【復活節活動2019】迪士尼TSUM TSUM現身荃灣廣場 8呎太陽蛋+TSUM TSUM巨型彈珠機

Apr 17 2019

【復活節好去處2019】迪士尼粉絲想搵親子活動要注意！超可愛嘅TSUM TSUM現身荃灣廣場同大家進行復活節活動，場內除咗有TSUM TSUM巨型彈珠機、2米高TSUM TSUM主題裝置外，亦設有雞蛋狂想世界！大人小朋友一齊8呎巨型太陽蛋攤住放鬆！

撰文：KM | 圖片：荃灣廣場

【復活節活動2019】迪士尼TSUM TSUM現身荃灣廣場

講到復活節，當然唔少得各式各樣嘅蛋同卡通人物！今個復活節荃灣廣場打造EGGCITING EASTER，場內除咗有小朋友最愛嘅TSUM TSUM，仲有雞蛋狂想世界，滿足小朋友各種願望！

場內有近2米高主題裝置，數十隻小熊維尼、勞蘇及米奇將會萌爆現身！另外場內亦有TSUM TSUM巨型彈珠機，只要於期間限定店內消費滿指定金額，即可參與TSUM TSUM巨型彈珠機，贏取豐富精品。

商場特設2組特大太陽蛋，除了中間置有立體蛋黃外，蛋白位置以海綿製造，配上特大天空雲海背景，既可以休息又可以打卡！另外亦有太空雞蛋椅及流心蛋造型主題裝置，絕對係影相位呀！

除了以上的太陽蛋，大家亦可以在兩大主題趣拍區拍下有趣照片！

期間限定商店會現場發售多款精品，包括米奇、米妮及一眾迪士尼好友、「迪士尼公主系列」及「迪士尼•彼思動畫系列」、千值練、Bandai及Posket等系列，最啱買嚟做復活節禮物！

荃灣廣場「#EGGCITING EASTER」
日期：即日起至2019年5月5日
時間：上午11時至晚上10時
地點：L1樓層中庭
迪士尼復活期間限定店
日期：2019年4月16日至5月5日
時間：中午12時至晚上10時
地點：L1樓層長廊

關鍵詞