香港首個STEM遊戲室現時坐落在荃灣的
南豐紗廠中，專為3至18歲青少年及小朋友提供多元化的
STEAM遊戲及學習課程，透過互動遊戲形式，推動科技培育訓練，啟發孩子創意思維及潛能。孩子開始長大到對瀡滑梯、波波池沒興趣的話，就不妨帶他們來這裡
玩下新玩意啦！
撰文及圖片來源：呀劍萬帥｜編輯：Vicky
講到玩大家成日去的Playroom，Playhouse等，對小學生來說都已經OUT哂，依家連STEM都有Playroom啦！
近年都一直流行STEM，甚至有部份已經講緊STEAM….STREAM….一直無限加上去，哈哈！
今天小學生所學的遠比我們這代當年多，就連玩STEAM都已經有Playroom啦！位於活化後的南豐紗廠，在二樓開設了Techbob，一個較適合小學生玩的Playroom。
平日收費$140，假日$190，如果Join埋workshop就可以全日無限進出。
對於我家公子哥哥，波波池瀡滑梯對佢嚟講都開始有點悶。這裏有盡各式各樣的STEM玩意，佢一到場就超興奮，玩到廁所都唔想去。
店位置好開揚，大家都可以看得見內在環境，多款STEAM玩具都可以試玩。
如果仲未知咩叫STEAM的你，就要快D追上潮流啦！我家哥哥都已經被選為學校的STEM校隊。
哥哥芊芊早幾年前都已經可以有接觸STEM，所以對Mbots, microbits等都唔會陌生。
我同佢要鬥快控制機械人，將足球推進送入龍門超刺激好玩。
芊芊就去咗做建築師同工程師，自己組裝機械，設計唔同車輛同埋建築物。
完全就地取材，發揮自己創意，組裝咗一架車，但佢話呢架係一個大炮車…(Anyway)
店內都有擺放其他關於STEM的小玩意，這個OSMO我都有呀，亦有介紹過，很好的喔～
唔好以為只係啱小學生，就算有細佬妹未讀小學，都同樣有適合佢的「Little Makers」同埋「STEAM Park」。
仲有航拍玩呀！呢個「無人機探索」區，可以控制無人機去完成指令，我就未試過室內玩喇！
仲有好多吸睛STEAM擺設，呢D都係用LEGO砌出來，配上程式的STEAM玩具。
NintendoSwitch都有發行多款關於STEAM的遊戲喔～
來到「速度挑戰賽」區，同樣用iPad App去控制無人機，去比試速度，要控制得好都唔容易喔！
哥哥對組裝類遊戲比較有興趣，因為可以做出屬於自己的創作。
其中一個逗留得最耐的區，就係呢個「機械人游擊戰」。
機械人有鏡頭可以在iPad屏幕看見對方，亦有機關槍發射攻擊。
玩上差不多時侯，我哋就參加今日的機械人Workshop。
我哋先組裝整架機械車，然後就可以利用App去下指令去控制佢。
App內說明逐個步驟教小朋友去組裝，非常簡易清楚，哥哥同芊芊都handle到。
哥哥都好認真咁逐步跟住去做，但係妹妹仲快過佢，哈哈～
唔好以為芊芊咁細個就唔識，導師叫佢落指式俾機械人，佢一樣做到簡單的動作。
落堂後兩個仍然玩到唔捨得走，於是繼續留底組裝不同機械車。
其實玩得多普通Playroom發展完大小肌肉，都係時侯要去到個腦去做運動啦！
Photo & Video bySony A7IIIFE 16-35mm F/2.8 & GoPro HERO 7
想跟我去體驗其他活動，快D報名親子團，同埋留意專頁公佈詳情啦！
http://goo.gl/forms/CNZMEPoMIWkouK8o2
Techbob Discovery Center
全港首個STEAM主題室內遊學中心，專為3至18歲青少年及小朋友提供多元化的STEAM遊戲及學習課程，當中包括機械人、APPS、遊戲及網站編程、建築學、創業及創意學習等教育範疇，透過互動遊戲形式，推動科技培育訓練，啟發孩子創意思維及潛能。中心包括四大遊戲區域，全面涵蓋不同創科領域，讓孩子寓學習於玩樂。家長亦能藉此促進親子溝通，與孩子一同參與活動既可了解STEAM如何啟發孩子潛能，更能從中欣賞他們親手創建的機械人或APPS等，增進感情。
地址：Shop 202, 2/F, The Mills, 45 Pak Tin Par Street, Tsuen Wan
營業時間：10AM – 7PM
電話：62182306
網頁：http://www.techbob.com
(以上資料更新至文章當日)
