職業體驗

【暑期活動2019】穿越古代職業體驗 小朋友化身專業大夫|奧海城

親子好去處

廣告

近年坊間越來越多機構推出職業體驗,讓小朋友一嘗化身專業人士的滋味,並從遊戲中學習,而專家亦同意,職業體驗能助小孩發展多元智能。奧海城在這個暑假舉辦了別出心裁的古裝職業體驗,為小朋友在醫生警察等現代職業中,帶來更新鮮的玩意。場景佈置逼真,讓人尤如穿越到古代,打卡一流!一齊睇下blogger帶住小朋友和牛B如何在奧海城賺銅錢吧!

撰文:和牛B的成長日記|編輯:Vicky

又到暑假,爸媽們一定在煩惱新的親子好去處!就起古裝街、古裝服,平時睇電視就睇得多。你又去過古裝街、著過古裝服未呢?現在就介紹一個好地方給俾大家,除了可以行古裝街外,仲可以著古裝扮店小二等古人呢!
我哋今次都係第一次去古裝街,著古裝服。感覺真係超新鮮,超得意呀!

今次同大家介紹呢個限定好去處,就係位於奧海城舉行嘅職業體驗活動「穿越事業所」。

小朋友可以返到古代,換上古裝服體驗古代打工嘅生活,仲可以賺銅錢買嘢。除咗小朋友可以著古裝之外,大人都可以一嘗著古裝嘅滋味。活動日期由即日起至2019年9月1日,把握機會去玩噜!

只要讚好(Like)奧海城Facebook / Instagram專頁及分享指定帖子,即可免費借用古裝服飾一套五分鐘。

古裝服飾仲有男裝同女裝,仲有唔同款式選擇!

場內嘅古代職業有「醫館大夫」、「店小二」、「古玩店掌櫃」及「衙門捕快」,小朋友可以揀選自己想挑戰嘅職業,完成挑戰同任務,按職業要求完成相應工作。完成打工體驗後,仲可以一嘗「出糧」嘅滋味,可以獲得「奧海城銅錢」作為工資,仲可用嚟購買有趣嘅古代玩具及小食。
我哋報咗名去做店小二、同埋醫館大夫。

職業體驗:做個專業店小二

換好「店小二」工作服,馬上準備開工啦!

一班店小二正在專心聽老闆吩咐,如何做個出色店小二。

而家長就要準備好做客人,貓紙一張。

客棧場景都佈置得好細膩,真係好似返咗古代咁!

作為一個出色嘅店小二,係要由樓面做起嘅。要學上菜、抹台、執台。

然後就要學埋做大廚,準備美味菜式俾客人。

當我點好菜,店小二馬上就上菜啦!

職業體驗:化身大夫來診症

去完客棧打工,和牛B搖身一變,就變咗做「大夫~~」,正式喺奧海堂醫館到診症啦!

和牛B從今日起學做大夫,首先由學藥材做起。

再學埋用秤,秤藥材。

學完藥材,當然要學睇症啦。

然後,當然要同爸爸媽媽診症啦。仲幫我執包藥,祝我早日康復。

辛辛苦苦咁打咗兩份工,賺咗啲銅錢,你睇和牛B幾開心。

賺咗工錢,當然馬上要獎勵自己啦!和牛B拎住兩個銅錢,仲可以購買有趣嘅古代玩具及小食。

其餘仲有「古玩店掌櫃」;

以及「衙門捕快」。

《參加方法》

於奧海城最多兩間不同商戶以即日電子貨幣消費滿HK$800或以上,或以Olympian Kids 1,000積分,即可換領「通關文牒」(即日工作體驗券)一張,憑券可讓一位小朋友參與其中一項工作體驗一次。
每日名額有限,先到先得,換完即止。
亦可上 http://bit.ly/30yTOm9 預購奧海城「穿越事業所」職業體驗 x 食肆美食優惠套票!只尚餘少量名額,欲購從速!

【穿越事業所@奧海城】
活動日期:即日起至2019年9月1日
活動時間:1pm – 8pm(每個工作體驗約30分鐘)
活動地點:奧海城2期地下主題中庭
建議參加者年齡:4至10歲
————————————————-

Facebook專頁:和牛B嘅成長專頁