唐寧

38歲唐寧分享與「二哥」黃家駒絕密合照 凍齡人母拒絕教出一對港孩

娛樂

廣告

38歲唐寧(Leila)童星出身、全盛時期走紅無綫。Leila 與年長13歲的舞台劇演員鄧偉傑於2010年11月結婚,翌年3月誕下兒子俊俊,並於2015年誕下女兒嗡嗡,不料於17年離婚唐寧雖已身為人母,仍一臉童顏,對教養孩子亦有一套想法,拒絕教出一對港孩。日前,是樂隊Beyond主音黃家駒逝世27周年,唐寧在社交媒體貼出她和家駒的絕密合照,表達對他的不捨。

原文刊於:東方新地|圖片:新傳媒資料庫

唐寧分享與「二哥」黃家駒絕密合照

6月30日是樂隊Beyond主音黃家駒逝世27周年,唐寧突然在個人社交媒體貼出她和家駒的合照,並附上caption「二哥…」表達思念。原來在1991年,唐寧曾拍攝電影《Beyond日記之莫欺少年窮》,戲內角色是做家駒的妹妹,唐寧憶述當年家駒對她有如親生妹妹,非常照顧,拍攝結束後更鼓起勇氣,人生首次問異性拿電話。後來得知家駒逝世,唐寧看完新聞要去學校上堂,傷心到一邊上學一邊哭,後來更寫信燒給他,表達對這位二哥的不捨。

教養

凍齡人母拒絕教出一對港孩

凍齡唐寧嘅秘密,其實同日常生活態度息息相關。雖然失婚、獨立湊大一對仔女,不過唐寧從來面對生活態度積極正面,又親力親為帶住仔女一齊玩一齊笑一齊成長,見佢一家三口經常笑容滿面,不時在家中開心彈結他、打鼓夾band,再加上喜歡自家種植,飲食有營仲食埋素,又唔追求物質家中簡約又溫馨,真真正正內心富足享受生活,又點會愁眉苦臉變黃面苦瓜乾呢?

教養
十六年前重頭劇《天涯俠醫》安排深夜重播,劇中當年得22歲嘅唐寧,其實與現時人母容顏分別不大。
教養
近年食素生活有營,唐寧IG經常分享帶住一對仔女下廚煮食,愛與子女玩樂中學習。令子女學懂獨立及照顧自己的生活上技能,拒絕教出一對港孩。
教養
平時的親子活動是打鼓、彈琴、彈結他夾band,開心玩樂。見唐寧將家居布置得簡潔舒適,更懂得利用窗台善用空間㖭!
教養
唐寧為了沒有農藥可安心食用而開始自家種植蔬菜,這是女兒親手種的,既培養女兒的耐性,又可食得健康,一舉兩得。
教養
湊仔親力親為,同9歲俊俊、5歲嗡嗡玩吓唱吓咁就一日,更以自家種植嘅菜煮飯,食得健康。
教養
從家中色調和溫馨布置風格,可見唐寧崇尚樸素簡約生活主義。

公園、遊樂場代替Playgroup

兒子俊俊以前一直沒上playgroup,由父母親自教育,唐寧最常帶他到公園及室內遊樂場,接觸其他小朋友學習人際關係,「我最鍾意帶佢去將軍澳坑口嘅兒童遊戲室,喺市政大樓入面,好大間、有樓梯走上走落。可能近西貢,有好多唔同類型嘅人,包括外國家庭,仲有大大小小嘅小朋友,俊俊會同佢哋傾偈、一齊玩,返playgroup接觸嘅小朋友仲冇咁多元化㖭。」

教養

名校唔重要最緊要開心

當年為兒子選幼稚園時,唐寧指:「名校唔重要,我自己都唔係名校出身,讀名校壓力一定大。我同家人諗法好接近,希望搵間活動教學同環境優美嘅學校,有一間我好鍾意,有沙池、大草地,著重小朋友探索。我自己住新界區,好鍾意大自然,小朋友除咗喺課室接受教育,都要接觸世界。」如今囝囝俊俊已經小學,對於選校,她依舊堅持自己的原則,不會盲目跟隨主流思想,最緊要係囝囝讀得開心。

唐寧分享與「二哥」黃家駒絕密合照 凍齡人母拒絕教出一對港孩

不反對兒子做童星但不刻意鋪路

唐寧與前夫鄧偉傑渾身演戲細胞,大有可能遺傳給俊俊,有次唐寧在刨《警界線》劇本,見俊俊充滿好奇,便演繹幾場戲給他看,「我抽咗場警匪搏鬥場面做,佢係咁笑,可能見到我好用力演,哈哈!劇本白紙黑字佢未有太大興趣睇,鍾意睇我做戲多啲!」她坦言不介意俊俊步她後塵做童星。講故事氹孩子,每個家長都會做, 唐寧演繹故事,「我會為唔同角色扮晒聲,自己都覺得好好玩!佢最鍾意我創作嘅生活化故事,加入咗好多佢鍾意嘅元素,例如佢好鍾意搭車,我會講 『今日俊俊起身後,我帶佢搭巴士,點知冇巴士喎,要過去等小巴⋯』故事中佢不斷聽到自己鍾意嘅嘢,就好有興趣聽落去。」