開學喇! 你買齊嘢未?

育兒

廣告


眨吓眼,暑假就過咗一大半,仲有兩個星期新學年就開始喇!小朋友準備好返學要用嘅嘢未呢?仲未?唔緊要!我哋已經代你行勻全城,搜羅一切啱用嘅開學用品,有新、有萌、有潮,有功能!總有一樣啱你心水!而人氣童星Celine(楊鎧凝)今年都升小一喇,平時影相擺pose就好醒目,不過面對新學校、新環境,佢都話有啲緊張喎!唔怕!等我哋俾啲貼士你,教你點樣做個小學生啦!

習慣早睡早起
以前幼稚園返9點,瞓晏少少都OK。不過升上小學就要早一個鐘頭返學喇!趁開學前,開始訓練小朋友早睡早起,習慣調校鬧鐘起身,初時未適應,可以容許按停鬧鐘一次。而睡眠時間最理想是在10點至10點半之間,如果暑假習慣夜瞓,可以每兩日就將睡眠時間提早15分鐘,讓小朋友逐步適應。

訓練責任感
八達通不止是用來乘車或購物,現在不少學校都推行電子點名,學生回到學校,用個人八達通一嘟, 就完成了點名手續。而多數學校小賣部都會接受八達通付款,如果家長擔心小朋友亂花錢,可以每個月只限增值一次,每次50元,訓練他們的自律性。

專家建議
小朋友同大人一樣,一日需要飲8杯水(共2,000ml),平時從日常飲食中大概可攝取500至1,000ml 水分,故只需補充4至5杯水就已經足夠。要小朋友培養良好的飲水習慣,應該提醒他要定時定候飲水,如果等到口渴才飲水,此時就已經起碼缺少2杯水。另建議在上體育堂前先飲水,先補充因運動流汗而流失的水分。

選擇書包的首原則是適合小朋友的身形,就算強調有護脊功能的書包,亦不代表適合所有小朋友。揀書包最重要是大小適中,孭起時剛好在肩至腰中間,及質料輕巧;而背囊式書包可讓兩邊肩膊平均受力,如果兩邊肩帶夠闊,又有配備軟墊就更加理想。側孭及手抽式的書包,易令小朋友的脊椎長期一邊受力,而造成脊椎側彎及寒背等情況,故不建議使用。

揀鞋要訣
‧ 揀鞋要揀啱size,不宜太闊或太窄,活動時才可得到所需保護及承托。
‧ 試鞋時,要確保腳趾在鞋櫳內仍可屈曲伸展;而最長的腳趾和鞋頭之間,應有只少1.5cm的空間,即約一隻拇指的闊度。
‧ 2-3歲小朋友腳部柔軟,鞋底柔軟度較高的鞋可加強觸感;小學生則需要較佳的平衡力及承托力,所以應選較硬身的鞋底。
‧ 黃昏是最佳的試鞋時間,因經過半日活動腳部會充血,試鞋會更貼腳。
‧ 家長以為買大個碼可以着多幾年,其實穿着過大的鞋,難以發揮保護作用,更會影響發育及扭傷,所以家長應該每半年就替子女檢查一次,如發現子女經常抗拒着鞋,或不願走路,就可能是因為鞋子不合穿。

撰文:Joanne、伍嘉瑩 
攝影:Clay Lam
化妝及髮型:Jacky Wong @ Make Up For Ever Academy
Model:Celine Yeung、Matthew Chan@Pure Model
鳴謝:註冊脊骨神經科醫生及註冊臨床營養學家 王俊華、
足病診療師 林喜民@Podi足病診療專科中心

關鍵詞
kiss vol.173