康泰旅行社 x sunday Kiss 至叻小小旅行家 向世界出發

林巧翹 阿根廷足球小姐

巧 翹與媽咪是《Sunday Kiss》忠實讀者，有朋友分享了sundaykiss.com的康泰比賽專頁，覺得有趣及適合巧翹，就決定報名參加，原本覺得入圍初賽的工作坊就滿足， 能夠最終勝出比賽是始料不及，覺得非常幸運。林媽媽最難忘工作坊的多元化學習，對囡囡好有得着，「有理財、攝影技巧同旅遊知識，旅遊時要注意啲咩，係一個 好認真嘅大型比賽。」
就讀中華基督教會基慧小學（馬灣）小三的巧翹，性格慢熱，所以最初面試覺得好緊張，後來才慢慢放鬆。「因為好多人喺前面，如果唔小心講錯嘢就會失分，我永 遠都會記得㗎！」比賽當日的旅遊造型catwalk環節，一眾參賽者賽前抽籤決定代表國家，再準備民族服介紹風土人情。巧翹當日以一身阿根廷足球裝突圍， 她笑言本身並非球迷，為了比賽她積極惡補足球知識，加上親友協助，令她表現揮灑自如。林媽媽稱，阿根廷難以尋找民族服，經親友提點下，得知阿根廷足球猶如 國技，決定買波衫上陣，不過準備道具遇上大挑戰，「我哋想搵足球做道具，但一般足球好大個唔襯佢，好難搵一個三號size足球，到比賽前一刻先搵到。」

透過今次比賽，巧翹愛上了阿根廷足球和風土人情，林媽媽有考慮帶她到該國體驗，「不過呢個計劃長遠啲，始終地方遙遠，去咗近嘅地方先。」媽媽喜歡歐洲和日 本，巧翹卻最想去韓國，已決定利用今次勝出的獎金，一家四口去韓國大玩特玩，「因為我想滑雪同玩雪，掂吓啲雪！我未滑過嘅，但我唔驚跌倒，之前只係睇電視 睇過，就好想去喇。」

饒浠桐 學Holiday做女機師

5 至7歲組冠軍饒浠桐，每年去兩至三次旅行，年紀輕輕已遊歷豐富，名副其實是一名「小小旅行家」，饒媽媽看到《Sunday Kiss》雜誌廣告後，覺得女兒適合，二話不說便上網報名。「我哋冇諗過佢會得獎，當初純粹覺得個比賽適合佢，參加當去玩，因為佢好鍾意去旅行！」浠桐即 刻搶答：「次次去完我都想時光倒流再去過！」
性格細膽的她好少比賽經驗，參加前饒媽媽有徵詢其意願，「平時九成佢都唔參加，今次佢竟然願意！」浠桐與巧翹一樣，面試當日都緊張到不得了，但最驚是決賽上台表演一刻，因她抽中了表演泰國民族服飾，演講途中會玩驚喜變泰拳裝，她一直擔心表演出錯，最後當然無甩轆啦！

浠桐這個變身look在當地親自採購，饒媽媽覺得抽到泰國好幸運，因她們早已計劃到布吉旅遊，「工作坊後三日我哋就會飛去泰國玩，咁啱抽到實在太開心！」
比賽甫完結，一家人旋即決定利用獎金聖誕去沖繩玩，連下年暑假都想好，「會去法國、英國！」浠桐想去沖繩因為想與海豚游水，平日她會閱讀大量世界歷史、景 點介紹等書籍，未出發已熟讀當地風情。浠桐現就讀馬頭涌官立小學（紅磡灣） 小二，喜歡常識科，將來想做個飛機師，可以飛去更多地方旅遊，「我之前想做警察，睇咗《衝上雲霄》後就想做Holiday，做個女機師！」

出發前 多閱讀各地文化

兩位「小小旅行家」異口同聲高呼想下年再參賽，不過要把機會讓給其他小朋友呢！她們會繼續擔任「小小旅行家」，把旅遊經歷與他人分享。巧翹去過兩次台灣、兩次泰國，剛過去的暑假就去了新加坡及大馬，重點行程Legoland，「呢度係小朋友地方，全部都啱小朋友玩！仲有媽媽都好鍾意lego！酒店入面有好多好多lego，得閒就可以落去砌。」
巧翹已盤算之後的旅行目的地，希望可以走遠一點開眼界，「我好想去紐西蘭！因為我有個老師去過話好好玩，尤其係滑雪好開心，着咗好多件衫！」而浠桐就提醒小朋友，最好多閱讀各地文化、有助與家人商討想去的地方，去旅遊時亦不會走馬看花，真正體驗讀萬卷書不如行萬里路。

親子旅遊貼士
兩位「小小旅行家」異口同聲高呼想下年再參賽，不過要把機會讓給其他小朋友呢！她們會繼續擔任「小小旅行家」，把旅遊經歷與他人分享。巧翹去過兩次台灣、兩次泰國，剛過去的暑假就去了新加坡及大馬，重點行程Legoland，「呢度係小朋友地方，全部都啱小朋友玩！仲有媽媽都好鍾意lego！酒店入面有好多好多lego，得閒就可以落去砌。」
巧翹已盤算之後的旅行目的地，希望可以走遠一點開眼界，「我好想去紐西蘭！因為我有個老師去過話好好玩，尤其係滑雪好開心，着咗好多件衫！」而浠桐就提醒小朋友，最好多閱讀各地文化、有助與家人商討想去的地方，去旅遊時亦不會走馬看花，真正體驗讀萬卷書不如行萬里路。

花絮重溫

●撰文： Ling
●攝影： Sing Ho、Simpson Chiu（ 活動）、部分相片由受訪者提供
●設計： hong
●化妝： Mimi Lau@KINGS MAKE UP
●髮型： Winnie Lau@KINGS MAKE UP
●服裝： H&M、Palladium、My Shop@Lee Garden、Dr. Martens、Accessorize、Mother Outdoor Lifestyle Store