Bob

【幸福滿瀉】BOB曬一家六口婚紗照 網民笑言:仲有位喎!

育兒

廣告

藝人林盛斌(Bob)係出咗名嘅「多仔公」,育有三女一子,每次外出都一家六口齊齊出動,場面肯定非常壯觀!日前Bob喺社交網站上分享一張一家六口嘅婚紗照,轉眼間已經一歲幾嘅囝囝林道申(Jaye)睇落真係大個咗好多,令網民都大讚佢愈來愈「官仔骨骨」。

撰文:Kayla|圖片來源:林盛斌Bob Facebook

一家六口溫馨滿瀉

日前Bob喺Facebook上分享咗一張一家六口齊齊影嘅婚紗相,見太太同幾個女兒都著上白色婚紗,而囝囝Jaye就著上小西裝,非常可愛。Bob留言:「又真係多人咗d(啲)嘅…」,引來網民起哄留言指「仲有位喎」,又問Bob幾時再追多個。

Bob嫂急售「巨型」兒童床

有消息傳出,Bob同屋企人一直以每月11萬租住加多利山三千呎豪宅被逼搬遷,Bob嫂黃乙頤(Pearl)即時在網上放售 巨型四人兒童床。圖片可見四人床的上層是兩張像是小木屋的床,而上下層則由滑梯連起來,完全係小朋友夢想中嘅睡房。不過張床咁「巨型」,真係唔係人人屋企都擺得落。

有樹屋、滑梯超好玩

地板放了兩張床褥,看來是讓工人姐姐睡的,方便照顧小朋友。

在下層床邊放了很多圖書,看來Bob也希望從小培養孩子閱讀的興趣呢。

一邊是滑梯一邊是樓梯,兩種玩法。

年尾搬屋確係頭痛,好彩Bob有位精明老婆。Pearl略懂風水至於,仲好知慳識儉。遇上搬屋,張床有新淨,掉咗真係好大晒。

Bob為氹仔囡化身人肉升降台

片段中,3位小公主坐係梳化,而Bob喺囡囡面前表演,一邊唱《We are the Champions》一邊手抱住囝囝Jaye把他升高,捉住Jaye的手仔手舞足蹈,與囡囡握手,更一起合唱。Bob留言自認係奴才,「三條Queen加個King,而我,只係一個奴才。」雖然Bob喺家的地位最低,但係一種甜蜜幸福嘅!

Bob:阿囡講其他男仔,我會呷醋!

Bob面對3位女兒分別是霏霏、熹熹和機機,笑說自己前世一定很花心,所以今世有很多小情人。「非常認同『女兒是爸爸的前世情人』,跟阿女相處好似跟女朋友相處一樣,要使錢、花時間,又要氹佢哋開心,我簡直係佢哋男朋友。大女霏霏跟二女熹熹返學,講起有男同學好靚仔,我都會呷醋,問佢哋同爸爸比較,邊個靚仔啲?好彩佢哋識做話爸爸靚仔啲,我就開心番。我好享受做女兒嘅傻瓜,阿女一喊、一扭計,我咩都會應承,做呢行工作唔定時,可能成個星期見佢哋唔到,一見到佢哋幾攰都唔記得。我無偏心,個個都錫,好似騎牛牛,個個輪流玩,而細囡仲細,多啲攬攬錫錫,建立好父女關係。其實,幾man嘅男人都有鐵漢柔情嘅一面,見到阿囡就好開心!」