好老公

【童話愛情故事】細數演藝圈10位模範好老公

娛樂

廣告

34歲男子組合BOYZ成員張致恆(Steven)公開宣布結婚,但隨即被爆出未婚妻並唔係拍拖5年嘅女朋友,甚至一腳踏五船,被封賤男!不過,其實圈中還是有些明星是好老公,現在就跟大家一一細數演藝圈10位模範好老公!

撰文:Kammy、KM|圖片來源:Instagram

細數演藝圈10位模範好老公

1. 劉青雲:太太係我人生最好嘅禮物

要數好老公,一定唔少得劉青雲!劉青雲同郭藹明(Amy)這對圈中模範夫妻,自94年拍拖,98年拉埋天窗,二人今年踏入結婚21周年。二人至今行街仍會甜蜜拖手,恩愛羨煞旁人,能夠令婚姻保鮮,劉青雲坦言全靠老婆郭藹明功勞,他大讚老婆說:「太太係我人生最好嘅禮物,佢好聰明,我鍾意咩、唔鍾意咩,唔使講佢都一清二楚!」

人生最大膽一次

事實上,當年鼓起勇氣追求現任劉太,劉青雲曾表示這是他人生最大膽一次。據知情者透露:「青雲同Amy 拍《大時代》嗰時仲未拍拖,佢兩個喺埋一齊都係多得周慧敏撮合,94年Vivian開演唱會,因為知道青雲對Amy有意思,就邀請佢兩個一齊去睇演唱會,幫青雲製造機會,不過之後青雲再約會Amy,都要鼓起好大勇氣,始終當時Amy有學識又靚,而青雲事業先啱啱起步,冇車冇樓,第一次約Amy去街,青雲仲硬住頭皮叫Amy揸車去接佢,然後一齊食飯,所以到依家佢都成日提起,好感激老婆當時冇嫌棄佢!」

復出要問准老公

眾所周知,郭藹明是美國南加州大學機械工程學雙碩士,當年Amy為青雲放棄工程師工作。想不到人妻婚後至今,仍然為陪老公放棄復出;早前《大時代》翻播,一眾演員被炒熱,當時就有唔少人邀請Amy復出。Amy友人透露:「嗰時同無綫都出嚟傾咗幾次,不過除咗睇角色, Amy最著重係時間,講明一定要就咗老公檔期先,最後都因為怕困身陪唔到老公,所以傾唔成!」事事老公行先又識得撒嬌,相信就是郭藹明維繫甜蜜婚姻最佳秘技!

劉青雲 五大冧妻語錄

平時不苟言笑的青雲,15年憑《竊聽風雲3》奪金像影帝,公開發表 「太空船論」多謝老婆,少有公開講「愛的宣言」的他,唔止台下老婆被感動到眼濕濕,仲冧盡全港雌性動物。

1. 最經典:冧上太空

平時不苟言笑的青雲,2015年劉青雲憑《竊聽風雲3》贏得第34屆香港電影金像獎頒獎禮「最佳男主角」,這是他第二次擠身金像獎影帝寶座。劉青雲在台上強忍淚水,感謝太太郭藹明,他說:「我要多謝我太太,每次當我揸住隻太空船,飛到去宇宙唔知邊一度嘅時候,你總係有辦法,令我好安全咁返嚟地球,多謝!」郭藹明聽到劉青雲的話,感動得用手指抹眼淚。

2. 最冇符:逢嘈必輸

論到夫妻相處之道,青雲自認次次鬧交都認輸:「一來我英文唔夠佢好,二來佢根本唔怕我!冇辦法,遇上佢,我只能夠投降。」

3. 最有共識 唔諗生仔

結婚21年,好多人都問過青雲夫婦點解唔生B?他說:「我哋根本唔打算要小朋友,好珍惜二人世界,陪老婆行街市,享有一般人嘅生活。有老婆陪喺身邊,係我最開心、最好嘅減壓方法。」

