周海媚

周海媚去世|悼念90年代最美TVB花旦 重溫巔峰時期靚相

娛樂

廣告

周海媚 12月11日於北京病逝,終年57歲。周海媚去世的消息由工作室以家人名義向外界公告,家,外界對12月6日才度過生日嘅周海媚突然離世無不震驚。

周海媚|參選1985年香港小姐 未入總決賽落敗

85年17歲嘅周海媚參選香港小姐,雖然入唔到第二round(冠軍由謝寧奪得) ,但獲召進入無綫第1期藝員進修班,最終成為當家花旦之一。呢張泳裝環節相,盡顯海味均勻嘅身材同24吋小蠻腰。

周海媚
(圖片來源:新傳媒照片庫)

1985年《楊家將》周海媚處女演出

周海媚完成藝員進修班,即獲派演卡士史上最強嘅無綫18周年台慶劇《楊家將》,演楊九妹楊延瑛一角,一身戎裝揸利劍,英姿颯颯遇敵即殺。

周海媚
(圖片來源:新傳媒照片庫)

1987年 周海媚與嘉玲拍劇爭仔

周海媚87年喺清裝劇《杜心五》擔任第二主角,但演杜心五嘅鄭少秋劇中畀老竇強迫娶海味,由於秋官鍾情女主角劉嘉玲,拜堂日竟留信走佬,相中海味同嘉玲老友鬼鬼,查實劇中係情敵。

周海媚
(圖片來源:新傳媒照片庫)

周海媚呂良偉|1987年 嫁呂良偉

呂良偉87年12月到美國玩時向啱啱21歲嘅周海媚求婚成功後到拉斯維加斯登記秘密結婚,但有傳因海味不規律生活作息引起同住嘅老爺不滿令兩公婆成日嗌交,八個月後離婚時先知當時結婚手續未完全辦妥法律上唔係夫妻。二人分手後仍保持友好關係,在公開場合碰面亦大方合照。

周海媚
(圖片來源:新傳媒照片庫)

周海媚黎明|1989年 黎明緋聞

周海媚89年同黎明(Leon)合作拍科幻穿越愛情喜劇《回到未嫁時》時,傳出同年同月生日嘅兩人,因拍劇日久生情而擦出愛火花,後因感情轉淡分手收場,但 Leon至今都冇承認呢段戀情。

周海媚
(圖片來源:新傳媒照片庫)

1990年 珠光寶氣

90年呢張某電視偶像刊物中間過膠跨頁靚相,周海媚戴上珍珠寶石耳環同頸鏈,襯埋黑加紫紅色百褶雪紡衫,畀人珠光寶氣高貴上等人嘅感覺。

周海媚
(圖片來源:新傳媒照片庫)

1992年 懷舊復古周海媚

周海媚92年登上某娛樂周刊封面, 海味著上黑色deep V衫,梳咗個六十年代流行嘅蜂巢髮型,加埋個三十年代古董電話,大玩懷舊風。

周海媚
(圖片來源:新傳媒照片庫)

1993年 做大騷司儀罕晒乳溝

93年周海媚擔任無綫《健康家庭選舉》嘅司儀,黑色超低胸晚裝激罕露出三吋乳溝,一出場就嘩聲四起原來海味身材咁勁揪。

周海媚
(圖片來源:新傳媒照片庫)

1994年《倚天屠龍記》周海媚28歲被封「最美周芷若」

周海媚94年接演台灣電視劇《倚天屠龍記》,無論樣貌、裝扮、表情、眼神、性格同舉止都相當接近小說嘅周芷若,更獲金庸先生嘅肯定,被喻為史上「最美周芷若」。

周海媚
(圖片來源:新傳媒照片庫)

1997年 周海媚日本出寫真

97年30歲嘅周海媚進軍日本,除拍廣告仲推出色調灰藍以內衣為主嘅性感寫真集《MOI-CREE》,黑白彩色各佔一半,海味造型冷艷有大量性感誘惑嘅內衣寫真,令佢成為性感女神。

周海媚
(圖片來源:新傳媒照片庫)
周海媚
(圖片來源:新傳媒照片庫)
周海媚
(圖片來源:新傳媒照片庫)
周海媚 周海媚多年來都咁明艷照人,不時向粉絲派福利。
(圖片來源:新傳媒照片庫)

大鬧廣昌隆(1997年)︱周海媚「小芙蓉」清純長情最經典

由周海媚和林家棟主演的《大鬧廣昌隆》同樣於1997年推出,周海媚於劇中飾演長期寄居於紙扇內的女鬼「小芙蓉」,在機緣巧合的情況下被林家棟釋放到人間。當時周海媚於劇中造型夠曬可愛又清純,令她憑「小芙蓉」一角爆紅,成為當年無數男觀眾的夢中情人。

靈戲逼人 周海媚「小芙蓉」一角絕對係最經典嘅女鬼角色。
周海媚「小芙蓉」一角絕對係最經典嘅女鬼角色。(圖片來源:《大鬧廣昌隆》劇照)
女鬼 靈戲逼人 「小芙蓉」又清純又靚,令周海媚憑該劇成為當年少男殺手。
「小芙蓉」又清純又靚,令周海媚憑該劇成為當年少男殺手。(圖片來源:《大鬧廣昌隆》劇照)

周海媚曾分享對婚姻有什麼睇法?

周海媚過往曾多次講過不想結婚,她在訪問中再提到這個話題⋯⋯詳情請看

周海媚當年為何與呂良偉離婚?

有傳當年二人到美國遊玩,忽然到拉斯維加斯登記秘密結婚,一年都未有就提離婚⋯⋯詳情請看

撰文:東方新地圖片來源:抖音@周海媚、新傳媒照片庫資料或影片來源:原文刊於東方新地