張繼聰囡囡可愛大爆發 為零食楚楚可憐嗌爸爸

張繼聰囡囡可愛大爆發 為零食楚楚可憐嗌爸爸

育兒

廣告

最近,藝人張繼聰上載咗囡囡張靖(乳名KaKa Ball)嘅萌爆相同短片上個人社交網同大家分享,見到KaKa Ball同張繼聰嘅愛犬相處非常老友,連爸爸都打爛醋埕忍唔住出聲。另外,KaKa Ball喺短片中更可愛大爆發,令張繼聰都要投降!

撰文:東方新地|圖片:張繼聰instagram | 原文刊於:東方新地

張繼聰囡囡可愛大爆發 為零食楚楚可憐嗌爸爸

張繼聰因狗狗呷醋

近日,張繼聰於個人社交網上載幾張囡囡張靖(乳名KaKa Ball)同愛犬一齊嘅相,見到隻狗狗體形大過KaKa Ball幾倍,但KaKa Ball一啲都唔驚,仲成個頭挨落狗狗個身到又錫錫,兩者非常親密!

而爸爸張繼聰可能因為囡囡唔理佢,反而去同狗狗一齊傾計,結果唯有在相中酸酸的留言話:「有咩咁好傾呀兩位小姐?」

狗狗全程表現乖巧,任KaKa Ball點對佢,都只係坐喺地下望住小主人。見到KaKa Ball除咁錫錫狗狗,又摸摸狗狗個頭,真係可愛到爆!

張繼聰囡囡為零食嗌爸爸

之後,張繼聰又再度分享一段囡囡嘅短片,片中佢問呀囡要唔要食嘢食,而得意到暈嘅KaKa Ball擺出一副極之楚楚可憐嘅樣,邊點頭邊係咁嗌爸爸、爸爸,睇到人心都軟哂,難怪連爸爸都冇哂佢符,緊係要俾零食囡囡啦!

個女得意到咁,張繼聰都要留言講句:「唉,你話吖,點抵擋呀?」,就交網友都話KaKa Ball太萌,段片連環睇左十次!