4. 最謙虛:老婆叻晒

郭藹明係美國南加州大學機械工程學碩士:「佢學歷高,對我嚟講係件好事,我可以向佢學英文、學騎馬、學普通話,佢仲會修理電視機㖭!」

5. 最安心:坦白至上

能令青雲感到安心的是家和太太,佢話郭藹明既是妻子,也是他最好朋友:「我哋早就講好,彼此有咩事都講出嚟,唔希望對方喺外人口中知道,呢個係我哋彼此信任嘅態度。」

2. 張繼聰:就算時光倒流幾多次,我都會娶你做老婆

好老公張繼聰與謝安琪(Kay)同是恩主教書院讀書,其後二人都選擇加入樂壇做歌手。2005年,當時初踏足樂壇的Kay是樂壇明日之星,張繼聰的名氣卻比不上她,加上二人突然宣布奉子成婚,不少人都直指張繼聰拖累Kay,更指他是「廢柴老公」。

2007年,當年張繼聰謝安琪兩夫婦剛成為父母,承受著各方面的壓力,二人更先後患上抑鬱症,不過反而令二人關係更進一步。同年,張繼聰在音樂頒獎禮上奪獎,更向Kay講了愛的告白:

「最後,我想多謝我太太,同埋我個仔。……喺過去嘅一年,我聽過好多祝福嘅說話,都聽過好多,好難堪嘅說話。我記得有一晚,我睇住我太太瞓覺,係一個好大壓力嘅晚上,我好難過。我唔知我可以講乜嘢說話去安慰佢,但我同我自己講,我一定好好照顧我太太,照顧我個仔。就算時光倒流幾多次,我都會娶你做老婆。我愛你。」

努力工作終捱到發達

Kay多年來事業都處於高峰,更獲選香港十大傑青。張繼聰亦沒有氣餒,繼續做好自己,加入TVB拍電視劇,一劇接一劇,加上拍攝各大廣告及電影,出鏡率不遜於太太,最終成功搣甩「廢柴老公」之名。其後Kay生囡囡張靖時,張繼聰更令太太可以完全放下工作,安心養好身子,一家四口樂也融融。

老婆被網民惡意攻擊 為妻挺身而出

二人由公開關係,到結婚生子,以及事業上都屢受抨擊。謝安琪周不時被外界質疑整容,言論還相當不留情面!見網民攻擊愛妻,一向大方的張繼聰亦不禁發長文回應,他表示:「香港有言論自由,可惜未必每位朋友都有尊重別人嘅修養。我好少放係心,不過講我太太,我就講幾句,太陽係喺東邊升起,係唔需要証明,又唔駛討論,因為係事實。就好似我覺得我太太有幾靚一樣!」阿聰的言論於開首已很有大將之風,絕對是「傑出關公」的示範!

奇招氹妻 確定「好老公」形象

今年情人節,Kay同張繼聰講唔想要任何物質嘢,只係想要一份過咗好多年之後都仲記得嘅禮物。依個難題又點會難倒一向鬼馬嘅張繼聰,佢於是帶咗Kay去尖沙咀海旁,問正在表演嘅年青人借咗支結他,即場自彈自唱情歌《每天愛你多一些》俾Kay聽,引來一大班途人圍觀。

睇吓Kay笑得幾開心!

張繼聰仲留言話:「老婆話唔要d物質禮物,但係要難忘嘅冧豬嘅幾十年後都記得嘅🍃 於是我帶佢去海旁,問班年輕人借咗d架生…… 講都無人信,仲要撞到Endy同阿嫂 😂 氹老婆嘅嘢,梗係搵啲志同道合嘅人一齊啦(主要係互相拍片😂)P.S.十分感謝借樂器比我地嘅年輕人s😘🙏🏻打攪晒😅🙏🏻」真係一個好老公呀!

 

3. 陳豪:She is my queen

陳豪、陳茵媺自2013年拍攝《心戰》時撻著,二人婚後育有2子1女。陳豪是娛樂圈出名的好老公。當年二人完婚後,陳豪更公開愛的宣言:「好多謝Aimee,自從遇到佢,發生嘅全部事都好開心,寄望日後都係一樣,She is my queen!」老婆Aimee定必甜到入心!

陳豪亦是好爸爸,即使拍劇時間日夜癲倒,但對老婆陳茵媺及三位仔女錫到燶,無論幾忙仍會盡量抽空陪伴家人,即使捱到殘都在所不計!

