沙灘

荃灣3個隱世沙灘 景靚人流少+水質更新連結|親子好去處

親子好去處

廣告

荃灣3個隱世沙灘|想去沙灘又唔想同人逼,不如考慮吓少人去的細泳灘,今次推介3個隱世荃灣泳灘俾大家!呀劍一家都去過哂3個泳灘,大家不妨參考吓我以下介紹,最尾睇睇我為3個沙灘作出既比較圖表,再了解水質先決定今個Weekend去邊玩水啦!

撰文及圖片:呀劍萬帥|編輯:TLY

荃灣隱世沙灘1:海美灣泳灘Hoi Mei Wan Beach

由深井出發先介紹海美灣,泳灘入口就在機場核心計劃展覽中心旁邊,從泳灘指示牌側沿樓梯落,大概3-5分鐘便可到達。泳灘面積不大,沙灘與海之間距離很短,沙質屬一般, 水尚算清,但隨着時間會有少許垃圾飄過來,但職員十分勤力地清理, 每隔一陣就會用網撈起飄浮物。洗手間更衣室都十分就腳方便,但欠缺小食亭士多之類,如要買飲料要上去中心撳汽水。

 

海美灣泳灘

海美灣位於新界荃灣區汀九和深井交界,雙仙灣側,在機場核心計劃展覽中心之下。 沙面上有大石,為自然沙灘。

設施:3個燒烤爐、更衣室、淋浴設備、洗手間和泳屋

地址:青山公路汀九段(顯示地圖

荃灣隱世沙灘2:麗都灣泳灘 Lido Beach

跟住講吓麗都灣, 坐落汀九橋右側, 入住帝景酒店的旅客,只需步行5分鐘就可以到達! 三個泳灘之中最大, 泳客也比較多,算唔上水清沙幼,但係沙質尚算幼細、少沙石!沙灘較傾斜水位較深, 行出一段已經腳掂唔到地!

註:其實在麗都灣隔離不遠仲有一個泳灘叫「更生灣」,不過實在太小,而且跟麗都灣只是數步距離,所以不在此詳盡介紹!

麗都灣泳灘簡介

是位於香港新界荃灣汀九橋西面第一個泳灘,約於1975年開始開放予公眾游泳。它是唯一在荃灣區有沙灘排球場的泳灘,曾有「新界淺水灣」之稱。「Lido」是英文的固有詞,有泳灘的意思,中文名稱則音譯為「麗都」。

設施:浮台、小食亭、更衣室、淋浴設備、洗手間、沙灘排球場和泳屋

地址:香港新界深井青山公路十一咪半(顯示地圖

荃灣隱世沙灘3:汀九灣泳灘 Ting Kau Beach

最後要介紹一吓汀九灣泳灘,泳灘坐落在汀九村內,要行樓梯穿過小屋才能到達,同麗都灣一樣,坐落於汀九橋下。其實有幾條路都可以行落泳灘,不過比較易認係沿住汀九村個路牌,一直行樓梯落去,經過村公所行多兩步就會見到大海,左邊係個石灘,右邊就係泳灘位置。

三個沙灘之中,唯一一個有草地的泳灘,雖然面積不大,但係可以在草地上紮營,也是不錯的選擇!同麗都灣泳灘一樣有個好壯觀嘅汀九橋靚景,而且仲有個兒童遊樂場喺附近。泳灘後設有兒童遊樂場,大家可以在指示牌上睇到當日水質評級。不過洗手間有點遠,起碼行1-2分鐘,這一邊比較多石頭,如帶小朋友,盡量避免在這裡玩。

 

在洗手間附近有個船家喺度租船俾人撑艇仔,$100可以玩到5:30pm,如果朝早嚟就可以$150玩成日!(但係大家請留意,係無牌經營㗎!所以一切後果自負)沙灘比較面積比較小,沙灘與海之間距離很短,但因為人少關係,所以也十分足夠玩!

荃灣3隱世沙灘-景靚人流少+水質更新連結|親子好去處
沙灘比較面積比較小,沙灘與海之間距離很短,但因為人少關係,所以也十分足夠玩!

跟住我發現原來有間士多喺村裡,就去幫襯咗罐寶礦力俾佢哋飲番補充吓體力!士多係婆婆開,只係一個雪榚櫃同家用雪櫃,婆婆掛住玩牌都唔得閒理我,所有嘢都係自助。

荃灣3隱世沙灘-景靚人流少+水質更新連結|親子好去處
自助士多

汀九灣泳灘簡介

汀九灣是香港一個位於維多利亞港都會區西北端的公眾泳灘,為荃灣區中與近水灣唯二可以「在維港範圍游泳」的政府刊憲泳灘

設施:兒童遊樂場、村屋、坐廁

地址:汀九灣泳灘鄰近青山公路,在深井以東,青山公路11咪(顯示地圖)


海美灣 X 麗都灣 X 汀九灣 呀劍比較圖表

荃灣3隱世沙灘-景靚人流少+水質更新連結|親子好去處
呀劍實測比較圖表

泳灘水質更新連結:

https://cd.epic.epd.gov.hk/EPICDI/beach/grading/?lang=zh

以上荃灣泳灘其他資訊:

開放時間:24小時

費用:免費入場

交通:

-九龍新界巴士

53 元朗(東) ↔ 荃灣西站

234B 荃灣西鐵路站 ↔ 浪翠園

-新界專線小巴

96 豪景花園 ↔ 荃灣(海壩街)

96C 碧堤半島 ↺ 荃灣站

96M 豪景花園 ↔ 荃灣站

96S 海美灣 → 荃灣站 只限星期六、日及公眾假期服務

302 豪景花園 ↔ 葵芳站

 

 

 

常見問題:
麗都灣設施?

浮台、小食亭、更衣室、淋浴設備、洗手間、沙灘排球場和泳屋。

海美灣泳灘可以BBQ嗎?
可以。

 

 

麗都灣設施?

浮台、小食亭、更衣室、淋浴設備、洗手間、沙灘排球場和泳屋。

海美灣泳灘可以BBQ嗎?

可以。