【郭富城囡囡】方媛首晒母女合照 郭富城女兒全身照曝光
撰文:Sunday Kiss 、東方新地 | 圖片:方媛 微博
方媛首次晒母女合照 郭富城女兒全身照曝光
日前，天王嫂方媛在母親節首次上載了與愛女的合照，喜言「囡囡已經識叫媽媽了！」，相信這是方媛第一次過母親節最好的禮物。相中的Chant，手仔腳仔圓碌碌，好有肉地，脹卜卜的面珠、皮膚白裡透紅，相當可愛。
郭富城結婚一年 同方媛遊杜拜慶祝
郭富城同太太方媛（Moka）結婚一周年，日前方媛喺微博分享旅行照片，但當時未見城城蹤影，不過正當大家估估吓之際，有內地網友話喺杜拜見到城城夫婦，仲話想同城城合照但被拒，原來佢哋去暫時放低囡囡Chant，外遊享受二人世界，真係甜蜜！
方媛喺Instagram貼咗幾張機艙照，不過佢未有提及目的地喺邊，也未有提及城城是否同行。
Moka之後又喺微博貼相，又留言話：「太陽很大用圍巾遮一下，拍到幾隻可愛的野生小動物，分享給你們看，想給牠們餵點吃的」見Moka一身白色打扮又用圍巾包頭，同埋戴上太陽眼鏡，似係身處中東！
有網友喺微博貼相話喺杜拜見到城城，從相中所見，孭住背囊嘅城城，手挽住一大袋物品似係戰利品，而老婆Moka穿上同一條白裙撟住佢，好恩愛。
網友仲話想同城城合照但被拒，其實城城難得同太太拍拖旅行，梗係唔想被打擾，更加唔想地點洩漏啦！
睇睇Moka微博，原來之係佢同城城結婚一周年紀念，相信佢哋此行就係慶祝紀婚周年。
方媛化身「Pink Lady」
方媛成為「天王嫂」後生活如闊太，早前佢大晒遊船河照，又留言：「粉色元氣滿滿的一天，集不了九宮格那就六宮格吧。」見佢穿上一身粉紅色衫，少女味十足！
而睇真啲，其中一張相有隻小手伸咗出嚟，應係囡囡Chant都有份遊船河吧！
方媛 郭富城餅印女首曝光
自從有了小公主Chant，郭富城不時對外分享做爸爸的喜悅，9月中他在社交網大晒以「小手捉大手」的全家福，透露女兒的英文名Chant是有希望的意思，初為人父的他表示抱住囡囡，就好似抱住迷你版的自己一樣，Chant的眉毛和眼睛最像他，感覺好微妙。對於女兒是爸爸的前世情人，城城更表示絕對同意。
母女留守「城堡 」
城城為了保護他的前世情人，一直避免帶女兒外出，就連太太方媛都一樣，三個月來除了現身城城的生日會、城城主演 的電影首映，她都甚少外出，絕大多數時間留在位於大坑的「城堡 」。周日(3日)下午二時左右，方媛母親抱住Chant現身城堡一 樓平台睇街，三個月大的B女戴上粉紅色帽仔，面圓圓輪廓好分明，一雙圓碌碌的眼睛四圍望，身形肥嘟嘟非常可愛，未幾方媛亦步出平台，身穿睡衣素顏的她，面容仍有點腫，戴住副黑框眼鏡看似睡眼惺忪，托頭又咬手指，一副悶悶不樂的樣子，但當看見得意的Chant，方媛亦忍唔住逗囡囡玩。
風水城堡
城城一早已在家中天台布下九條青龍及四大天王的風水局，據吳佩孚師傅 表示，龍生九子，有利生仔，對事業亦好有利。而四大天王是佛教護法神，有護衞利宅嘅作用，可以保家宅平安。至於方媛與母親入住的一樓單位，平台大門上所放的一對麒麟也有擋煞作用。
吃飽散步
全天候照顧女兒的生活，與從前多姿多釆的生活完全不一 樣，再加上24小時無間斷餵人奶，方媛看上去有點疲累，產後亦未完全收身。湊女餵奶不用見人，方媛這幾個月長期與睡衣為伴，周一(4日)下午4時許，方媛仍然身穿前一日的睡衣，先行出平台講電話，之後再推住BB車出去散步抖氣，只見方媛不時握住小手溫柔地對話，囡囡食飽飽腳印印，非常享受與母親共度溫馨時光。
當媽媽後無暇打扮
𡃁模出身的方媛愛打扮，去年更在城城打本下開網上時裝店，今年8月被影到挺住巨肚扮靚靚外出影大肚寫真。不過產後要湊又要終日餵人奶，睡衣變成方媛的指定打扮，即使自拍影靚相上網，都係著住件公仔睡衣。
囡囡旺爸爸
今年4月成家立室的城城，做完人夫再做人父，囡囡腳頭好，今年密密接Job冇停手，即使老婆方媛臨盆在即，城城都身在外地，要撲返香港陪產。9月榮升父親後，城城 無論電影、廣告或商演都排得密麻麻，努力搵奶粉錢，早前與發哥在電影《 無雙 》中再結片緣，最近又與梁朝偉合作拍警匪片《 風再起時 》。