享受二人世界

二人雖然育有2子1女,但依然會不時出外拍拖!陳豪日前喺Instagram大晒同茵媺嘅甜蜜合照!茵媺雙手搭喺Moses膊頭,小鳥依人仲大晒婚戒,有如一對新婚夫婦!Moses話難得抽到時間同老婆拍吓拖,去咗行街、睇戲、食飯,享受二人世界。

難得兩個人去拍拖,當然要爭取機會影多幾張合照!除咗大晒拖手相,Moses仲分享佢同茵媺撐枱腳時嘅合照,見到佢哋食緊飯都要拖住手,佢哋仲時不時自己兩個單獨去旅行,相信呢對模範夫妻仲好似熱戀期一樣咁甜蜜!

4.周潤發被太太大讚係體貼老公

周潤發與太太陳薈蓮結婚31年,恩愛依然。去年12月30號是發嫂59歲生日,發哥與劇組人員一同為太太慶生。發嫂更透露,自嫁給發哥31年來,每一年生日都會同老公一齊過。無論他有多忙,他都會在這一天抽出時間為她慶生。所以,發嫂成日都話「好感恩有這樣體貼的老公。」

發哥自言:「我是一個很悶的人」

早前,發哥 為電影《無雙》做宣傳,同發嫂夫妻檔接受咗《魯豫有約》節目專訪。發哥係節目中被問到,「你覺得(發嫂)嫁給周潤發,辛唔辛苦?」發哥就表示自己係個好悶嘅人,擔心發嫂日常都會好悶。

透露每日做完運動就會成日留喺屋企唔出門,一度被發嫂誤會「有病」。但是,作為陳薈蓮的老公,發哥就直言:「有她的照顧,我開心到不得了,感覺好舒服」

結婚是驚喜 發哥:「唔想亦唔應該給她包袱」

周潤發曾歷經一段失敗婚姻,所以在和陳薈蓮交往時,曾直言「你要記住,我不會娶你」。發哥在節目中表示:「我覺得不想給她包袱,也不應該給她包袱。」

發哥曾經認為「兩個人走在一起,應該不是為了結婚」發嫂也從沒想過要跟發哥結婚,或許是因為愛一個人是無條件的。

直到1986年,發哥去紐約拍《秋天的童話》,發嫂以女友身分同行。當時發哥通宵拍戲,早上7點才收工,突然對發嫂提議「我們不如結婚」。

付出太多 發哥:「應該要給她一個名份」

發哥終於感受到「她為我付出得太多,我覺得應該要給她一個名份」

突如其來的求婚,沒有玫瑰和戒指,但發嫂還是答應了。發嫂憶起:「當日一早,兩個人就去了教堂簽證,給了15塊美金,就結婚了。」

發哥力追太太兩年

發嫂自言自制力極強,同發哥相識兩年,依然「未敢」去愛。發嫂透露,當時根本不認識「周潤發」是誰,朋友介紹就隨意答應去見面。初相識時,發嫂認為發哥好有魅力,好迷人,但當時聽過「太多不好的傳言」,以至於她不敢去愛。兩年時間,發嫂亦不會擔心發哥突然「走咗去」,她認為做女人要對自己有信心,而兩個人相愛是講求「緣分」。

陳薈蓮是新加坡富商之女,兩人認識之後就開始通過電話聯繫,你來我往,雖然相處時間不長,可是兩人已成無話不談的知音。經過發哥兩年間窮追不捨的約食飯、打電話、寫情信…發嫂終於被「收服」

樂觀性格鼓勵太太走出喪女之痛

發哥在節目中更罕有談及發嫂陳薈蓮1991年曾經歷喪女之痛。發哥自言當時很快就釋懷,「因為兩個人同傷悲,對任何一方都沒有好處。我只有不停的鼓勵太太。當時我處理壓力的方法很簡單,就是做運動、爬山。出出汗就好了。最重要是性格,我特別的樂觀,甚麼都不看重。」

