期間限定卡通餐廳 快閃主題美食

親子餐廳

廣告

香港人口味轉得快,好多餐廳都隨機應變,推出期間限定主題美食、與各界品牌crossover,甚至變成pop up餐廳,當中以卡通做主角就最吃香,近期紅爆的梳乎蛋,就同時出現於日式咖喱店和中式點心店之中,引來大量粉絲排隊等食兼打卡,淡市中,未嘗不是一條新血路。Sundaykiss小編將為你介紹2024最新美食資訊,即睇:

YATA gudetama cafe by IZUMI CURRY

觀塘一田超市內的日式咖喱店IZUMI CURRY,一年來被熊本熊KUMAMON部長佔據,最近熊本熊回鄉,餐廳換上近期大熱的梳乎蛋Gudetama做主角,開業首日早上已見人龍排隊朝聖。

梳乎蛋經常擺出hea爆姿態、圓碌碌屁股與抵死慵懶動作,粉絲愈來愈多。首次成為cafe主角,更設計了全新廚師look型像,萌到極點。全店黃白色主調,梳乎蛋無處不在,牆上、?面、餐具、坐椅都見梳乎蛋hea爆蹤影,部份坐椅更有梳乎蛋金句,好有趣。

菜式方面,梗係唔少得蛋,奄列飯、溫泉玉子凱撒沙律、日式海鮮燒餅等,還有一系列咖喱飯和烏冬等十多款,每道菜都有梳乎蛋個懶樣。呢個懶樣唔係畫上去,而 係印係超薄透明米紙(類似大白兔糖的米紙)上,在貼在菜式的雞蛋上,個個樣都一樣,全無失真,而且仲食得?添,只怕粉絲唔捨得食。呢間cafe雖然係話限 定,不過仲未定出限期,睇?去到明年都會繼續以梳乎蛋做主角。

YATA gudetama cafe by IZUMI CURRY
地點:觀塘apm LG層一田超市內
電話:2803 9188
營業時間:10am-10:30pm
限定期間:未定

下頁有:Dim Sum Icon X Gudetama

Dim Sum Icon X Gudetama

日式咖喱唔太啱口味的話,中式點心都有梳乎蛋。既係點心店又賣時裝的點心代表Dim Sum Icon,暑假時曾與梳乎蛋合作推出聯乘點心,如梳乎蛋蝦餃和流沙包等。十月起再加碼推出第二「蛋」點心系列,13款全新梳乎蛋點心,鹹甜都有,總共18款。

新款點心之中,必食近期大熱的芝士撻,有梳乎蛋做生招牌,特別好食;還有梳乎鮮奶撻、火山椰撻、煉奶炸饅頭;鹹點有梳乎蛋海鮮腸、原粒帶子燒賣、梳乎蛋菠蘿包等,款款都有梳乎蛋萌樣。

 

至於裝修,依舊到處都可見到梳乎蛋。美食之外,店內仲有梳乎蛋服飾售賣,夏天有T恤,稍後將會有全新秋冬季貨包括有衛衣、有帽衛衣、拉鏈外套等,絕對唔係街坊點心店咁簡單。現凡惠顧梳乎蛋美食,即可獲贈梳乎蛋芭蕉扇,既得意又實用,送完即止。這個中日聯乘的組合唯香港獨有,限期至11月16日。

點心代表Dim Sum Icon
地址:尖沙咀彌敦道100號 The ONE L3層L308號舖
電話:2885 1345
營業時間:11am-11pm
限定期間:即日至11月16日

下頁有:多啦A夢哈囉喂@海洋公園

多啦A夢哈囉喂@海洋公園

海洋公園哈囉喂全日祭景點多多,多啦A夢哈囉喂影城至啱一家大細。多間餐廳都換上多啦A夢哈囉喂布置,同時推出多啦A夢及其好友齊炮製哈囉喂造型美食,包括海龍王餐廳、冰極餐廳和水都餅店,陪伴小嘩鬼過開心萬聖節。

軟心朱古力餅伴雪糕$388(多啦A夢哈囉喂全日祭套餐):套餐甜品,有小夫做主角。(海龍王餐廳)

其中以海龍王餐廳的選擇最多,計有多啦A夢哈囉喂全日祭4道菜套餐,下午茶餐和多款單點菜式,又有兒童套餐比小朋友獨佔多啦A夢,全都菜式都有多啦A夢哈囉喂造型。不過要留意餐廳哈囉喂主題美食供應期,限定於10月9-11日、16-18日、21-25日、29-31日及11月1日供應;而下午茶則由即日至11月1日供應,期間限定。

海洋公園
地址:香港仔黃竹坑
電話:3923 2323
開放時間:10am-10pm
限定期間:即日至11月1日

下頁有:Rody Playground主題餐廳@Bo-Lo’GNE Cafe and Bar

Rody Playground主題餐廳@Bo-Lo’GNE Cafe and Bar

一向深受小孩及女士歡迎的跳跳馬Rody,四年前在Bo-Lo’GNE打造主題餐廳後,上月兩者再次合作,銅鑼灣希慎分店變身為期間限定的 RodyPlayground的主題餐廳,至11月30日。餐廳門口有全港最大、1.2米高的粉紅色Rody迎賓,店內更擺放了有不同顏色的Rody公 仔,最吸引的莫過於可供小孩任騎跳跳馬的Rody Playground遊樂場,這迷你遊樂場內放有3隻小孩用Rody和1隻大Rody,只須堂食滿$60,就可入內玩餐飽。

講到食物,離不開Rody圖案,曲奇、豬扒飯、咖啡等都見到Rody的剪影,三文治更插上有Rody公仔的牙簽,食飽仲可以拿回家做紀念。此外,全線分店更會推出的Rody照片蛋糕,有多款大小尺寸和口味選擇,全港獨家。

Rody Playground主題餐廳@Bo-Lo’GNE Cafe and Bar
地:銅鑼灣軒尼斯道 500號希慎廣場 13樓 1303號店
電話:2910 1722
營業時間:12pm-10pm
Rody Playground開放時間:星期一至五3pm-7p及星期日12pm-7pm
限定期間:即日至11月30日

下頁有:Mou Mou Club X My Melody

Mou Mou Club X My Melody

行過日式火鍋放題店「Mou Mou Club牛涮鍋」,有無發現有好多My Melody呢?原來牛涮鍋今年開業五周年,特別聯乘My Melody,打造首間主題牛涮鍋專門店,由即日至11月11日,全線九間分店每個角落都見到他們的的蹤影,配合不同的主題佈置、造型模型,精品展示等,陪伴客人用膳,又吃又拍,好happy!

此外又有三款聯乘陶瓷茶架精品發售,會員更可以特價換購,$28一件起。同時推出全新來自日本岩手縣的純請牛,還有士多啤梨味一口馬卡龍(只限部份分店)。全線分店都會有My Melody主題佈置,期間限定 至11月11日。

 

MOU MOU CLUB牛涮鍋
地址:銅鑼灣世貿中心3樓309-310號舖
電話:2882 7811
營業時間:星期一至四12pm-11pm、星期五至日12pm-11pm
限定期間:即日至11月11日

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。