小朋友長高

張穎康、麥雅緻開Live大談小豆升小一!高到媽媽心口 麥雅緻分享小朋友長高全靠補鈣

娛樂

廣告

張穎康同麥雅緻(Angie)結婚8年,生咗一仔一女「小豆」同「小花生」,一直以來都係圈中Sweet到爆嘅夫婦!雖然麥雅緻已經無再拍劇同做主持,但係不時都會同老公張穎康一齊現身,上星期仲一齊開Live,連小豆同小花生都有一齊加入,同Fans傾計,仲分享小朋友長高咗𠻹!

張穎康 麥雅緻開Live 分享「學前恐懼」竟唔係小豆

好多小朋友同小豆一樣,近半年由於疫情關係,只係6月復課一段短時間,基本上都無正式返過學。始終小朋友太耐無早起身,放假有時會夜瞓,生理時鐘都亂晒。兩公婆都怕小豆返小一要適應新環境而覺得壓力好大,分享做家長要幫助小朋友調節返返學時間。今年升讀小一嘅小豆9月23日正式開學,佢就好淡定咁話唔太緊張,希望返學校跟同學一齊畫畫。反而爸爸張穎康就話因為要接送小豆返放學而感到好緊張,怕自己唔夠瞓無精神。

小豆開學,張穎康比小豆仲緊張,非常搞笑!
小豆開學,張穎康比小豆仲緊張,非常搞笑!

小學一年班!咁重要嘅日子,爸爸媽媽梗係要送你返學啦!但係你唔好怪爸爸點解頭都唔疏又著住睡衣送你返學,因為你今日返學係鞋都唔駛著!不過慶幸嘅係,爸爸媽媽可以陪住你上堂!大家加油💪🏾祝各位小朋友可以快啲重返正常嘅日子啦! #HAHA之家

Posted by 張頴康 麥雅緻 on Monday, August 31, 2020

小花生見到小豆執拾書包,佢突然間又要攞個背囊出嚟扮返學⋯ 猛咁話:「時姑時姑」⋯ 🏫 不過我睇你到時返學,應該都係會喊到豬頭咁🐷😂 #HAHA之家

Posted by 張頴康 麥雅緻 on Wednesday, September 23, 2020

小花生對家姐返學好感興趣,見家姐執書包,自己又跟住一齊揹起背囊。

小豆升小一 一年前後大對比 小朋友長高 媽媽麥雅緻大嘆「小朋友大得好快」

最近張穎康Facebook就分享太太同小豆嘅合照,明顯見到小豆長高唔少!Angie作為兩個小朋友嘅媽媽,小朋友長高 當然都功不可沒!佢同好多媽媽一樣,一向都好著重小朋友嘅成長同發育。尤其今年大女升上小學,為咗避免佢因為學業感到太大壓力而唔肯食嘢,佢就會幫小朋友制定時間表,餐與餐之間避免畀小豆食太多零食,又或者因為食飯問題而責駡小朋友,以免佢有因食飯而產生壓力,從而可以幫助 小朋友長高。

小朋友大得好快,所以我哋成日幫佢哋影相,記錄低佢哋嘅成長階段,真係每次睇返都驚覺:「小朋友大得好快呀!」😱話咁快小豆已升上小學喇,我知道小朋友4至12歲係快速長高嘅時期,好多父母都特別擔心小朋友長得唔夠高,又怕佢唔長肉,其實身高同體格除咗有父母嘅遺傳基因影響外,仲有飲食、營養、運動量等等,今晚9:30直播同大家傾下呢個話題!#HAHA之家 #小豆轉眼高咗咁多 🤩

Posted by 張頴康 麥雅緻 on Tuesday, September 22, 2020

日攝1000毫克鈣質 預防骨質疏鬆、身型縮水

營養師建議一般成年人每天要攝取1000 毫克鈣質。不過有調查指香港有9成女士都未能喺日常飲食中攝取足夠鈣質,更喺產後有骨質疏鬆甚至變矮嘅煩惱。另外,做足功課嘅Angie仲分享偏食、節食、吸煙、酗酒同缺乏運動等生活習慣,都會加速鈣質流失!