發哥更引用《卧虎藏龍》一句自己最喜歡的電影對白「把手握緊,裡面什麼也沒有;把手放開,你得到的是一切」。又形容自己現在是開朗、開心、有活力的人。

發嫂用七年時間走出陰霾

婚後,發嫂盡心竭力當好妻子的角色,是娛樂圈的模範夫妻,她更成了發哥的賢內助、經紀人。1991年時,發嫂懷孕了!兩夫婦都很高興,還一起布置女兒房間。一直以來發哥都很喜歡小朋友,發嫂懷孕期間,他經常伏在發嫂的肚皮跟孩子說話,可是,當孩子尚有兩星期就出世之際卻被判了「死刑」。多年後,兩夫婦才道出「32年無子真相」,當時B女是因為臍帶纏頸致窒息而死。

發嫂曾在接受訪問時談到:「當時我選擇順產把BB『生出來』,不過產後,護士迅速抱走了她,因為老公不想我見到她而再受打擊。」十月懷胎的女兒沒有了。事後發哥靜悄悄清理好預留給孩子的房間,更在事情發生後,每天都陪著太太,結果,他們花了七年的時間才走出陰霾。

發嫂表示,對再懷孕仍有恐懼,而自從這次後,發哥沒有再提及生BB的話題,因為不希望老婆感到有壓力。

自91年發嫂陳薈蓮不幸小產後,發哥發嫂一直膝下猶虛,但原來他們多年前已選擇領養兒童,不過原來這位養子就是發嫂的姪仔,早於90年代已往澳洲留學!

發哥愛妻金句

又話唔結婚,點解會改變初衷?發哥對發嫂說:

「呢幾年我一直都喺度觀察你,覺得你係適合同我過埋下半世,咁咪同你結婚囉。」

知道發嫂對再懷孕仍有恐懼,發哥對發嫂說:

「老婆,只要你喜歡就得,有冇小朋友都唔緊要,千祈唔好有壓力。」

5. 黃智賢與太太拍拖14年 結婚14年

51歲黃智賢(Ben)捱足30年電視台,近年總算叫做捱出頭來,事業穩打穩紮,愛情亦都一樣細水長流。黃智賢有個OL老婆,拍拖14年、結婚14年。黃智賢話過最鍾意每日朝早送太太返工,因為車程中就係二人可以傾計的時間,而他平日夜晚拍廠景時,回家太太已睡,而再奢侈一點就是二人一齊食lunch,他唔使開工時都愛揸車接太太放工!

黃智賢透露和太太的愛情故事是由廚房開始,很久以前他在餐廳做廚房partime,負責送菜出窗口,而太太當時是waitress,二人透過小窗口對望生情愫!直至有一天,黃太見Ben的鑰匙扣殘舊,便送上新的,二人就這樣開始了情緣。2004年,他們去紐西蘭旅行期間註冊結婚,這是由於二人都愛簡單不愛舖張!黃智賢一直都好保護老婆,太太早年被傳媒追訪時,佢曾經表示:「佢係圈外人,冇心理準備,我老婆好細膽又怕醜,過往好少同佢出席首映同飯局。我作為老公要保護老婆,佢係OL唔想引起太多話題,要搞就搞我!(點氹返老婆?)將佢嘅相影得靚啲,唔影都影咗,可以點?」

有共識唔生B

黃智賢話同老婆結婚三年後已經傾過,諗好咗唔會生BB:「大家都知對方性格唔啱做爸爸媽媽,覺得責任好大,我哋冇呢個耐性,而且香港嘅教育制度或者社會,都令我冇安全感,唔覺得適合有小朋友,當然意外有咗又係另一樣嘢,個天畀你又唔同。我哋決定咗之後都冇再諗小朋友嘅嘢,反而會諗冇小朋友嘅好處,我覺得『無憾』就係唔好反反覆覆去後悔。」

養狗代B

黃智賢家中養咗兩隻可愛狗仔,分別係摩天使女Cream Cream同T-cup貴婦女Pepper,依家已經六歲,冇生B計劃嘅黃智賢夫婦都當正佢哋係自己仔女咁錫到燶,不過原來黃智賢當初想養嘅係大狗,會養細狗全因遷就太太:「太太驚大狗,而且細狗易啲打理,就算唔得閒放狗,佢哋都可以自己喺屋企玩。至於揀狗女亦都係太太嘅意思,因為狗女嗲啲,又得意!」

