孫慧雪怒炒外傭 網上求助後詳列工人姐姐7件離譜事件！

孫慧雪外傭姐姐放假瘟仔 遲遲不回家為常事

孫慧雪在凌晨發文表示外傭姐姐放假到凌晨2點還沒有回家，征求網民高見之後，在下午在發文更新情況，孫慧雪表示他們已經跟姐姐「分手」，大數姐姐的7件離譜事件！

孫慧雪發文表示姐姐在上班第一天已經失聯，後來才出現表示是僱主為自己搞Farewell Party，所以才未能上班。此外，她亦大爆外傭姐姐雖然在面試的時候，話自己內向，喜歡匿喺屋企，但在第一日放假的時候，到晚上11點才回家。外傭姐姐解釋自己喜歡匿的是男朋友的家，自己之前幫慣外國人做事，與孫慧雪一家風格不一樣。孫慧雪外傭姐姐的妙語連珠都令網民覺得非常無言！

洗衫只洗自己衫 要求me time做運動

除此之外，孫慧雪的外傭姐姐從第一天開始已經唔做嘢，洗衣服也只洗自己的衣服。姐姐工作幾天後已經表明自己做唔曬所有嘢，要求孫慧雪再請多一個姐姐。她更要求每天給予自己me time做運動的時間，就算家務未做完，也會自行收工去me time做運動。每當孫慧雪叫姐姐幫家人拿東西的時候，姐姐都會說自己拿不動，要求孫慧雪一家自己拿重物。

第一日入屋就「推窗落街」超恐怖

要數到最誇張的，莫非孫慧雪姐姐第一天入屋就將成隻窗推落樓一事莫屬了。事後姐姐還狡辯解釋窗子是自己跌落街，與自己無關。孫慧雪回想當時有可能是因為上手外傭姐姐窗子才會變鬆，窗子墮屋一事亦不能全怪責新外傭姐姐。

孫慧雪控訴外傭姐姐7大離譜事件全文：

其實我EQ都好高，不如我詳細講出嚟，等大家有花生食，新姐姐之七不思議：

1. 【上工首日開Party失聯】本來應該到嗰日，即第一日，佢失聯，後來再出現話前僱主幫佢搞farewell party, 所以失蹤咗一日；

2. 【唔幫僱主洗衫】嚟到唔做嘢，我洗衣籃傾瀉，我哋問佢係咪唔識用洗衣機啊？，不如教你呀，佢話：我識呀，已經幫自己洗咗幾機衫，然後我先發現，係喎！晾起全部都係佢啲衫

3. 【晚晚要有me time做瑜珈】 佢嚟到第一日，要求每晚都要有me time做運動，都唔緊要，但係佢晚晚一早就自己收工，唔會再幫手，然後攞瑜伽蓆，換晒full set運動衫，做瑜珈！跟住又係洗自己啲做完運動嘅full set運動衫唔係我哋啲衫⋯

4. 【放假去夜街深夜遲遲未返】面試時，佢話自己好內向，唔鍾意出街，剩係會匿喺屋企，除非有緊要事要辦先出去，下午兩三點都已經會喺屋企，結果第一日放假，佢話夜晚11點先返，我哋O晒嘴，話佢interview都唔係咁講，佢話「我鍾意匿喺男朋友屋企」，可能我幫慣外國人做嘢囉，同你地style唔同

5. 【講到明怠工】佢做咗幾日，表明自己就做唔晒啲嘢㗎啦，你哋請多個姐姐嘅時候，我再同佢傾，點樣合作做你哋屋企啲嘢啦，其實我屋企只得我、老公同小朋友，小朋友已經盡量自己湊，接送都係我同老公，有家教老師喺度嘅時候，佢都唔幫我哋執床，自己去咗me time

6. 【推工人房隻窗落街 】最誇張嘅係：第一日入屋，佢用神力推咗我屋企隻窗落街！！！！真係非常好彩係，無傷到人！！！之後佢同我講， 隻窗係自己跌咗落街！（註：隻窗喺工人房）利申：我哋屋企係新裝修，仲要有驗窗，可能係之前啲姐姐整鬆咗，都唔可以完全怪晒佢嘅！不過係我人生入邊一件好難忘嘅事！

7. 【拒絕拎嘢 】叫佢幫我哋攞嘢，佢話佢攞唔到，叫我哋自己攞

自認運氣差 之前遇過犯罪集團姐姐

孫慧雪一出Post，很多網民都建議她僱用另一外傭姐姐，她亦在回應網民時透露自己一直運氣差，經常遇到奇怪的姐姐。她留言說道：「之前嗰啲有個欠債，俾人追債、有個偷嘢、有個竟然係犯罪集團，搞到警察攞搜查令上門。可能我哋唔識睇人，仲要之後佢哋個個都聯絡返我，話想返嚟做，應該係我哋太好恰！」

網民留言撐孫慧雪

網民看完孫慧雪的控訴之後，都紛紛留言表示佩服她能夠忍到今日才爆發，網民更力撐孫慧雪解僱外傭姐姐的決定，表示最好報警處理！大部分網民亦認為越早解僱越好，因為外傭姐姐經常到男友家過夜很危險，表示很多外傭姐姐都會放假後大肚回家，10個月後可能要幫姐姐坐埋月！

孫慧雪公開最真實的一面

平時打扮性感的孫慧雪，唔化妝唔顯露身材，原來可以純過蒸餾水。日前孫慧雪在社交網出po，以「我的日常」發文：「其實我平時同社交媒體見到嘅我完全兩個人，我唔化妝、孭背囊、踢拖、頭髮蓬鬆，可能你喺街唔會認得我……」孫慧雪表示剛剛送完囝囝返學，並po出一張全素顏的自拍照，照片中的她戴住口罩，冇眼線眼影之下，雙眼細了十倍，真係同上妝後的她判若兩人。

網民反應大：佢先係童顏天花板

孫慧雪得天獨厚，圈中好友李佳芯與陳婉衡留言大讚，網民亦留言指她完全不像39歲，唔化妝勁似學生，更有網民指不知她原來是單眼皮，推舉她才是「童顏天花板」。

豪晒33C索爆身材

宅男女神孫慧雪雖然已為人妻人母，但憑着驕人身材及甜美樣貌，又不時愛在社交網騷「咪咪」大派福利，依然有大班宅男粉絲追隨。早前雪雪就在IG上載一輯性感靚相，豪晒33C索爆身材，眼見她穿上銀白色超低胸晚裝裙，再側身瞓在地上大晒「完美球形」，就算39歲仍然堅挺！難怪獲不少網友大讚：「正到不得了」、「跌出嚟咁滯」、「一個字索！」等等。

為豐胸公司擔任代言人

原來孫慧雪是為豐胸公司擔任代言人，拍攝新一輯性感硬照，雪雪在IG留言說：「我今年40歲（7月11日）啦！想同大家講胸部保養對女人嚟講，真係好重要！只要胸部保養做得好，除咗望落線條靚啲，年輕啲之外，最重要係保持胸部健康！女人真係要對自己好啲，想身材體質keep得到，又keep得好，一定要由專業的來！」