小朋友長高
Angie每日都會同小豆一齊,各食一條啜啜鈣補充鈣質。左邊紫色係大人食,右邊係兒童版。

飲奶曬太陽都唔夠鈣 化身家中「補鈣達人」

Angie嘅媽媽飲牛奶、曬太陽樣樣做齊,都仍然有骨質疏鬆嘅問題,亦提醒咗Angie要好好補鈣。為咗防止好似媽媽咁骨質流失,Angie一直都好著重為自己補鈣。亦成為咗屋企嘅「補鈣達人」!除咗會幫自己補鈣,亦會幫小豆補鈣,等佢可以長得更高!

最近提過小豆開始食啜啜鈣,收到唔少粉絲inbox…

Posted by 張頴康 麥雅緻 on Monday, September 7, 2020

小朋友長高
張穎康及麥雅緻屋企放咗一架「餐車」,上面有齊全家人每日所需嘅唔同嘅supplement。而小豆更會好乖咁主動走去拎兒童版微米液體鈣(啜啜鈣)嚟食𠻹!唔怪得佢高咗咁多,連牙仔都健康咗啦!
小朋友長高
Angie 自己就一路都食緊成人版啜啜鈣,發現自己同小豆食咗後都瞓得好咗!
啜啜鈣有鈣質+維他命D+骨膠原,補鈣同時可以提升骨質密度!Angie食咗之後皮膚仲彈滑咗,有凍齡效果!
啜啜鈣有鈣質+維他命D+骨膠原,補鈣同時可以提升骨質密度!Angie食咗之後皮膚仲彈滑咗,有凍齡效果!

近來人人都因為居家抗疫又做少咗運動而肥咗,但疫情期間Angie就努力做運動,加上三餐「走飯」,最終成功減去十幾磅,弗到爆呀!

尋晚新鮮出爐嘅係⋯ 最搞笑嘅「香港小豆」🤣有請香港小豆為我哋繞場一周⋯ 👸🏻👸🏻👸🏻#媽媽翻箱倒籠搵到條彩帶 #咩話一眨眼十五年喇#佢話情願做unicorn🦄️唔要做香港小姐 #但媽媽不後悔選港姐 #成長了又學懂更多

Posted by 張頴康 麥雅緻 on Sunday, August 30, 2020

唔知小豆會唔會步媽媽後塵,參選香港小姐呢?

Angie唔再拍劇同主持節目,成為一個全職媽媽,全心全意照顧老公同兩個仔女。而佢最近更為咗可以努力修讀「兒童與家庭教育文學」碩士,逢星期四、五兩晚都會匿入房度一邊食飯一邊遙距上堂。老公張穎康大呻無得同老婆一齊食飯好慘,似乎係隔空放閃多啲!

Live直播重溫:

話咁快小豆已升上小學喇🎒,我知道小朋友4至12歲係快速長高嘅時期,好多父母都特別擔心小朋友長得唔夠高,又怕佢唔長肉,尤其係如果小朋友唔願食飯或者有偏食,家長就更擔心啦😥!其實身高同體格除咗有父母嘅遺傳基因影響外,仲有飲食、營養、運動量等等。而家復課仲要擔心埋小朋友之間多接觸,抵抗力唔夠會容易唔舒服😷不過最近我輕鬆咗好多,因為小豆每日都會自動啜一包香橙味嘅兒童啜啜鈣,佢咁鍾意食😋,我梗係開心,呢隻兒童啜啜鈣係藥劑師推薦配方,一次過可以幫助小朋友增高+長肉,仲可以增強免疫力💪🏻。最緊要同成人啜啜鈣一樣都係易吸收,吸鈣多2.6倍🆙️。想知多啲佢點樣幫小朋友打好個底,入嚟睇我直播嘅分享啦!而家「BG兒童啜啜鈣」係萬寧優惠價$299 /盒。至9月30日,係有Tycoon推廣員嘅指定萬寧店舖更有【買4送1】🛒 (即平均每盒$239.2)指定萬寧店舖資料可以去BG官網睇下: https://www.boostnguard.com/post/455#BG #兒童啜啜鈣 #BG兒童液體牛奶鈣 #增高 #長肉 #增強免疫力 #成長 #發育 #微米液態化鈣 #膠原蛋白 #鈣吸收量多2點6倍 #萬寧獨賣

Posted by 張頴康 麥雅緻 on Tuesday, September 22, 2020