6.張智霖無懼名氣懸殊 愛妻25年

藝人袁詠儀(靚靚)同老公張智霖(Chilam)素以恩愛聞名,二人於2001年結婚,其後育有兒子張慕童,是圈中「模範夫妻」。不過,當年卻因為名氣懸殊的關係,惹來不少負面新聞。早在1990年,21歲的袁詠儀就參加香港小姐競選,摘下冠軍和「最上鏡小姐」名銜,1992年更獲得了第12屆香港電影金像獎最佳新人獎。反觀當年的張智霖只因唱了一首《現代愛情故事》而小有名氣,但論知名度和人氣,仍和袁詠儀有所差距。因此,1994年,靚靚在生日派對上公開了和Chilam的關係,並未獲得很大的祝福。

最終,2000年,Chilam憑《十月初五的月光》初哥哥一角彈起,當時,已沒有人再認為女尊男卑了!2013年,《衝上雲霄II》的Cool魔一角更把Chilam事業推上巔峰!

張智霖:我會用一生去寫,而你也請花一世去細讀

近日,二人一同參與內地綜藝節目《妻子的浪漫旅行2》,大曝早前張智霖寫給袁詠儀的情書,在場幾位人妻聽到淚崩。節目監製公開,早前張智霖寫給袁詠儀的情書,如下:

親愛的,如果愛真的能在一個節目上,簡簡單單地寫封情書就能把多年的感情一傾如注。那事事都會變得簡單許多許多。

親愛的,如果愛真的能憑三言兩語又或是呼天搶地地說我愛你,就能證明痴心一片的話,那這種方式的愛,我們都不懂。那我們的愛是甚麼呢?

是日與夜之中;是溫馨與吵架之中;是玩樂與生病之中;是迷失與成功之中;是孕育與逝去之中;愛是生與死之中。

所以如果真要我寫一封情書給你讀的話,我會用一生去寫,而你也請花一世去細讀。

情書上滿滿都是愛,表達了張智霖對靚靚的愛,更是愛一個人的承諾。另一嘉賓章子怡都表示:「我聽到最後一句淚奔(所以如果真要我寫一封情書給你讀的話,我會用一生去寫,而你也請花一世去細讀)。」一邊看一邊的張智霖都紅了眼眶。靚靚表揚張智霖:「我喜歡我老公也是因為我覺得,他有時候說的話很有文化。」因為圈中靚仔不少,大部分都沒有內涵,一開口都是空白的,不像從外國回來張智霖有文化。

7.郭晉安為老婆當湊仔公

郭晉安與歐倩怡早年拍攝旅遊節目而擦出火花,拍拖七年後,2006年在迪士尼樂園舉行婚禮,一對子女令山及以雅分別在08及11年出生。安仔希望太太能做個全職主婦,專心照顧家庭,所以努力賺錢,更支持太太繼續進修!

早前歐倩怡復出奇妙台主持《身醫管》,劇集煞科的郭晉安全線充當湊仔公近兩個月,不過其實老婆沒有工作時,他一樣都常被影到收工撲去學校接一對仔女放學。

8. 任達華將老婆寵成女皇

現年64歲的任達華演技好人人都知,不少電影都令人留下深刻印象,但他除了是個好演員之外,其實他更是位公認的好老公!任達華1997年跟模特兒琦琦結婚,二人育有一女任晴佳。任達華婚後提出的「三從四得」寵老婆規則,不少網民都大讚他很sweet

任達華寵老婆的程度可是讓人驚訝,為了慶祝他與老婆的20週年結婚紀念,他送上3顆不同形狀的鑽石,而每顆形狀的鑽石都有不用意義,愛心形狀的是他們最愛的女兒,方形形狀代表琦琦;或許不少人覺得這樣花錢有點揮霍,但肯這樣為女人花錢的男人,不是每位有錢人都做得到。

愛老婆最重要是給她舒服的家,房子更要登記琦琦名下;任達華為了報答老婆辛苦誕下女兒、照顧家庭,願意花上重金買房,這個愛妻舉動琦琦一定很感動!

