》播出女團COLLAR隊長阿Gao(沈貞巧)造星之路的辛酸,在節目中,父母無條件的愛和支持為她帶來無限信心,推動她不斷進步,曾代表香港到美國出賽。如今她成為團中的舞蹈擔當,更被獲封為「女版Lokman」,是COLLAR不可或缺的靈魂人物。

Gao讀band 1校曾為港爭光 因養家減少跳舞

中學時代阿Gao畢業於沙田區英文中學蘇浙公學,該校以英文為主要授課語言,另外用普通話教授中國語文,歷史和文學。在學期間,她熱愛舞蹈,其後在浸會大學取得學士學位,畢業後因為熱愛舞蹈成為自由工作者。後來她成為跳舞老師,主要教的舞蹈就是Locking,曾跟組隊代表香港到美國出賽,更奪得 「World of Dance Hong Kong 2019」 亞軍,實力可見一班,但曾因為養家而投身其他工作,一度減少跳舞蹈,同事甚至要求她放棄跳舞,專心工作。

COLLAR Gao
(圖片來源:ig@gagarieo)

爸爸一句說話令Gao放心追夢

ViuTV節目《我哋係COLLAR》中阿Gao分享:「當時喺香港,如果你專注做跳舞,唔係做commercial(商業)方面嘅嘢,其實揾嘅錢係好有限,你要我負起照顧家庭嘅責任,其實係唔OK」但她之後因為爸爸一句說話重新勇於追夢,沈爸爸說:「我同佢講:『依家做個份工隨時隨地都有機會,但跳舞就唔係,跳舞真係好講求體魄,heart,要有堅持同毅力,總之你跳到自己跳唔郁,你話我唔跳喇,就得喇!總之你鍾意做咩,我一定支持你㗎,你活得開心就得㗎喇,第日唔好後悔,你去做喇!』」爸爸還說:「屋企我搞掂!」為她打了強心針,除了體會到父母無私的愛,她明白到自己對跳舞的熱愛程度更是一種「一直跳到不能動為止」的態度,令她重拾追夢的決心。

COLLAR Gao
(圖片來源:ViuTV《我哋係COLLAR》截圖)

爸媽驚喜現身《我哋係COLLAR》剖白Gao淚崩:多謝佢哋

在《我哋係COLLAR》中,阿Gao在節目組安排下親手製毛公仔給爸爸。但原來製作組已預先邀請阿Gao父母到場,父母的現身令她十分驚喜。之後她與父母並排而坐聊天,Gao笑稱由她親手製作的河馬公仔與媽媽很相似。事後她在Instagram發文解釋:「揀河馬因為想整埋比(畀)我媽,執子之手﹐係由細到大佢地(哋)比(畀)我見到最靚嘅畫面,我不孝,成日無時間陪佢地(哋)。不過再努力啲,希望過幾年佢地可以健康享福享樂,多謝製作組比我整埋媽媽個隻 一家人齊章!」

阿Gao更在河馬公仔內錄製深情對話給爸爸:「爸爸,係我啊,多謝你令我成為一個善良嘅人。」沈爸爸就指他所製的熊啤啤公仔的名字是「搞掂」,希望女兒有能力處理任何事情,他亦有錄音:「阿Gao,呢隻熊仔就係爹哋、媽咪揀畀你嘅,如果你有咩唔開心,你就聽吓呢把聲,爹哋、媽咪一定支持你,你放心!」阿Gao聽到錄音的後馬上淚崩。

她指父母的愛是令她堅持下去的動力,令她可以全心全意做到自己想做的事:「呢一個自由度對我嚟講係好難得,同埋係好了解嘅一樣嘢嚟嘅,我會覺得呢一個係我地屋企嘅愛嘅方式,多謝佢哋造就咗我嘅人生,生咗我出嚟。」她坦言希望自己力求追步,除了鑽研舞蹈外,更會努力學唱歌,希望一年後踏上舞台上,能完整地獨唱一首好歌。

以黑馬姿態贏得亞軍

阿Gao在《全民造星IV》初賽第一輪就落敗跌入復活區,後來的表現獲得導師梁祖堯支持成功復活。其實阿Gao每次的演出項目都令人印象難忘,如《Please Don‘t Jump》和《無》都完美展示出超強實力,爆發無限魅力,完全沖擊為人甜美的形象。而在決賽當晚, 阿Gao更以一身鮮紅戰衣迎戰自選項目,以《Fly As Me x 2 Legit 2 Quit》,配合高超的Locking舞技,以複雜的手部動作呈現自身的手部力量與速度,加上穩定的跳唱能力,令全埸觀眾熱血沸騰,表演令人眼前一亮,最終更以37分贏得亞軍。

發長文感謝導師梁祖堯

比賽完結後,阿Gao亦發長文感謝導師梁祖堯的照顧及指導,在介紹環節時梁祖堯點名提到阿Gao是一個善良的人,而善良是一種選擇。此番言論更觸動了阿Gao的內心,提及:「我個下好想喊,因為我真係好正面咁面對世界,同好單純嘅人,唔會理太多嘢,而家我真係會feel到世界嘅陰暗面,長大既過程會打擊緊本身嘅價值觀,迫住自己去成長同接受咁,因保持善良唔係咁簡單,因為你永遠唔會知每一個決定係唔係善良。」

