朗屏士多啤梨園免入場費 5萬呎任摘日本士多啤梨

朗屏士多啤梨園

位於元朗大棠村的「朗屏士多啤梨葡萄園」面積達5萬呎，亦是本地唯一種植日本提子的農場。朗屏士多啤梨園免費入場，是又食又拎可以帶士多啤梨走嘅農莊！今次Blogger媽媽同小朋友第二次來朗屏士多啤梨園，成個園好大有好多唔同品種的士多啤梨。

朗屏士多啤梨園｜最多日本士多啤梨品種

農莊每年的士多啤梨品種都不同，賣點是有多款日本士多啤梨，今年分別有日本佐賀清香、日本熊本縣紅臉頰、日本奈良縣紅寶石、淡雪草莓、白天使、牛奶草莓、天仙醉、茉莉香等，均是$90一磅，菜$18-28一磅，車厘茄$60一磅，農場園主楊先生更分享當造士多啤梨的各大特點。

日本奈良縣紅寶石

甜度：13

紅寶石是由「明日香波浪」及「女峰」所交配而成，果皮顏色呈鮮紅色，粒粒都大大顆，形狀像圓錐形或球體，香氣十足而且果汁豐富，算是汁多甜美的草莓。

日本熊本縣紅臉頰

甜度：13

紅臉頰是「章姫」及「幸之香」的交配種，外形肥嘟嘟，紅潤更是其主要特徵，口感偏軟，入口有融化的感覺，而且香氣濃郁，甜酸味道恰到好處。

以下這些款式農莊往年亦有：

日本靜岡縣章姬

甜度：13.5

章姬是「久能早生」及「女峰」所交配而成的品種，外形呈圓錐及較長，酸味較少，果肉淡紅色而且較柔軟，當記者走近此農田時，已經能聞到濃郁的香甜味。

日本佐賀穗之香

甜度：14

穗之香最大的特色是體形細小，非常易認，楊先生表示，雖然穗之香的形狀並不像其他，但是味道非常豐富，每粒也是水滴形又有點像茄子，但在當造時也會變成大大粒和紅卜卜的。

日本福岡縣博多甘王

甜度：12

有甜王之稱的博多甘王，算是香港超市較為常見的一種士多啤梨，外形飽滿，超濃郁香甜味，色澤艷紅而且酸味少，鮮甜多汁。

朗屏士多啤梨園｜其他有機蔬果

裡面除咗可以摘士多啤梨之外，仲有其他農作物俾大家親手摘，可以將農作物同超甜嘅士多啤梨帶返屋企。楊先生表示生菜和椰菜等都是冬季當造的菜類，園內還有種植不同蔬菜，包括椰菜、番茄仔、荷蘭番茄、唐萵、羽衣甘藍等，款款也是相當新鮮，菜$18-28一磅。

朗屏士多啤梨園｜餵羊仔草地放電

農莊內還有豬仔同羊仔可以餵，中間有個大草地可以俾小朋友放電。

朗屏士多啤梨園｜超靚日落歎豆腐花

另外現場還有豆腐花，粟米等的小食賣，小朋友玩到攰攰哋可以坐低慢慢享受，農莊內還睇到超靚的日落，係到hea吓放吓電又可以過一日。

朗屏士多啤梨園｜聖誕節水晶球工作坊

聖誕節期間朗屏士多啤梨園有水晶球工作坊，聖誕節果3日（12月25/26/27）會每日限定50隻，自己整完既手工，可以帶返屋企，小朋友送比爸爸媽媽，可以放係公司枱頭，或者放係窗邊都可以好靚。想去整嘅小朋友，記住whatsapp留定貨先。

朗屏士多啤梨園｜交通方面

如果駕車可前往大棠村，駕車人士將會看到大棠村牌坊，只要直接駛入牌坊後，就會見到停車埸星期一至五係免費既，假日$30全日；而如果乘搭交通工具，可以於朗屏西鐵站落車後，再乘搭K66巴士至大棠站迴旋處落車。另一方法可以於千色廣場停車場對面，乘坐紅色小巴於大棠村落車，落車後向前望將會看到大棠村牌坊，行入去向右看就是士多啤梨葡萄園。朗屏士多啤梨園位置有啲入建議帶住小朋友既話可以到左元朗之後撘的士入去。

朗屏士多啤梨園

地址：元朗青山公路元朗段117號（ 元朗大棠路大棠村（牌坊後面 – 球場側）） 查看地圖
電話：9251 8926；Whatsapp：9404 5232

營業時間：8am-6pm
入場：免費（毋須預約）

參考：官方專頁