古巨基 edan

古巨基邀呂爵安首度合作唱《飄流教室》 大讚Edan假音:好靚好滑溜

娛樂

廣告

古巨基請來呂爵安(Edan)合作,為其正式推出的《I Really Love To Sing》合唱專輯打頭陣,合唱《飄流教室》。MV女主角則邀來八十年代女神柏安妮的十七歲女兒許恩怡(Natalie)擔任:

古巨基 edan 古巨基
(圖片來源:官方提供)

古巨基十九年前的契機

基仔於2003年憑《必殺技》奪得2003年度叱咤樂壇流行榜「叱吒樂壇我最喜愛的歌曲大獎」,他在頒獎台上留下一句經典金句「我真係好鍾意唱歌……」,基仔表示《I Really Love To Sing》企劃便是源自這句話,「真情流露的一句說話,亦都係心底話」。基仔表示已有幾年沒有推出唱片。這個project以「我真係好鍾意唱歌」為題是因為他覺得音樂市場即使比以前辛苦,但仍然有很多很努力的歌手和音樂人繼續唱、繼續為夢想而努力,「而我自己亦係其中之一,所以呢個project就咁樣命名。今次邀請咗唔同曲風嘅新晉歌手一齊去完成呢個project,係一個全合唱嘅專案。」

古巨基 edan 古巨基 基仔於2003年憑《必殺技》奪得2003年度叱咤樂壇流行榜「叱吒樂壇我最喜愛的歌曲大獎」
基仔於2003年憑《必殺技》奪得2003年度叱咤樂壇流行榜「叱吒樂壇我最喜愛的歌曲大獎」,喊住講「我真係好鍾意唱歌……」的金句。(圖片來源:TVB截圖)

古巨基誠邀Edan合作 MV交足戲

至於邀請Edan合作的原因,基仔謂:「《飄流教室》當年冇被成為主打,所以喺今次project度,我好想搵一個心儀嘅人去同我一齊唱呢隻歌。今次嘅新編曲係好classy,配古典鋼琴咁。上次睇Mirror個show,Edan solo嗰part鋼琴自彈自唱令我好深刻,所以我就覺得係非Edan莫屬。」Edan亦受寵若驚,「真係好開心今次呢個合作。從來冇諗過,當初好記得花姐同我講:『喂!古生話想搵你合唱喎,你肯唔肯呀?』嘩!梗係好啦!因為未試過同一個大前輩合作,同埋我細個都有聽古sir嘅歌,所以我覺得呢件事係好神奇。」

古巨基 edan 古巨基
Edan笑說:「今次感受到『前夫』嘅感覺,即係陪個女仔嚟見自己嘅偶像。」(圖片來源:官方提供)

Edan獲益良多:古sir俾咗好多指導我

Edan更表示錄音期間「學到好多嘢」,「古sir每一次都會嚟監製我嘅錄音,俾咗好多指導我,舒文監製都係,所以令到我對唱歌多咗好多諗法。同埋古sir真係好貼心,我問佢啲乜佢都好樂意去教我、幫我,所以好多謝佢。」

古巨基 edan 古巨基
(圖片來源:官方提供)

古巨基讚Edan假音「好滑溜」

而基仔在回憶二人在錄音室時的點滴,對Edan讚不絕口,「我記得佢話知道自己唱歌未必係最好,所以只要有其他唔同嘅機會,佢一定會好願意同埋俾心機去試!係一個好謙虛、好勤力嘅藝人。喺錄音過程裏面,我發現Edan喺假音上係好好,擁有一把好靚好滑溜嘅假音。」

Edan X 許恩怡顏值爆燈

至於MV其中一幕,是講述Edan跟心儀的許恩怡(Natalie)去基仔於CD舖所舉行的新碟簽名會,Edan笑說:「今次感受到『前夫』嘅感覺,即係陪個女仔嚟見自己嘅偶像。」而基仔則演回本尊,當他一踏進CD舖,回憶立即番晒嚟,「見到啲海報、自己啲碟,就諗起好耐冇做簽名會!好懷念。」

古巨基 edan 古巨基
(圖片來源:官方提供)
古巨基 edan 古巨基 嗰陣時,Edan都係玩緊朗誦咋可能)!
2012年的Edan都係玩緊朗誦咋(可能)!(圖片來源:YouTube截圖)

MV 刻意布局穿越回到2012年

基仔覺得這個MV很有穿越感,「MV呢幕講番2012年《告別我的戀人們》呢一隻碟出嘅時候,我特登整番嗰個髮型,連件褸都係搵番當時宣傳嗰件褸,(Edan:真㗎?)我仲着得落!即係冇肥到!哈哈。」基仔又分享到達拍攝現場前的一件小趣事,「因為穿越關係,出呢隻碟嘅時候我係未結婚嘅,頭先一落車嘅時候,古太同我講:『喂!你除咗隻戒指佢先啦!你嗰陣時未結婚㗎。』咁我就除咗啦,哈哈。」

睇埋MV畫面:

即睇最新MV!

撰文:東方新地圖片來源:官方提供、YouTube截圖、TVB截圖資料或影片來源:原文刊於東方新地