李蘊

3年前今日擺酒 李蘊:無諗過三年抱兩夢可以27歲成真

育兒

廣告

三年抱兩真係好多人嘅夢想!其中李蘊就係其中一個夢想成真嘅代表!今日(4/1)係李蘊同老公擺酒3週年紀念日,李蘊喺社交網站貼出2張相片,一張係擺酒當日同老公嘅合照,一張係同2個小朋友嘅合照。李蘊笑言:「感恩,無諗過自己嘅三年抱兩夢可以27歲就成真!」隔住個moon都覺得開心!

撰文:Kamen | 圖片:李蘊ig

3年前今日擺酒 3年後今日三年抱兩

3年前嘅今日李蘊同拍拖3年的內地銀行行長羅章冠(David)結婚,轉眼間生下一仔一女,三年抱兩。一家四口非常幸福!李蘊仲係相片中留言:「上:三年前今日擺酒。下:三年抱兩。感恩 無諗過自己嘅三年抱兩夢可以27歲就成真 呢幾年都會專注湊小朋友 我覺得既然生出黎當然要親力親為 雖然每次帶著小朋友出街同朋友食飯九點幾就要走先 無得好似以前咁玩到兩三點 想唱K就唱K 想鋤Dee就鋤Dee 但我相信呢幾年我陪著小朋友成長比起任何野都重要 到我30歲 小朋友就返晒學 到時再約D老友出街都唔遲啊😂到時我就自由啦 係驚D老友們到時個個大肚生B 無時間理我lu..」

仔女大晒李蘊狂晒仔女萌照

自從2個小朋友出世,李蘊就狂喜社交網站晒仔女萌照。囝囝小新已經就嚟5個月大,李蘊整咗張家姐細佬嘅對比圖,兩個都超可愛!

李蘊細B好肉地

Renee喺IG分享多張百日派對相,還準備一個卡通人物「蠟筆小新」嘅蛋糕嚟賀小新,仲有小新曲奇,真係好有心思!另外,有小型波波池,雖然宜家細佬玩唔到,家姐羅紫晞(晞晞)玩埋細佬果份,玩得好開心!Renee留言感謝今日來臨的親朋好友,「今日係小新百日Party,多謝咁多親戚好友賞面出席!大朋友、小朋友都玩得好開心呀!」

小新一出世就大大隻,非常好肉地,Coffee抱佢時都話佢好重磅,「睇黎我都要再練下臂力先得啦!」

BB出世患蠶豆症

不過早前她在社交網站上留言,指兒子患有蠶豆症,因此自己會與兒子一同戒口,令她不會覺得孤獨。李蘊在instagram上發佈了一段與女兒和兒子的影片,影片剛好拍攝到兒子嘔奶的一刻,李蘊留言指兒子是「蠶豆仔」,所以黃疸指數偏高,要入院照燈:「細佬係蠶豆仔(蠶豆症)所以黃疸偏高 今日要照燈啦 不過唔使驚 好快就可以返屋企😘😘」她又留言希望蠶豆症BB的媽媽可以跟她分享一下照顧蠶豆症BB的方法。

其後李蘊又在instagram照出一張母乳的相片,指「人奶媽唔懶得」,因此會與兒子一起戒口,希望他可以健康長大:「人奶媽唔懶得,就算BB照緊燈唔係身邊,一樣要定時揸/泵出嚟拎去醫院比BB食,大半天的成果,對於未上曬奶嘅我嚟講,都ok滿意啦。」

李蘊(Renee)18年8月初誕下第二胎B仔,有仔萬事足的Renne喺社交網上晒出一系列的囝囝沙龍照,老公也罕有露面!老公手抱兒子,一臉慈父樣,場面非常溫馨!

Renee亦同媽媽、大女晞晞和細仔來了張三代同堂的合照!大女同婆婆都好似樣呀!

李蘊同可愛囝囝瞇眼擺咗個一樣的表情,兩母子簡直係餅印樣!!

未坐完月嘅李蘊,忍唔住同老公仔女一齊出街解悶,網民見到都為Renne擔憂,唔少網民留言關心Renee:「小心吹到風,記得再包實d啊!」、「吹到坐月风就麻烦了」

兒子患蠶豆症 李蘊甘願為子戒口

李蘊早幾日在幫囡囡開嘅Ig上留言,話囝囝出世幾天發現患蠶豆症,黃疸偏高要留院照燈,李蘊話大女出世嗰陣都要照燈:「我們兩姐弟也逃不過要照燈的命運。」

幾日後,佢又上載了一張囝囝瞓喺廂入面照燈嘅相,然後代囝囝留言話:「哎呀!醫生仲未放我返屋企啊!好彩媽媽每日都嚟拎奶奶俾我飲!好味道!」有網友建議李蘊飲木瓜湯增加黃膽指數,李蘊亦有扮囝囝留言回應:「媽咪話佢冇飲木瓜湯喎!」之後亦有再留言話:「醫生話睇下聽日放唔放細佬返嚟喎!」

媽媽唔易做 李蘊宣布兩個夠晒數

呢日,坐月中嘅李蘊又晒出同可愛仔嘅合照,留言話:「上網見到 話順產嘅痛=20根骨頭同時折斷。雖然當時真係好痛 但係好似又無咁誇張喎….同埋生完第二日就覺得:其實都唔係好痛姐 可以再生多幾個,不過同老公商量過 兩個就夠曬數!」

就算忍受到生B的十級痛,李蘊考慮到生仔容易教仔難,「要陀要生要養要教,真係唔容易㗎!」明白媽媽唔易做,兩個湊成「好」字夠晒數啦!

