2018林村許願節親子活動 拋寶牒祈福蓮花燈等等活動預告
廣告
一到新年，獨具香港本土特色嘅「祈福三地」車公廟﹑黃大仙﹑大埔林村都會有好多市民爭相前往祈求新一年會萬事順景。當中林村許願節每年都有不同表演，小食攤位，仲有別出新裁嘅新春巡遊花車都會喺林村廣場一一展現！不妨可以一家大細去參與呢個咁有特色嘅活動！
text – Cowboyz 圖片- IG香港許願節facebook
2018林村許願節活動
拋寶牒
話明林村許願節，當然離不開為人所悉嘅祈福儀式拋寶牒，只要將願望寫去寶牒上面,然後將寶牒綁上桔子（現在改為膠桔），誠心祈禱後掟上許願樹而成功掛喺樹上面即係代表願望即將成真！
祈福蓮花燈
通常大家見到蓮花燈都係長輩WhatsApp group入面，其實流放蓮花燈亦都傳統祈福儀式，大埔林村都有許願池放燈，讓願望隨水運轉。
新春花車展覽
大年初一晚新春巡遊花車,一如以往會喺林村許願廣場作公開展覽,如果Miss左當晚冇睇嘅人可以去林村慢慢欣賞。
攤位小食
根據以往林村許願節灘位經驗，小食絕對唔會令游客失望！好似大埔漁村秘製的海產如燒金蠔、原條魷魚廣獲好評，所以許完願唔急，掃晒先好走！
交通事項
由於林村一帶道路較為窄，而林村節又非常多人參與，所以每年警方都會林錦公路實施交通管制，奉勸駕車人士喺呢個繁忙時段最好改搭公共交通工具，否則天黑都入唔到去玩！
日期：2月16號- 3月4號 年初一至年初四及十六﹑十七開放時間為09:00-21:00；其他時間為09:00-19:00
地點：大埔林村鄉公所路林村許願廣場
關鍵詞
林村 林村許願節2018
