錦莆手工藝市集 周末好去處

錦莆手工藝市集|兒童電動車+$20玩攤位遊戲/燈籠手作坊

親子好去處

廣告

錦莆手工藝市集|就到周末及中秋假期,還沒想好帶小朋友去邊玩好?今次就有blogger介紹錦田一個親子攤位市集,絕對是平靚正的周末好去處啊!$200預算竟然可以玩齊電動車、手作工作坊、攤位遊戲,場內更設有不少得意打卡位,仲有機會免費睇到魔術表演。馬上看看blogger的行程攻略,等你周末出發前做足準備!

撰文:Coco|資料來源、圖片:Little twin stars龍鳳寶寶授權|編輯:Billie

周末好去處

錦莆手工藝市集

BloggerLittle twin stars龍鳳寶寶在周末帶了一對龍鳳寶寶去免費入場的周末好去處——錦田市集玩。市集距離港鐵站只需5分鐘路程,非常方便,所以周末出遊一帶二都冇問題。而且兩個小朋友都大讚「超好玩」!

錦莆手工藝市集距離港鐵站只要5分鐘路程,交通非常方便。(圖片來源:Little twin stars龍鳳寶寶授權)
這個錦田市集距離港鐵站只要5分鐘路程,交通非常方便。(圖片來源:Little twin stars龍鳳寶寶授權)

兒童電動車場

電動車主要分兩款,一款是腳踏電動車,可以調教向前或向後,配有多款顏色供選擇,連粉紅色都有架。另一款看起來超似「麵包超人細菌小子」部飛船,平時較少見,外型得意又好玩。

收費:
$40可任玩10分鐘(10分鐘內可自由換車,請注意安全。)

 

DIY手作工作坊

場內有好多款DIY手作工作坊,包括石卵手繪、手繪風鈴、韓國流沙匙扣、雪花沙畫、自繪索袋、天然彩米畫和動物燈籠等等。原來,檔主會不時更新款式,手作類型應有盡有,導師都好有愛心和耐性!

收費:

由$2o至$100多元不等,視乎款式而定。PS:款式要看當日供應。

 

攤位遊戲

場內設有約十款攤位遊戲,部份攤位由檔主自家製,充滿人情味。遊戲類型亦有分不同難易程度,滿足到唔同年齡層的小朋友。大人小朋友都啱玩,場內攤位遊戲是周末好去處的不錯選擇!

攤位遊戲 收費:

20元1張;90元5張;150元10張。

 

免費魔術表演+月亮鞦韆打卡位

此外,市集內會有駐站魔術師免費表演魔術同扭氣球送俾小朋友。臨近中秋佳節,絕對不能錯過這個月亮鞦韆打卡靚位啦!彎月可以當櫈仔坐打卡,滿月仲可以當鞦韆玩,夜晚仲會發光,影相一流!隔離仲有個鐵塔同許願池,許願池只限星期六日開放,有興趣仲可以放許願燈。

小食店

玩足一日,小朋友肯定「嗌肚餓」,市集場內設有小食店,售賣漢堡包、熱狗、薯條、燒賣同埋魚蛋等,仲有水果茶、汽水同啤酒。旁邊提供有太陽傘嘅座位坐底可以慢慢享用,大人都可以趁機Chill下。一個地方有齊食玩兼打卡,推薦給一家大細的親子周末好去處。

周末好去處|後記攻略分享

  1. 錦田市集內檔主們都熱情好客,感到滿滿嘅人情味,小朋友玩得好開心。我哋由下午四點玩到七點,小朋友仲未捨得走。
  2. 當日因天雨關係,所以較少人。每日情況不同。去之前記得留意網上更新開放情況。
  3. 市集上蓋有用網遮蔭,而且有強力風扇,所以不算太曬同熱。但仍建議自備防曬用品和風扇仔。
  4. 戶外活動請做足防蚊措施。市集亦有提供免費自助蚊怕水,非常貼心。
  5. 市集內沒有洗手間,要到外面公廁或建議先喺港鐵站內先去廁所。
錦莆手工藝市集
(圖片來源:Little twin stars龍鳳寶寶授權)
(圖片來源:錦莆手工藝市集)
(圖片來源:錦莆手工藝市集)

錦莆手工藝市集

 

詳情請瀏覽 》錦莆手工藝市集《 FB專頁

即睇錦莆手工藝市集詳細地址及聯絡方法