母乳媽媽唔懶得 公開5招上奶大法

但原來住院期間,李蘊照樣泵人奶,佢話人奶媽唔懶得,就算BB照緊燈唔係身邊 一樣要定時揸/泵出黎拎去醫院比BB食,而她也晒大半天的成果,她說對此成績感到ok滿意!李蘊亦喺自己Ig分享餵人奶心得,佢話:「有好多媽媽問,點先可以多奶,我唔係專家,但我可以以經驗分享一下。」

李蘊在instagram照出一張母乳的相片,指「人奶媽唔懶得」,因此會與兒子一起戒口,希望他可以健康長大:「人奶媽唔懶得,就算BB照緊燈唔係身邊,一樣要定時揸/泵出嚟拎去醫院比BB食,大半天的成果,對於未上曬奶嘅我嚟講,都ok滿意啦。」

經驗如下:
1.首先唔好怕會肥,食多啲飯,飲多啲湯水/炒米茶;
2.勤力餵,埋身餵係最快上奶嘅方法;
3.要同BB多練習,唔好俾佢只吸乳頭,要吸大部分乳暈,如果唔係就好易損,超痛又流血,到時又有藉口放棄人奶㗎喇!

4.睇住仔仔嘅相/影片,奶陣好快就會嚟,係好神奇㗎,個腦控制奶陣(有奶柱噴奶),要成日諗住「囝囝要奶奶」、「囝囝要奶奶」,咁就有奶㗎喇!
5.心情真係好影響奶量,個人唔開心,奶都少好多,要保持好心情,覺得自己係全世界最幸福嘅人,奶路就自然暢通無阻啦!

因為當時囝囝仍未離開醫院,李蘊仍要每日泵奶:「基於我仔仔照緊燈,就要靠自己手揸啦,我冇用電泵,因為開頭怕泵傷乳腺,只係用暖水按摩乳房後,用接奶神器吸住乳房,睇住佢由一滴一滴至到有奶陣。」

李蘊可愛仔女照影不停

坐月中的媽媽都特別容易有情緒波動同眼淺,呢日李蘊就上載咗一張仔女的合照,感概留言話:「你們除了是姐弟 還是最好的朋友 長大以後 就算爸媽在不在身邊 你們也要互相扶持 互相支持 沒有人比你們更親了 對於將來 你們過得好爸媽也會很安慰 過好自己的人生 勇於追求自己的夢想 有一天各自組織家庭 記得有空回家看看爸媽 知道嗎?」 最後,Renee亦笑言自己「想得太遠」。

大女晞晞攬住細佬不撒手,錫唔停。

李蘊錯誤示範 坐月出逃為好友慶生

日前,坐月中嘅李蘊就趁著兒子照燈,偷走兩小時為好友GEM慶祝27歲生日。Renee留言話:「那天碰巧兒子還在照燈 我才可以偷走出來兩個小時跟妳說聲生日快樂。不過其實坐月子是不可以到處跑的 我是錯誤示範!我生日妳每年都跟我慶祝 我能抽空的話真想每年妳生日都在妳身邊 但畢竟我現在是兩個孩子的媽,抽時間單獨出來真的不容易 這是我作為媽媽的責任呢。所以……………….下年我決定帶著兩個孩子跟妳吃飯慶祝!無論如何 祝妳生日快樂,身體健康,幸福每一天」

李蘊陣痛3小時 順產誕下7磅仔

未生之前挺巨肚

李蘊早前同懷孕中嘅Coffee見面,有咗7個月嘅Coffee,同就生得嘅李蘊相比,顯得李蘊個肚十分巨大!

兒子是「3條8」BB

BB仔2018年8月8號喺法國醫院出世,是有「3條8」的BB!同家姐一樣都係順產,不過就痛好多啦!好彩過程唔算太耐!李蘊都讚細佬錫住自己!

兩公婆一齊迎接BB出世!!李蘊都好感激有丈夫嘅陪伴!

「多謝老公陪產期間一直幫我加油同鼓勵我💞仲幫我按摩舒緩痛楚!」

家姐見到細佬好似好好奇咁喎!

李蘊而家已經同囝囝出咗院休息喇!仲話會啟動母乳餵哺模式!希望囝囝可以健康愉快咁成長啦!細佬一出世就咁多頭髮!