COLLAR
(圖片來源:ig@gagarieo)

29歲經驗多懂關心人 早被花姐視為女團隊長

現年29歲的阿Gao是COLLAR隊中年紀第二大的女孩,個性沉穩,體貼入微,MIRROR經理人花姐曾在Instagram上曾Post出一張與Lokman及阿Gao在《全民造星IV總決賽》決賽日當天的合照,並留言稱:「兩對我愛的耳朵,加油呀!」似是暗示阿Gao將跟Lokman一樣同樣成為團隊中的隊長。其實阿Gao早被網民與MIRROR隊長Lokmanm經常作出比對,因為他們同樣擅長跳Locking舞種,所以阿Gao更被稱為「Lok-woman」,視為女版Lokman。

在COLLAR出道記者會上,果然與網民預測一樣宣布阿Gao擔任隊長一職,當日亦由阿Gao做代為發言,說話談吐有禮。一衆隊友紛紛表示,「我哋好贊成由阿Gao做(隊長),因為佢嘅舞台表演經驗比較多,又好照顧我哋,所以都鍾意佢。」

被嘲外表缺乏自信 懷疑自己難勝任隊長

但阿Gao表示最初對擔任隊長一職,對自己有所懷疑,缺乏自信,擔心「希望越大失望越大」。加上她自覺158cm高度不足,以及樣貌不出眾,更不明為何經理人阿Wing會找她擔當隊長。原來因為在比賽過程中,她多次於排練時以素顏現身,除了被網民評大鼻,封做「女版八両金」,更被評做隊中尾二靚女,令她一度認為自己難以勝任隊長一職。及後,她得到父母和隊友的支持,明白到做人應對自己有信心,為隊友們作最強的後盾,調停大家的矛盾,幫助隊員克服所有難關。

連環捲入抄襲風波

男團MIRROR成軍後,不少女粉絲的另一伴侶備受冷落,一衆「鏡粉前男友」連同「鏡粉前夫」(指被MIRROR女粉絲冷落的男友或丈夫)迅速成立在社交平台上開「前夫反擊戰」群組,讓前夫們追COLLAR,吸納超過十萬的人加入該群組,無論團體的所有廣告和代言都引起搶購潮。不過,在娛樂圈往往人紅自然是非多,COLLAR曾兩度陷入連環抄襲事件:

其中一首廣告歌曲《Gotta Go!》MV雖然帶出COLLAR八位成員的年輕活力。可是,同時有網民評論此歌曲有抄襲日本組合YOASOBI的成名作《向夜晚奔去》(夜に駆ける)之嫌,而另外有網民覺得與King Cream Soda的《妖怪手錶》的開場曲有異曲同工之妙。更有網民發現仔細發現,《Gotta Go!》由C.Y. Kong 全擔任曲編監三職的個人Instagram有follow YOASOBI兩位成員,指:「成個MV明明拍得好好,背後個意義又帶到出嚟,就係毁咗係一人之手 好唔抵。」然而C.Y. Kong只有在Instagram限時動態連Post三首歌的旋律,表示很多歌都有相似的地方,以回應網民抄歌的抨擊。但COLLAR少不免被業界炮轟,COLLAR經理人Wing最終在Instagram上回應抄歌風波,聲稱責任全在自己身上,未有好好把好關,更吸取教訓繼續努力,不再作任何解釋。

其後COLLAR歌曲《Never-never Land》的封面圖又被網民抨擊「明抄」另一隊本地女團After Class 去年MV《要為今日回憶》。網上流傳After Class粉絲的Telegram群組對話截圖稱:「隔離團抄After Class」、「呢啖氣點忍」、「明抄我地make noise」、「抄完再屈返你抄」。After Class粉絲除了揚言要抵制COLLAR的所有合作的品牌,甚至用侮辱字眼鬧COLLAR。

其實偶像團體的內部競爭非常激烈,作品往往受到關注,不時被指有抄襲成份,正如早前After Class成員Windy的生日應援巴士廣告,就被指抄襲MIRROR成員Jeremy由歌迷會製作的應援巴士廣告,一牽涉自己的偶像,粉絲們就會抨擊,甚至作出抵制。

為何Gao會突然淚崩?

在《我哋係COLLAR》中,阿Gao在節目組安排下親手製毛公仔給爸爸。但原來製作組…詳情請看

隊長Gao與梁祖堯是什麼關係?

在介紹環節時梁祖堯點名提到阿Gao是一個善良的人,…詳情請看

圖片來源:[email protected]、連登討論區截圖、YouTube@All About Music 愛爆音樂、ig@ahfa0908、ViuTV《我哋係COLLAR》截圖、Youtube@ViuTV截圖、ViuTV《全民造星IV總決賽》截圖、ViuTV《全民造星IV》截圖、COLLAR《Gotta Go!》MV截圖