食自助餐送蝴蝶酥

親子好去處

廣告

市道麻麻,食肆各出奇謀。約埋全家大細去食自助餐,更有餅送!即日起至3月1日,去帝苑酒店雅苑座食自助午餐或晚餐,每滿5位成人即送酒店的馳名蝴蝶酥一罐,價值$168。自助午餐平日成人每位$338,比較划算;自助晚餐平日成人每位$548,再加送9吋泰式大虎蝦一隻。

晚餐主題是「亞洲美食大匯演自助晚餐」,特別推介蒙古燒全羊、韓式芝士焗豬肋骨、韓式蜜糖炸雞、火焰鹽焗三文魚、新加坡黑胡椒炒蟹及西貢法式燴牛尾等,都是全新菜式。

凍海鮮必備法國麵包蟹、加拿大蟹腳、智利藍青口、挪威煙三文魚、凍蝦,還有7款新鮮即切魚生及各式自選手卷等。此外,大廚更會即席炮製多款特色菜式,包括即煎法國鴨肝配印尼蝦片、日式爐端燒、烚海鮮、燒肉眼、廣東燒味及西班牙風乾火腿等,多款美食全晚輪流供應。

最後記得留肚食甜品,新推出的馬來咖哩燉有機蛋、越式拉椰糕、辣椒朱古力慕絲,更有朱古力噴泉、即制班戟、Haagen Dazs雪糕及十多款特製甜品任食。

雅苑座
地址:尖沙咀東部麼地道69號帝苑酒店3樓
電話:2733 2030
價錢:自助午餐:星期一至五成人$338、小童$268,星期六日及假期成人$398、小童$308
自助晚餐:星期一至四成人$548 /小童$448,星期五至日、假期及前夕成人$628、小童$478

撰文︰Fiona Chan
相片:有關機構提供

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。