超詳盡！東華慈善嘉年華 14大遊樂設施
要數啱晒大人細路一齊玩嘅，莫過於呢個遊樂設施啦！由6米高瀡落嚟，有速度之餘又無離心力，正！不過去玩之前先要出返些少勞力，因為玩家要拎住一張特製地氈行上6層樓高的斜坡，真係少啲腳骨力都玩唔到！不過瀡落嚟個吓又真係會覺得乜都抵返晒啦！
另一個最啱小朋友玩嘅，就係呢個兒童創意動意區啦！入面有齊5個遊樂設施，除咗有啱男仔玩嘅Hot Wheels賽車跑道之外，仲有交通安全城、大型充氣遊戲、Mega Bloks積木池及玩車專區！
Hot Wheels跑道
玩唔到Hot Wheels跑道？唔緊要，呢度仲有個交通安全城，城內有指示牌同交通燈，見到斑馬線要停低俾人過，交通燈變綠燈先可以開車o架！
好玩度：★★★
值得排隊指數 ：★★★
費用：$30 / 10mins
身高限制：120cm以下
下頁有：Mega Bloks積木池
Mega Bloks積木池
呢個專區可以俾小朋友自己砌積木，玩足一小時，不過如困家長想玩其他遊樂設施，如「陀飛輪」、跳樓機等小朋友唔玩得嘅設施的話，可以將小朋友暫托係度，專區會有專人睇住小朋友o架！
2015年瑞士創新製造的機動遊戲「 陀飛輪」，首度於東華慈善嘉年華面世，稱得上全球最矚目！「 陀飛輪」由3個四方大型框架組成，24個玩家一字排開，3個框架會同時向不同方向「迴環立體式」，不過現場所見速度唔算快，但都幾頭暈o架！
好玩度：★★★★★
值得排隊指數 ：★★★★★
費用：$120
身高限制：140cm以上
終極跳樓機
27層樓(80米)高的跳樓機，比海洋公園高多1/3！真係未玩已經嗌定先啦！
現場所見，開放嘅機動遊戲唔多，其他設施將於嘉年華開幕後陸續啟用，12月23至27日期間先會推出「開心家庭慈善體驗日」門票，入場費只收$20，兒童及長者免費入場。期間可全日免費試 玩大會指定一項家庭式機動遊戲一次，包括首次登陸香港的超級紐約滑梯、繽紛可可杯（Choco Cups）、迷你小鞦韆（Tree Swing）及極速滑梯（Helter Skelter）。
這個慈善嘉年華的受惠機構是東華三院，活動的部份將由收益主辦單位會撥捐東華三院，支持其兒童、青少年及低收入家庭服務。
東華慈善嘉年華詳情：
日期：12月23日至2016年3月28日
時間：11am-11pm（12月23日至2016年1月3日）
地點：前啟德機場跑道
交通安排：為避免交通擠塞，大會建議市民乘搭由大會所提供之免費穿梭巴士來往油塘及會場，疏導人流。
一般門票：2015年12月28日或以後 $180（包括機動遊戲面值$120＋攤位遊戲面值$40＋入場費$20）
活動官方網頁：www.twcarnival.hk
開心家庭慈善體驗門票：
日期：12月23至27日
入場費：$20（兒童及長者免費入場）
備註：入場費包括每天免費試玩指定一項機動遊戲一次，如欲試玩其他機動遊戲需到增值亭充值
遊戲設施：超級紐約滑梯、繽紛可可杯、迷你小鞦韆及 極速滑梯
網上購票：www.ticketflap.com
撰文：Fiona Fong
相片：Fiona Fong
※如欲率先接收資訊，請讚好我們的FB專頁並於「已讚好/Liked」選單設定「搶先看/See First」，多謝支持。
