阿信

五月天阿信抱B公佈已為人父:有你的風景最美

育兒

廣告

台灣超人氣天團五月天的成員阿信(陳信宏),一直以來感情生活都非常低調,雖然五月天其他團員都已經成家立室,唯獨得返佢係一支公。適逢今日(4月1日)係愚人節,阿信就喺Facebook上公佈已為人父,仲強調「今天說的,都是真的」。

撰文:Siusiu|圖片來源:Facebook

阿信的感情生活一直為謎,好多Fans都好期待阿信可以早日成家立室,生返個「小阿信」。經常帶畀Fans驚喜嘅阿信,就揀咗喺愚人節,公佈自己早在一年前已經做咗爸爸!

阿信留言話,「一直以來,陳媽媽都很想要一個孫子或孫女,去年她終於如願了。平凡的我們,也將回到平凡的世界,生活中充滿孩子哭聲和柴米油鹽,在流轉的歲月中,有你的風景,最美。」

阿信講到似層層咁,不過今日係愚人節喎,Fans都紛紛留言叫阿信唔好講笑,但阿信隨即就講咗一句「今天說的,都是真的」,令大家都覺得好驚喜!如果件事係真,咁就真係要恭喜阿信喇!