不僅樂於花錢在老婆身上,更有「三從四得」寵老婆規則!任達華曾經說過和老婆結婚後他就開始遵守「三從四得」不讓老婆煮飯、擦地板、洗衣服是「三從」,而「四得」則是老婆畫妝要等得、刷卡要捨得、生氣要忍得、發脾氣要哄得。

9.黎諾懿:感激老婆給我一個完整的家

藝人黎諾懿與前港姐李潔瑩(Nicole)2014年11月11日結婚,婚後育有囝囝小春雞(黎峰睿)。去年正是他們結婚4週年,兩人放下仔仔,過二人世界「撐檯腳」。當日黎諾懿在IG放了當年婚禮上兩人的主題曲《樂意》並留言:「四年前今日,我跟你進入人生另一個階段,多謝你給我一個咁完整的家庭,老婆我愛你!結婚週年快樂!」不少網民都大讚,黎諾懿是「完美男人」!

每年送一隻不同顏色戒指給老婆

黎諾懿太太Nicole都有在IG放閃,原來兩人去了「二人世界撐檯腳」,而老公送了一隻戒指給他,而最有的情趣是,他每年都會送一隻不同顏色戒給老婆。Nicole Lee:「第四年結婚週年紀念 慶祝活動有下午家庭樂,晚上二人世界撐檯腳!謝謝老公每年送我戒指,今年第四年是綠色,愛不惜手,一切很美、只因有你」

努力工作 唔靠老婆

當年黎諾懿跟Nicole結婚,不少人都以「五億駙馬」來稱呼他。Nicole父親經營的奧華美容公司,旗下有18家分店,家住四千萬紅磡豪宅海名軒,連同手持的物業,估計身家逾五億。黎諾懿生於基層家庭,在屯門友愛邨長大。一個是富家女,一個是屋邨仔,看似是兩個世界,但要一齊其實只需要愛。黎諾懿話:「開頭都知佢家境OK,但都係睇雜誌先知佢屋企有咁多間公司,因為我從來唔過問呢啲嘢。」他又指:「你知雜誌將佢哋嘅身家估大少少㗎啦,Nicole仲講笑話『嘩!爹哋你有層樓值億二咩,賣咗佢啦!』(不怕被說成黐金糠嗎?)佢阿爸阿媽我阿媽同 Nicole知道唔係咪得囉,人哋講乜都冇所謂,只要唔好太傷害性,最肉酸咪話我食軟飯,但你哋見我仲做緊嘢㗎!」黎諾懿話自己並不物質,只希望退休時有間屋,屋前面有片農地。但連香港大東北都話要發展成銅鑼灣,想耕田,或者要離開香港。

最終,黎諾懿婚後工作機會不斷,更升呢做男一,多套電視劇中擔任重要角色。

10.張家輝:進入演藝圈最大的成功是認識了關詠荷

關詠荷和張家輝在亞視共事時認識,1992年公開戀情,拍拖11年。不過,兩人多年來的愛情不是一帆風順,張家輝就曾患上抑鬱症而避走南非,撇下關詠荷8個月。在張家輝離開的期間,他最疼愛的姐姐生病了,關詠荷不旦沒有因為張家輝的離開而憎恨他,更一直在這段時間照顧張家輝家人,期後張家輝得知姐姐病情後回港。看到關詠荷照顧他家人後,很希望關詠荷可回到他身邊,不過關詠荷卻以:「你真傻,在我心中從來沒跟你分離過。」回應,也因為她不計較及愛屋及烏的性格,令張家輝從今以後也留在她身邊,與她一直愛下去。

關詠荷在電視圈做一姐時,張家輝的演藝事業還是浮浮沉沉,期間得到與他相愛廿多年的關詠荷無時無刻的體諒,拍拖期間兩人一直同居,直至有一天關詠荷跟張家輝表示想生兒育女,兩日才開始計劃結婚。

經過多年的努力,2008年張家輝終於吐氣揚眉,憑電影《證人》榮獲7項影帝殊榮,張家輝捱了20年,演技魅力終於被肯定,而當年拍拖關詠荷鼓勵張家輝所說一席話,於這天實現了。

張家輝曾在一個訪問中表示最喜歡關詠荷的是她性格不造作,是一位傳統的賢妻。而他更在得到影帝殊榮後於頒獎台上感激地對關詠荷說出:「因為你為這個家付出,我才能把所有精力投在演戲上,太太是我娛樂圈最大的收穫!」,關詠荷聽到這段話後,自己亦感動落淚。